កំហុសស្លៀកពាក់ ៧ យ៉ាង ដែលគ្រប់គ្នាគួរជៀសវាង
- 2019-08-09 06:30:00
- ចំនួនមតិ 0 | ចំនួនចែករំលែក 0
កំហុសស្លៀកពាក់ ៧ យ៉ាង ដែលគ្រប់គ្នាគួរជៀសវាង
ខំតមអាហារផង ហាត់ប្រាណជាប្រចាំផង ទម្រាំបានស្រកទម្ងន់ រាងស្អាតដូចបំណង ប៉ុន្តែបើអ្នកមិនចេះពីរបៀបស្លៀកពាក់ឲ្យត្រឹមត្រូវទេនោះ ភាពទាក់ទាញនឹងបាត់អស់រលីងគ្មានសល់។ សម្លៀកបំពាក់ជាផ្នែកមួយ ដែលអាចឆ្លុះបញ្ចាំងពីទំនុកចិត្ត និងបុគ្គលិកលក្ខណៈរបស់អ្នក។ ហេតុនេះហើយ គួរជៀសវាងនូវកំហុសស្លៀកពាក់ ៧ យ៉ាងដូចខាងក្រោមនេះ។
១. សំពត់ផាយធំពេក
ទម្រង់សំពត់ដែលមានផាយធំពេក អាចធ្វើឲ្យប៉ះពាល់ដល់រូបរាងរបស់អ្នក។ គួរជ្រើសរើសសំពត់ដែលប៉ោងតិចៗ ស្របជាមួយត្រគាក គ្មានក្រឡាឬរូបសាំញ៉ាំ បើមានផ្ទៃលាតកាន់តែល្អ។
២. ខោមានក្រឡាកាត់ទទឹងរញ៉េរញ៉ៃ
ខោប្រភេទនេះ អាចធ្វើឲ្យរូបរាងរបស់អ្នកមើលទៅឃើញធំជាងធម្មតា ប៉ុន្តែបើអ្នកស្រលាញ់ម៉ូដក្រឡា អាចពាក់ខោដែលមានឆ្នូតបណ្តោយវិញប្រសើរជាង។ ហើយបើមិនចូលចិត្តរញ៉េរញ៉ៃទេ គួរជ្រើសរើសខោមានផ្ទៃលាត និងរើសពណ៌មួយណាដែលអ្នកពេញចិត្តជាងគេ ។
៣. ម៉ូដច្រើនស្អេកស្កះ
ម៉ូដរំភាយ ដេរក្រណាត់ច្រើនជាន់ ស៊ុលគឃុល មើលទៅពិតជាស្អេកស្កះមិនស័ក្តិសមឡើយ។ សម្លៀកបំពាក់ដែលទាន់សម័យ គឺមានម៉ូដបែបសាមញ្ញៗ មានរូតតិចតួច អាចបញ្ចេញរូបរាង និងមិនឆាប់សាំភ្នែក។
៤. សម្លៀកបំពាក់មានរូបកាត់ទទឹងខ្លួន
ស្ទីលមួយនេះ នាំឲ្យដងខ្លួនរបស់អ្នកមើលទៅមានសភាពរីកធំជាងមុន ហើយបើពាក់ជាមួយស្បែកជើងមានចងខ្សែវែងទៀត នឹងធ្វើឲ្យឃើញកម្ពស់កាន់តែទាប។ អ្នកអាចពាក់អាវកស្រួច ជាមួយសំពត់មានឆែកកណ្តាលបន្តិច និងស្បែកជើងពណ៌ស៊ីជាមួយស្បែក ទើបមើលទៅឃើញខ្ពស់ស្លីមស្អាត។
៥. រ៉ូបកខ្ទះ
វាអាចធ្វើឲ្យអ្នកមើលទៅឃើញធាត់ជាងគីឡូពិតទៅទៀត ប៉ុន្តែបើអ្នកពាក់រ៉ូប កស្រួច វាលក្លៀក គឺប្រាកដជាស្រស់ស្អាតទាក់ទាញជាង។ គួរជៀសម៉ូដរ៉ូបដែលមានបត់ប្លីច្រើនជាន់ និងមិនអាចបង្ហាញទម្រង់ចង្កេះ។
៦. ពណ៌ស្រស់ពេក
ខោអាវពណ៌ស្រស់ឆើត មិនអាចជួយបិទបាំងចំណុចខ្វះខាតលើដងខ្លួនបានទេ។ ប្រៀបធៀបតែរូបភាពទាំងពីរខាងលើក៏ដឹងដែរ គ្រាន់តែពណ៌ខុសគ្នាអាចធ្វើឲ្យដងខ្លួនមើលទៅតូចជាងមុន។ ជាពិសេសគឺខោ ថ្វីត្បិតតែមានពណ៌ខ្មៅដូចគ្នា ប៉ុន្តែបើម៉ូដមិនទំនង ទោះបីថ្លៃប៉ុនណាក៏ស្លៀកមិនសមដែរ។
៧. ជ្រើសរើសខោខោវប៊យខុស
ចង់ជ្រើសរើសខោខោវប៊យឲ្យបានត្រឹមត្រូវ កុំមើលរំលង ៤ ចំណុចដូចជា៖
លមើលសិន កុំចេះតែទិញផ្តេសផ្តាស ឃើញសមនឹងរូបរាងចាំសម្រេចចិត្ត។
ជ្រើសរើសទំហំមិនរឹបពេក ឬរលុងពេក ដើម្បីឲ្យមានផាសុកភាពនៅពេលស្លៀក។
ពណ៌ក្រមៅជាពណ៌ដែលត្រូវប៉ាន់ ទាន់សម័យនិងងាយស្រួលក្នុងការស្លៀកជាមួយសម្លៀកបំពាក់ផ្សេងទៀត។
ពិនិត្យមើលគុណភាព ហោប៉ៅ និងសាច់ក្រណាត់ ទោះជាអ្នកទិញនៅហាងក៏ដោយ៕
ចុចអានបន្ត៖ លែងចាញ់បោកហើយ! ៦វិធីមើលឲ្យដឹងថាកាបូបប្រ៊េនពិត ឬក្លែងក្លាយ មុនទិញ