ទុកកូន២ខួបចោល ទៅធ្វើសក់ មកវិញ ម្ដាយឃើញកូនធ្លាក់ពីលើជាន់ទី៣១

2019-08-06 03:00:00
ចំនួនមតិ 0 | ចំនួនចែករំលែក 0

បន្ទាប់ពីហេតុការណ៍ ទារកធ្លាក់ពីលើខុនដូជាន់ទី៣១នេះមក នារីជាម្ដាយត្រូវបានប៉ូលិសឃាត់ខ្លួនភ្លាមៗ។ បណ្ដាញព័ត៌មានចិនបានរាយការណ៍ថា នៅទីក្រុង Zhuhai ខេត្ត Guang Dong នារីម្នាក់ ក្រោយពេលឃើញកូនប្រុសអាយុ២ខួបរបស់ខ្លួនគេងលក់ហើយ អ្នកម្ដាយក៏សម្រេចចិត្តទុកកូនចោលនៅផ្ទះម្នាក់ឯង ហើយទៅធ្វើសក់របស់ខ្លួន។

២ម៉ោងក្រោយមក អ្នកម្ដាយរូបនេះក៏ត្រលប់ទៅផ្ទះវិញ នៅជាន់ទី៣១ នៃខុនដូមួយ តែមិនបានឃើញវត្តមានកូនប្រុសរបស់ខ្លួនឡើយ។ នាងបានសង្កេតឃើញថា បង្អួចនៃខុនដូបានបើកចោល តែមិនឃើញកូននៅក្នុងផ្ទះឡើយ។ នាងក៏រត់ចុះទៅក្រោមស្រែកឆោឡោឲ្យគេជួយ។

ប្រហែលមួយម៉ោងក្រោយមក គេក៏ប្រទះឃើញសពដែលបែកខ្ទេចខ្ទីនៅព្យួរលើរបងនៃខុនដូ។ ក្រោយពេលឃើញបែបនេះ អ្នកម្ដាយហាស្ដីអ្វីមិនចេញ ព្រោះមិនជឿថា ខ្លួនទៅតែ២ម៉ោង ក៏បណ្ដោយឲ្យស្លាប់កូនបែបនេះ។ លទ្ធផលវិនិច្ឆ័យបឋមបានបង្ហាញថា ទារកនេះក្រោយពេលភ្ញាក់ពីដេក ក៏វាលទៅរកម្ដាយ តែមិនឃើញក៏វាលចេញក្រៅបង្អួចធ្វើឲ្យធ្លាក់ចុះមក។ ទោះបីជាគ្រាន់តែអចេតនាក៏ដោយ តែអ្នកម្ដាយខាងលើ ក៏ត្រូវបានប៉ូលិសឃាត់ខ្លូនបញ្ជូនមកប៉ុស្តិ៍ប៉ូលិសសាកសួរ។