អាហារនាំឲ្យកើតមហារីក ១០ មុខ ដែលអ្នកញ៉ាំចូលពោះស្ទើររាល់ថ្ងៃដោយមិនដឹងខ្លួន
- 2019-07-22 06:25:00
- ចំនួនមតិ 0 | ចំនួនចែករំលែក 0
អាហារនាំឲ្យកើតមហារីក ១០ មុខ ដែលអ្នកញ៉ាំចូលពោះស្ទើររាល់ថ្ងៃដោយមិនដឹងខ្លួន
គួរឲ្យស្តាយណាស់ ឲ្យតែរបស់ឆ្ងាញ់ៗ ភាគច្រើនតែងតែមិនល្អសម្រាប់អ្នកឡើយ។ ដោយសារតែ ក្នុងចំណីអាហារទាំងអស់នោះ មានគ្រឿងផ្សំប្លែកមាត់ បន្ថែមរសជាតិច្រើនប្រភេទ ដែលមិនមែនផលិតចេញពីធម្មជាតិ។ ឆ្លងកាត់ការវេចខ្ចប់ត្រឹមត្រូវ រក្សាទុកបានយូរ មានលក្ខណៈជាស្តង់ដារប៉ុនណាក៏ដោយ អាហារមួយចំនួនពិតជាបង្កហានិភ័យខ្លាំងណាស់ចំពោះសុខភាព។ ដើម្បីថែរក្សាការពារ សុវត្ថិភាពអ្នកនិងក្រុមគ្រួសារ គួរជៀសវាងអាហារ ១០ ប្រភេទនេះ ឬយ៉ាងហោចណាស់គួរញ៉ាំក្នុងកម្រិតទាបបំផុត។
១. ពោតលីងដោយ Microwave
ពោតលីងក៏ជាអាហារសម្រន់សុខភាពមួយដែរ ប៉ុន្តែបើអ្នកយកវាទៅលីងឲ្យផ្ទុះ គឺមិនល្អនោះទេ។ ដោយសារតែការចម្អិនដោយប្រើ Microwave មានសារធាតុគីមីឈ្មោះថា អាស៊ីត perfluorooctanoic (PFOA) ។ តាមការសិក្សាជាច្រើនបានបង្ហាញថា ញ៉ាំអាហារដែលមាន PFOA អាចបណ្តាលឲ្យកើតជំងឺមហារីក ក្រលៀន ប្លោកនោម ថ្លើម លំពែង និងពងស្វាស។
២. ម្សៅសូដា
នៅក្នុងម្សៅសូដាមានជាតិស្ករខ្ពស់ ដែលអាចធ្វើឲ្យឡើងគីឡូ រោលរលាកនិងបង្កភាពស៊ាំដល់អាំងស៊ុយលីន។ យ៉ាងណាកុំភ្លេចថា ម្សៅសូដាក៏បានបន្ថែមពណ៌សិប្បនិម្មិត និងសារធាតុគីមី ដូចជា 4-methylimidazole (4-MI) ដែលអាចបង្កទៅជាជំងឺមហារីក។
៣. អាហារកំប៉ុង
បញ្ហាធំរបស់អាហារច្រកក្នុងកំប៉ុង គឺការរក្សាទុក។កំប៉ុងអាលុយមីញ៉ូមសឹងទាំងអស់ អាចបណ្តាលឲ្យកើតមហារីក ព្រោះវាមានផ្ទុក bisphenol-A ឬBPA ។ ពេលទិញអាហារកំប៉ុងស្រស់ ឬបង្កក ត្រូងពិនិត្យមើលសញ្ញាដាក់ថា BPA-free ។
៤. ដំឡូងបំពង
មិនត្រឹមតែមានធ្វើឲ្យធាត់ប៉ុណ្ណោះទេ ប៉ុន្តែដំឡូងបំពងកំប៉ុង មានសូដ្យូម ការបន្ថែមរសជាតិ ពណ៌ សារធាតុរក្សាទុកបានយូរ ដែលមិនល្អសម្រាប់រាងកាយ។ ការប្រើប្រេងឬខ្លាញ់ច្រើនបំពងក្នុងកម្តៅក្តៅខ្លាំង ដើម្បីឲ្យស្រួយឆ្ងាញ់ ប៉ុន្តែធ្វើបែបនេះ អាចបង្កើត acrylamide ដែលជាសារធាតុបង្កមហារីក ដូចនឹងអ្វីដែលគេបានរកឃើញនៅក្នុងថ្នាំជក់ដូច្នោះដេរ។
៥. សាច់កែច្នៃ អាំង និងសាច់ក្រហម
