មន្តស្នេហ៍ពីខាងក្នុង ៤ របស់មនុស្សស្រីដែលធ្វើឲ្យបុរសចង់ទាក់ទងដោយមិនដឹងខ្លួន

2019-09-12 08:55:00
ចំនួនមតិ 0 | ចំនួនចែករំលែក 0

សម្រស់តែពីខាងក្រៅមួយមុខមិនអាចវិនិច្ឆ័យថាអ្នកនេះឬអ្នកនោះជាមនុស្សស្អាតបានឡើយ។ ភាពស្រស់ស្អាតដែលទាក់ទាញចិត្តបុរសដោយមិនដឹងខ្លួននោះគឺ មន្តស្នេហ៍បង្កប់នៅខាងក្នុងរបស់មនុស្សស្រីរួមមាន៖

១. មិនឆ្មើងឆ្មៃវាយឫក

ជាមនុស្សស្រីមានចរិតឆ្មើងឆ្មៃ វាយឫកខុសរបៀប ចៀសពុំរួចទេពីមនុស្សប្រុសដែលមិនហ៊ានសូម្បីតែសម្លឹងមើលមុខរបស់អ្នកផ្ទាល់។ តាមរយៈកាយវិការ ពាក្យសម្តីគេក៏អាចវិនិច្ឆ័យថាអ្នកជាមនុស្សប្រភេទណាបានដែរ។ ដូច្នេះដើម្បីបង្ការការគិតអវិជ្ជមានមកលើរូបអ្នកផ្ទាល់ អ្នកគួរតែមានចរិតស្លូតបូតសុភាពរាបសារមិនវាយឫកខុសរបៀបទើបអ្នកផងចូលចិត្តអាណិតស្រលាញ់។

២. ចេះគិតវែងគិតឆ្ងាយ

ជាមនុស្សចិត្តល្អ ស្មោះត្រង់ មិនខ្វះទេអ្នកចូលចិត្ត អាណិតស្រលាញ់និងរាប់រកគ្រប់ពេលវេលានិងគ្រប់ទីកន្លែង។ សម្រាប់មនុស្សប្រុសវិញ កាលបើបានឃើញសុភាពនារីចិត្តល្អបែបនេះហើយ រឿងអីមិនបាក់ចិត្តស្រលាញ់។

៣. ចេះស្រលាញ់ខ្លួនប្រាណ

ជាមនុស្សស្រីធម្មតាទេ ចំពោះរឿងតុបតែងខ្លួនប្រាណដូចជា ការថែរក្សាស្បែក សក់ ការស្លៀកពាក់ មិនមែនទាល់តែមានសម្លៀកបំពាក់ថ្មីរហូតនោះទេ ទើបស្អាត តែជាការចេះថែរក្សាសម្លៀកបំពាក់ ស្លៀកពាក់ឲ្យត្រូវតាមកាលៈទេសៈ។ នៅពេលដែលអ្នកចេះថែរក្សាខ្លួនឯងក៏មានន័យថាអ្នកអាចជួយណែនាំអ្នកនៅជុំវិញខ្លួនឲ្យចេះថែរក្សាខ្លួនបានដែរ។

៤. ជាមនុស្សចេះដឹងខុសត្រូវ

សាកស្រមៃមើលថាអ្នកជាមនុស្សចេះតែបង្កបញ្ហានេះបញ្ហានោះមិនឈប់ឈរ តើអ្នកនៅជុំវិញខ្លួនអ្នកបានសុខស្ងប់ដែរឬទេ? មនុស្សគ្រប់គ្នាតែងត្រូវការអ្នកដែលចេះបង្កភាពរីករាយមិនបង្កបញ្ហាទៅដល់ពួកគេ ដូច្នេះចូររក្សាខ្លួនប្រាណអ្នកឲ្យមានរបៀបរៀបរយ មិនមែនជាមេបញ្ហា។