រឿងដំបូងពេលភ្ញាក់ពីគេង មិនមែនងើបចេញពីគ្រែដើរទៅផឹកទឹក តែជារឿង២យ៉ាងនេះ

2019-09-19 05:05:00
ចំនួនមតិ 0 | ចំនួនចែករំលែក 0

រឿងដំបូងដែលធ្វើនៅពេលព្រឹក ពេលភ្ញាក់ពីគេងមិនមែនចុចទូរសព្ទ ឬក្រោកទៅងូតទឹកដើម្បីស្លៀកពាក់ទេ។ គ្រូពេទ្យជាច្រើន សង្កេតឃើញថា អ្នកជំងឺបេះដូងមានការគាំងបេះដូងធ្ងន់ធ្ងរ សម្ពាធឈាមឡើងខ្ពស់ និងស្ពៀតសរសៃឈាមច្រើនតែពេលអ្នកជំងឺក្រោកនៅពេលព្រឹក។

ប្រសិនបើអ្នកក្រោកដោយកាយវិការលឿនៗ ភ្លាមៗប្រព័ន្ធប្រសាទនឹងបំលាស់យ៉ាងលឿនធ្វើឲ្យឆាប់បាត់ថាមពល។ សម្រាប់មនុស្សចាស់វិញ ងាយនឹងធ្វើឲ្យសម្ពាធឈាមឡើងខ្ពស់ណាស់។ ម្ល៉ោះហើយ បណ្ដាលឲ្យបង្កើនឱកាសស្ទះសរសៃឈាម ធ្វើឲ្យឈាមរត់ទៅបេះដូងមិនគ្រប់គ្រាន់។ ដូច្នេះសម្រាប់អ្នកមានអាយុចាប់ពី៤០ឆ្នាំឡើងទៅ បូករួមទាំងអ្នកមានជំងឺបេះដូង សម្ពាធឈាមខ្ពស់ និងទឹកនោមផ្អែម គួរមានការប្រយ័ត្ននៅពេលក្រោកពីដំណេកពេលព្រឹក។

គ្រូពេទ្យជំនាញច្រើនរូប ណែនាំឲ្យអនុវត្តមានវិធីខាងក្រោម៖

១. ចំណាយពេល២នាទីម៉ាស្សាពោះ

លោកវេជ្ជ . Wang Zemin នៃ Institute of Traditional Chinese Medicine oncology សង្ឃឹមថា នេះជារឿងដំបូងដែលអ្នកគួរធ្វើមុនគេ ពេលភ្ញាក់ឡើង។ ការម៉ាស្សានេះនឹងជួយឲ្យប្រព័ន្ធរំលាយអាហារដើរបានល្អ។ លើសពីនេះ អ្នកអាចធ្វើបានទាំងមុនចូលគេង និងភ្ញាក់ពីគេងជារៀងរាល់ថ្ងៃ។ វិធីសាស្រ្តនេះជួយព្យាបាលអ្នកឈឺក្រពះឲ្យឆាប់ជាដោយមិនដឹងខ្លួន ព្រមទាំងជួយឲ្យគេងលក់ស្រួលផងដែរ។ អ្នកត្រូវប្រើដៃទាំងពីរដាក់ក្រោមដើមទ្រូង ហើយប្រើម្រាមដៃម៉ាស្សាយឺតៗចុះទៅក្រោមបរិវេណពោះ។ ធ្វើដដែលៗបែបនេះប្រហែល១នាទី។

២. ចំណាយ៥នាទីម៉ាស្សាកដៃ កំភួនជើង

វិធីម៉ាស្សានេះនឹងជួយសរសៃឈាមរត់បានល្អ ដោយអ្នកត្រូវផ្ងារដៃរួចឈ្លីត្រង់កដៃ។ បន្ទាប់មកផ្ញារមកវិញ រួចឈ្លីត្រង់ប្រអប់ដៃក្បែរម្រាមមេដៃម្ខាងទៀត។ បន្ទាប់មក កុំភ្លេចឈ្លីត្រង់គន្លាក់កែងដៃផង។ បន្ទាប់ពីម៉ាស្សាដៃចប់ អ្នកត្រូវម៉ាស្សាត្រង់កំភួនជើង និងកជើងផងដែរ។

៣. ផឹកទឹកមួយកែវ ជួយប្រព័ន្ធឈាមរត់បានល្អ

បន្ទាប់ពីម៉ាស្សារួច លោកវេជ្ជ . Kaohsiung ណែនាំថា ផឹកទឹកមួយកែវពេលព្រឹកជារឿងសំខាន់។ នៅពេលយប់ ខណៈពេលអ្នកគេងលក់ រាងកាយបានបាត់បង់ជាតិទឹកតាមរយៈប្រព័ន្ធអ៊ុយរីននិងស្បែក រួមទាំងដង្ហើមផង ដែលងាយឲ្យឆាប់ខ្វះជាតិទឹក។ ក្នុងមួយយប់អ្នកអាចបាត់បង់ជាតិទឹកយ៉ាងហោច ៤៥០ មីលីលីត្រ ។

ប៉ុន្តែទឹកដែលគួរផឹកនៅពេលព្រលឹម មិនមែនជាទឹកកក ឬទឹកក្តៅនោះទេ ព្រោះក្រពះនិងពោះវៀនអ្នកមិនទាន់មានអាហារនៅឡើយ។ អ្នកគួរផឹកទឹកធម្មតា ទើបជាលក្ខខណ្ឌល្អ។ តែបើបន្ទប់គេងរបស់អ្នកស្ថិតក្នុងសីតុណ្ហភាពត្រជាក់ អ្នកអាចផឹកទឹកក្ដៅបាន៕