ទម្លាប់អាក្រក់ៗធ្វើឲ្យរាងកាយស្ត្រី ចុះអន់ថយ និងបាត់បង់ភាពស្រស់ស្អាត
- 2019-09-23 10:40:00
- ចំនួនមតិ 0 | ចំនួនចែករំលែក 0
ទម្លាប់អាក្រក់ៗធ្វើឲ្យរាងកាយស្ត្រី ចុះអន់ថយ និងបាត់បង់ភាពស្រស់ស្អាត
ស្រីៗមួយចំនួនមិនបានគិតទៅដល់ចំណុចខាងក្រោមនេះឡើយ ដោយចេះតែបណ្ដែតបណ្ដោយវារហូតក្លាយជាទម្លាប់។ ទម្លាប់ទាំងប៉ុន្មាននោះ បានធ្វើឲ្យរាងកាយក៏ដូចជាសម្រស់បាត់បង់បន្តិចម្ដងៗ ហើយពេលខ្លះមិនអាចកែខៃឡើងវិញបានទៀតផង។
១.ស្លៀកសម្លៀកបំពាក់តឹងពេក
មនុស្សស្រីចូលចិត្តស្លៀកសម្លៀកបំពាក់តឹងៗណាស់ ដើម្បីឲ្យឃើញរាងស្អាត។ ទោះវាជួយឲ្យរាងស្អាត ប៉ុន្តែវាបានធ្វើឲ្យសាច់ដុំធ្វើការរឹតតែធ្ងន់ធ្ងរឡើង ជាពិសេសបើស្លៀកពាក់ខោអាវដែលផលិតពីក្រណាត់គ្មានខ្យល់ចេញចូល។ ជាទូទៅក្រណាត់តឹងអាចធ្វើឲ្យញើស ធូលី ដី និងប្រេងជាប់ពេញខ្លួន។
**២.ការប្រើផលិតផលខុសលើរាងកាយ**
មុនជ្រើសរើសផលិតផលអ្វីយកមកប៉ះលើរាងកាយ សូមពិចារណាឲ្យមែនទែន។ មុនលាប មុនខាត់អ្វីមួយត្រូវប្រយ័ត្ន ព្រោះវាអាចធ្វើឲ្យស្បែករលាកបាន។
៣.មិនងូតទឹក
ភាពកខ្វក់ ប្រេង និងញើសនឹងនៅជាប់លើដងខ្លួន ឬសម្លៀកបំពាក់ ហើយវាធ្វើឲ្យអ្នកមានអារម្មណ៍ថាតឹងណែនរាងកាយ។ បើស្ថិតក្នុងពេលអាកាសធាតុក្ដៅទៀតនោះ អ្នកនឹងមិនអាចអង្គុយសុខឡើយ។ មិនងូតទឹកជាតិកង្វក់ទាំងឡើយត្រូវបានស្រូបចូលក្នុងវិញតាមរន្ធញើស។ មួយវិញទៀតបើអ្នកមិនបានយកចិត្តទុកដាក់លាងសម្អាតខ្លួនប្រាណឲ្យល្អទេ នោះនឹងនាំឲ្យស្បែកមានបញ្ហាធ្ងន់ធ្ងរ ការស្ទះរន្ធញើស មុន ស្នាមជ្រីវជ្រួញ។
៤.មិនបោកសម្អាតខោអាវក្នុង
បើអ្នកគិតថា ខោអាវក្នុងមិនមានជាប់ធូលីអ្វីផង ហើយជ្រើសរើសមិនបោកគក់ ពិតជាខុសធ្ងន់មិនខាន។ ការសម្អាតខោអាវក្នុងអាចជួយបណ្ដេញញើស និងក្អែលជាប់ខោអាវបាន ហើយពេលពាក់ទៅ អ្នកនឹងមានអារម្មណ៍មានផាសុកភាព។ តែបើស្លៀកពាក់មិនគក់ នោះបាក់តេរីនឹងជ្រាបចូលរាងកាយ។
៥.ការប្រើឡេការពារកម្ដៅថ្ងៃ
នៅតាមហាងនានាមានលក់ឡេដែលមានរូបមន្តអាចជួយការពារកម្ដៅថ្ងៃបាន។ ព្រោះតែបែបនោះហើយ អ្នកខ្លះមិនបានអានពាក្យណែនាំលម្អិតមុនប្រើប្រាស់ឡេឡើយ ហើយគិតថាពេលលាបរួចមិនចាំបាច់ពាក់ខោអាវវែងៗអ្វី ដើម្បីជួយបិទបាំងបន្ថែមដោយសម្អាងឡេការពារកម្ដៅថ្ងៃអាចទប់ទល់បានទាំងស្រុង៕
ចុចអាន៖ងាយៗធ្វើឲ្យសាច់មុខសខ្ចីដូចកូនក្មេង ដោយគ្រាន់តែប្រើម៉ាសទឹកដោះគោកក