អនុវត្តទម្លាប់រស់នៅប្រចាំថ្ងៃទាំង ៧ នេះនឹងជួយអ្នកកាន់តែក្មេងជាងវ័យ
- 2019-09-17 03:40:00
- ចំនួនមតិ 0 | ចំនួនចែករំលែក 0
អនុវត្តទម្លាប់រស់នៅប្រចាំថ្ងៃទាំង ៧ នេះនឹងជួយអ្នកកាន់តែក្មេងជាងវ័យ
សុភាពនារីគ្រប់គ្នា តើនរណាមិនចង់មានមុខក្មេងស្រស់ស្អាត? ភាគច្រើនអ្នកចង់បានមុខក្មេងៗ ប៉ុន្តែមានដែលបានយកចិត្តទុកដាក់លើការថែរក្សាសុខភាព សម្រស់ ពិសេសវាទាក់ទងទៅនឹងទម្លាប់រស់នៅប្រចាំថ្ងៃរបស់គ្រប់គ្នាផ្ទាល់តែម្តង។ ដូច្នេះអ្នកគួរតែដឹងពីទម្លាប់ទាំង ៧ នេះអាចជួយអ្នករក្សាភាពក្មេងជាងវ័យបាន៖
១. ការថែរក្សារាង
អ្នកគ្រប់គ្នាប្រហែលជាបានដឹងមកហើយថា ការធ្វើលំហាត់ប្រាណពិតជាសំខាន់ណាស់សម្រាប់រាងកាយ។ យ៉ាងហោចណាស់អ្នកគួរពេល ៣០ នាទីក្នុងការហាត់ប្រាណ ព្រោះវាធ្វើឲ្យសម្ពាធឈាមដើរបានស្រួល ជួយធ្វើឲ្យខូឡាជេនរឹងមាំនៅក្រោមស្បែក។ ហេតុដូចនេះ វាជាកត្តាធ្វើឲ្យស្បែកអ្នកភ្លឺនិងក្មេងជាងវ័យ។
២. ញុំាបន្លែនិងផ្លែឈើ
ផ្លែឈើនិងបន្លែសុទ្ធតែជាប្រភេទអាហារសម្បូរទៅដោយជាតិសរសៃ មានកាឡូរីទាប តែផ្ទុកទៅដោយវីតាមីនចាំបាច់សម្រាប់រាងកាយអ្នក។ ប្រសិនបើអ្នកចង់បានសុខភាពល្អគួរផ្លាស់ប្តូរមកញុំាបន្លែនិងផ្លែឈើឲ្យបានច្រើនដើម្បីឲ្យក្មេងជាងវ័យព្រោះវាសម្បូរទៅដោយជាតិសរសៃ។
៣. លាបឡេការពារកម្តៅថ្ងៃ
ពន្លឺព្រះអាទិត្យមានឥទ្ធិពលខ្លាំងទៅលើស្បែករបស់អ្នក វាមិនត្រឹមតែធ្វើឲ្យស្បែកខ្មៅស្រអាប់ប៉ុណ្ណោះទេ ថែមទាំងធ្វើឲ្យមានស្នាមជ្រីវជ្រួញទៀតផង។ ដូច្នេះបើអ្នកមិនចង់មើលមកឆាប់ចាស់មុនអាយុទេ គួរតែប្រើឡេការពារកម្តៅថ្ងៃសម្រាប់ការពារស្បែករបស់អ្នកពីកម្តៅថ្ងៃ។
៤. គេងឲ្យបានគ្រប់គ្រាន់
ការគេងជារឿងល្អសម្រាប់អ្នក មិនថាការអស់កម្លាំងដោយសារការគិតឬការប្រើកម្លាំងទេ ការគេងនឹងជួយអ្នកឲ្យមានអារម្មណ៍ស្រស់ថ្លាល្អ។ អ្នកត្រូវដឹងថារាងកាយក៏ត្រូវការពេលដើម្បីជួសជុលកោសិកាចាស់ៗ ដូច្នេះគួរតែផ្តល់ពេលឲ្យរាងកាយបានសម្រាកខ្លះ ទើបជាការល្អ។
៥. បញ្ឈប់ការគិតរឿងពិបាកចិត្ត
ភាពតានតឹងជាកត្តាប៉ះពាល់ទៅដល់រាងកាយអ្នកនិងផ្លូវចិត្តអ្នកខ្លាំង។ នៅក្នុងជីវិតប្រចាំថ្ងៃរបស់មនុស្សម្នាក់ៗ តែងមានភាពតានតឹងដោយសារអ្នកតែងជួបបញ្ហាប្រឈមមុខរាល់ថ្ងៃ ដូច្នេះកុំសូវយកចិត្តទុកដាក់លើរឿងតប់ប្រមល់ច្រើនពេក។
៦. កាត់បន្ថយការប្រើប្រាស់ទូរស័ព្ទដៃ
ការប្រើប្រាស់ទូរស័ព្ទដៃអាចធ្វើឲ្យអ្នកចាស់ដោយមិនដឹងខ្លួន ព្រោះពន្លឺដែលចេញពីអេក្រង់ទូរស័ព្ទអាចបណ្តាលឲ្យស្បែកអ្នកមិនល្អ។ សាកគិតមើលទៅ ថាអ្នកតែងប្រើជារៀងរាល់ពេល អញ្ចឹងផលប៉ះពាល់ក៏មានច្រើនដែរ។ ផ្ទុយទៅវិញ គួរកាត់បន្ថយការប្រើប្រាស់ទូរស័ព្ទដៃដោយចំណាយពេលណាដែលអ្នកគិតថាចាំបាច់ទើបជាការប្រសើរ។
៧. រក្សាគំនិតបែបវិជ្ជមាន
ការគិតបែបវិជ្ជមានពិតជាល្អសម្រាប់ផ្លូវកាយនិងផ្លូវចិត្តរបស់អ្នក។ ប្រសិនបើអ្នកមានគិតរឿងល្អៗ ភាពតានតឹងនៅក្នុងរាងកាយរបស់អ្នកនឹងធ្លាក់ចុះ។ រីឯរាងកាយវិញ នៅពេលមិនមានភាពស្មុគស្មាញ អ្នកនឹងមានភាពស្រស់ថ្លា រីករាយទៅតាមហ្នឹងដែរ។
អ៊ីចឹងកុំភ្លេចផ្លាស់ប្តូរទម្លាប់រស់នៅប្រចាំថ្ងៃរបស់អ្នកណា៎!
ចុចអានបន្ត៖
បើមានសញ្ញាទាំងនេះ អ្នកគឺជាមនុស្សស្រីរឹងមាំពិតប្រាកដមែន