តិចនិកក្បួនហុងស៊ុយផ្ទះសម្បែង ជួយឲ្យលុយចូលកាន់តែច្រើន

2019-06-05 10:00:00
ចំនួនមតិ 0 | ចំនួនចែករំលែក 0

អ្នកជំនាញក្បួនហុងស៊ុយបានឲ្យដឹងថា ក្រៅពីសង់ផ្ទះឲ្យស្អាតហើយ អ្នកត្រូវចាប់អារម្មណ៍រឿងមួយចំនួនក្នុងគេហដ្ឋានទៀតដើម្បីលាភចូលកាន់តែច្រើន។

១. ហាមទុកដើមឈើងាប់ក្នុងផ្ទះ

ដើមឈើត្រូវបានដាំនៅក្នុងផ្ទះដើម្បីឲ្យដង្ហើមលាភដើរបានល្អ។ យ៉ាងណាក្ដី ប្រសិនបើពេលដើមនេះងាប់ហើយ គឺមិនត្រូវទុកក្នុងផ្ទះទៀតឡើយ ព្រោះដើមឈើងាប់នឹងឆ្វាក់ដង្ហើមអាក្រក់ចូលផ្ទះ។

២. រៀបចំផ្ទះកាន់តែស្អាត កាន់តែល្អ

ជំនាងផ្ទះ ទេវតា អ្នកតាអី ក៏ដូចនឹងពួកយើងដែរ តែងរមែងចង់ស្នាក់នៅកន្លែងណាដែលស្អាត មានសណ្ដាប់ធ្នាប់ល្អ។ ដូចនេះដើម្បីអញ្ជើញថាមពលល្អឲ្យចូលផ្ទះ អ្នកត្រូវរៀបចំផ្ទះយ៉ាងម៉េចកុំឲ្យរញ៉េរញ៉ៃ។

៣. គម្របចានបង្គន់គួរបិទរហូត

មូលហេតុគឺមិនត្រឹមតែរក្សាអនាម័យនោះទេ តែតាមក្បួនហុងស៊ុយ ការបើកគម្របចានបង្គន់ចោលអាចធ្វើឲ្យចរន្តលាភហូរចេញតាមនេះផងដែរ។

៤. ជួសជុលឧបករណ៍ដែលខូច

គ្រប់ឧបករណ៍ប្រើប្រាស់ក្នុងផ្ទះដូចជា ក្បាលរ៉ូប៊ីណេ អំពូលភ្លើង ឬគន្លឺះ ប្រសិនបើមានខូចគួរជួសជុលភ្លាម ព្រោះបើទុកយូរ ដង្ហើមលាភអាចត្រូវភាយចេញតាមរបស់ដែលខូចទាំងនេះ៕