ក្នុងនោះរួមមាន សាច់បន្ទះអាំង សាច់សម្រាប់ធ្វើហាំប៊ឺហ្គឺ ហតដក សាច់បីជាន់ សាច់ក្រក និងសាច់ក្រហម។ សាច់ដែលបានកែច្នៃរួច មានផ្ទុក សូដ្យូមនីត្រាត ដែលអាចធ្វើឲ្យនៅស្រស់បានយូរ ប៉ុន្តែអាចបង្កទៅជាមហារីកបានយ៉ាងងាយ។ ចំណែកឯសាច់អាំងវិញ អាចបង្កគ្រោះថ្នាក់ ព្រោះតែវាត្រូវឆ្លងកាត់ផ្សែងច្រើនទម្រាំតែឆ្អិន។ ហើយសាច់ពណ៌ក្រហម ជាទូទៅ បើអ្នកចូលចិត្តញ៉ាំរាល់ថ្ងៃ អាចប្រឈមនឹងការកើតមហារីក ដល់ទៅ២២%។
៦. ត្រីចិញ្ចឹម
ពិតណាស់រាងកាយរបស់មនុស្សគ្រប់គ្នា ត្រូវការអូមេហ្កា៣ ជាចាំបាច់ ពីក្នុងសាច់ត្រី ប៉ុន្តែសម្រាប់ត្រីចិញ្ចឹម សម្បូរទៅដោយជាតិថ្នាំសម្លាប់សត្វល្អិត ជាតិគីមី អង់ទីប៊ីយ៉ូទិក សុទ្ធសឹងតែជាសារធាតុបង្កមហារីក។ ពេលទៅផ្សារទិញម្ហូប ត្រូវចេះសង្កេតមើលពីភាពខុសគ្នារវាងត្រីចិញ្ចឹមនិងត្រីរកបានដោយធម្មជាតិ ដូចជាស្រែ បឹងបួ រទន្លេជាដើម។
៧. ប្រេងរាវអ៊ីដ្រូសែន
ប្រេងដែលផ្សំចេញពីបន្លែ ស្តាប់ទៅដូចជាល្អចំពោះសុខភាពណាស់។ តាមការពិត វាមិនបានចម្រាញ់ចេញពីធម្មជាតិពិតៗឡើយ។ ប្រេងប្រភេទនេះត្រូវបានផ្សំឡើងពីអ៊ីដ្រូសែន ថែមទាំងបានបន្ថែមពណ៌ ក្លិន អាចរក្សាទុកបានយូរ ប៉ុន្តែវាអាប៉ះពាល់ ដល់ការសាងសង់កោសិកាក្នុងរាងកាយ ភាពបត់បែន និងការកើតមហារីកផងដែរ។
៨. ម្សៅពណ៌ស
ដំណើរការកែច្នៃ ជាច្រើនដំណាក់កាលទម្រាំចេញជាម្សៅពណ៌ស ភាគច្រើនមានមានវត្ថុធាតុដើមចេញពីស្រូវ។ របស់កែច្នៃ ធ្វើឲ្យបាត់បង់ជីវជាតិសំខាន់ៗដែលមាននៅក្នុងធម្មជាតិ។ការប្រើហ្គាសក្លរីន ដើម្បីឲ្យម្សៅចេញពណ៌សស្អាត រួមទាំងសារធាតុគីមីជាច្រើនទៀត ធ្វើឲ្យផលិតផលសម្រេច មានផ្ទុក glycemic ក្នុងកម្រិតខ្ពស់ ដែលអាចបណ្តាលឲ្យជាតិស្ករក្នុងឈាមនិងអាំងស៊ុយលីន កើនឡើង។ កាលណាមានជាតិស្ករក្នុងឈាមខ្ពស់ រាងកាយនឹងចាប់ផ្តើមបង្កបង្កើតកោសិកាមហារីកដោយឯងឯង។
៩. អាហារកែប្រែហ្សេន (បង្កាត់)
អាហារកែប្រែហ្សែន (GMO foods) បានចូលក្នុងមន្ទីរពិសោធន៍ ដើម្បីឲ្យមានសភាពធន់នឹងសត្វល្អិត និងការដឹកជញ្ជូន។ ប៉ុន្តែគេមិនបានត្រួតពិនិត្យថា តើវាអាចបង្កគ្រោះថ្នាក់ដល់សុខភាព ឬមួយយ៉ាងណានោះទេ។ សម្រាប់ការធ្វើពិសោធន៍នៅលើសត្វកណ្តុរ បានបង្ហាញថា ក្នុងរយៈពេល១០ថ្ងៃ អាហារទាំងនោះអាចធ្វើឲ្យកោសិកាមហារីកកើតឡើងបន្តិចម្តងៗ។
១០. ទឹកស៊េរ៉ូ
ទឹកស៊េរ៉ូដែលមានរសជាតិផ្អែម ឃើញស្អាតហើយឆ្ងាញ់មែន ប៉ុន្តែមានធ្វើកោសិកាមហារីកកើតក្នុងរាងកាយយ៉ាងលឿន។ បើជៀសបានគួរតែជៀសទៅ កាត់បន្ថយការញ៉ាំអាហារដែលជាតិមានស្ករខ្ពស់ហើយព្យាយាមញ៉ាំតែអាហារណាដែលផ្តល់ប្រយោជន៍ចំពោះសុខភាពទើបល្អ។
ចុចអានបន្ត៖ គន្លឹះសំខាន់ៗ សម្រាប់អ្នកម៉ាក់ថ្មីថ្មោង ដើម្បីមើលថែកូនតូចឲ្យបានល្អ