កំហុសឆ្គងដ៏ធំរបស់មនុស្សស្រីពេលដាក់ចិត្តស្រលាញ់នរណាម្នាក់ ខ្លាំងពេក
- 2019-10-09 05:00:00
- ចំនួនមតិ 0 | ចំនួនចែករំលែក 0
កំហុសឆ្គងដ៏ធំរបស់មនុស្សស្រីពេលដាក់ចិត្តស្រលាញ់នរណាម្នាក់ ខ្លាំងពេក
ស្នេហាដែលប្រពៃបំផុតគឺស្នេហាដែលដុះចេញពីសងខាង។ ដើម្បីទទួលបានស្នេហាយូរអង្វែង ភាគីទាំងសងខាង ត្រូវតម្រង់ទៅទិសដៅតែមួយ ដោយត្រូវតែមានទៅមានមក ជាខ្នងបង្អែកសម្រាប់គ្នាទៅវិញទៅមក។ យ៉ាងណាក៏ដោយ ប្រសិនបើស្នេហាព្យាយាមតែម្ខាង នោះស្នេហានោះនឹងស្លាប់នៅពាក់កណ្ដាលផ្លូវ។ ខាងក្រោមនេះគឺកំហុសឆ្គងរបស់មនុស្សស្រីភាគច្រើននៅពេលដាក់ចិត្តស្រលាញ់អ្នកណាម្នាក់ខ្លាំងពេក។
១. លះបង់ច្រើនពេក
មនុស្សស្រីតែងនៅសម្ងំចំពោះរាល់ភាពអយុត្តិធម៌ទាំងឡាយនៅក្នុងមនោសញ្ចេតនាដើម្បីរក្សាស្នេហារបស់ខ្លួន។ ដោយសារតែការលះបង់ខ្លាំងពេកនេះហើយ គឺជាកំហុសដ៏ធំរបស់មនុស្សស្រី។ អ្វីៗក៏ត្រូវកំណត់ទាំងអស់ ប្រសិនបើអ្នកទ្រាំខ្លាំងពេក ដល់ពេលមួយអ្នកនឹងធុញ ហើយបញ្ចប់ស្នេហារបស់ខ្លួនដោយខ្លួនឯង។
២. គិតថាគេនឹងស្មោះ
នៅពេលដាក់ចិត្តស្រលាញ់ហើយ មនុស្សស្រីងប់ខ្លាំងណាស់។ ទោះបីជាត្រូវគេធ្វើឲ្យខកចិត្ត ឬដល់ថ្នាក់បោកប្រាស់ក៏ដោយ ក៏នាងមិនបោះបង់ដែរ គឺសុខចិត្តកុហកចិត្តខ្លួនឯងតែម្ដង។ ដូចនេះហើយ ពួកគេនឹងសង្ឃឹមថាសង្សារខ្លួននឹងប្រែជាស្មោះនៅថ្ងៃណាមួយ ទាំងរឿងនោះមិនអាចកើតឡើយ។
៣. គេត្រូវការពេលណា មានមុខជានិច្ច
នេះគឺជាកំហុសឆ្គងដ៏ធំមួយ។ ការដែលគូស្នេហ៍មួយនៅក្បែរគ្នា គឺជាកត្តាដែលមិនអាចខ្វះបានដើម្បីបង្កើនមនោសញ្ចេតនា។ យ៉ាងណាក៏ដោយ ប្រសិនបើអ្នកស្រលាញ់គេដល់ថ្នាក់ ក្ដក់មកក្ដក់មក នោះគេនឹងបានចិត្ត នឹងអាចយកសកម្មភាពនេះមកបន្ទោសអ្នកនៅថ្ងៃក្រោយ ប្រសិនបើអ្នកមិនទៅជួយគេតែមួយដងនៅពេលក្រោយ។ ត្រូវបង្ហាញពីគោលជំហររបស់ខ្លួន ហើយកុំឲ្យតែគេហៅ តែងមានមុខឲ្យសោះ។
៤. ឆាប់ស្និទ្ធិស្នាលពេក
ដោយសារតែទុកចិត្តទើបឆាប់ស្និទ្ធិស្នាលជាមួយគេ យ៉ាងណាក៏ដោយ ភាពស្និទ្ធស្នាលផ្នែករាងកាយគួរតែប្រព្រឹត្តទៅដោយយឺតៗ មិនបង្ខំ ព្រោះយើងមិនដឹងថាគេជាមនុស្សប្រភេទអ្វីឡើយ។ អ្វីផ្សេងអាចប្រញាប់បាន តែរឿងនេះមួយត្រូវប្រុងប្រយ័ត្ន ព្រោះបើជ្រុល អ្នកអាចស្ដាយក្រោយមួយជីវិត។ ដូចនេះត្រូវសន្សឹមៗកុំបំបោល៕
ចុចអាន៖ ហេតុអ្វីចូលចិត្តរត់តាមស្នេហាដែលមិនមែនជារបស់ខ្លួនឯង ហើយស្រែកថាហត់?