ពេលខឹងគ្នា បើមិត្តប្រុសពិតជាបានលះបង់បេះដូងជូនអ្នកមែន គាត់ប្រាកដហ៊ានធ្វើរឿងទាំងនេះ
- 2019-10-17 07:15:00
- ចំនួនមតិ 0 | ចំនួនចែករំលែក 0
ពេលខឹងគ្នា បើមិត្តប្រុសពិតជាបានលះបង់បេះដូងជូនអ្នកមែន គាត់ប្រាកដហ៊ានធ្វើរឿងទាំងនេះ
សម្រាប់មនុស្សស្រីបានចែងច្បាប់ថា ៖ មាត្រា១ មិត្តស្រីមិនដែលខុស។ មាត្រា២ បើមិត្តស្រីធ្វើខុស ឲ្យមើលមាត្រា១ ឡើងវិញ។ នេះពិតជាត្រឹមត្រូវហើយ ព្រោះនារីត្រូវការពាក្យលួងលោមពីបុរសដែលនាងស្រលាញ់។ តែចំពោះបុរសដែលស្រលាញ់មិត្តស្រីពេញបេះដូងវិញ ទោះគ្មានមាត្រាទាំងនេះក៏គាត់សុខចិត្តធ្វើចាញ់ និងព្រមតាមលួងអ្នកគ្រប់ពេល។
១. និយាយពាក្យសុំទោស
ដោយសារតែគាត់មិនចង់ឃើញអ្នកមិនសប្បាយចិត្ត គាត់សុខចិត្តនិយាយពាក្យសុំទោស។ គាត់មិនចង់ធ្វើជាមនុស្សចង់ឈ្នះ។ បើសិនជាពេលខ្លះអ្នកជា អ្នកខុសមែនក៏គាត់សុខចិត្តអត់ធ្មត់ មិនក្រេវក្រោធដែរ។
២. មិនសើរើរឿងចាស់
បើបុរសម្នាក់នោះបានលះបង់បេះដូងគាត់ជូនអ្នកហើយ ទោះជាអ្នកតាំងចិត្តចង់ឈ្លោះជាមួយក៏ដោយ ក៏គាត់មិនជីកឬសគល់រឿងឈឺចាប់ដែលកន្លងមកអ្នកធ្លាប់ធ្វើដាក់គាត់នោះទេ។ គាត់យល់ពីស្ថានភាពបច្ចុប្បន្ន ហើយគ្មានអ្នកណាចង់ក្រៀមក្រំព្រោះរឿងចាស់ដែរ។ គាត់ចង់រក្សាចំណងស្នេហ៍នេះឲ្យបានយូរអង្វែង។
៣. មិនប្រៀបធៀបអ្នកនិងនារីដទៃ
មនុស្សស្រីឆាប់ប្រតិកម្មណាស់ ហើយនាងហ៊ានដើរចេញភ្លាមៗបើលឺមិត្តប្រុសយករូបនាងទៅប្រៀបធៀបជាមួយមនុស្សស្រីផ្សេង។ ប៉ុន្តែសម្រាប់បុរសដែលបានបូជាបេះដូងជូនតែអ្នកម្នាក់ ច្បាស់ណាស់គាត់គ្មានថ្ងៃនិយាយពាក្យនេះចេញទេ។ បើទោះពេលខ្លះអ្នកឆាប់ខឹង ពិបាកលួងក៏គាត់មិនប្រៀបធៀបអ្នកនឹងនារីដទៃដាច់ខាត ព្រោះគាត់ដឹងថានេះជាការជាន់ឈ្លីនិងធ្វើឲ្យអ្នកកាន់តែខឹងលើសដើម។
៤. បង្ហាញក្ដីស្រលាញ់ភ្លាមៗឲ្យអ្នករំភើប
ឲ្យតែអ្នកបាត់ខឹង គាត់ស្ទើរតែអាចទៅចាប់ព្រះច័ន្ទឲ្យអ្នកបាន។ គាត់សុខចិត្តធ្វើគ្រប់យ៉ាងមិនថាការងារផ្ទះ ដូចជាលាងចាន ដាំបាយ ឬលាងម៉ូតូឲ្យអ្នកជាដើម។
ចុចអាន៖ ពេញមួយជីវិតស្វាមីនឹងស្រលាញ់ប្រពន្ធមិនទៅណា ព្រោះភាពវៃឆ្លាត៣យ៉ាងនេះ