​កុំស្រលាញ់មនុស្សដែលមិនបានស្រលាញ់យើង ព្រោះ​គ្មានបានអ្វី ក្រៅពីឈឺចាប់

  • 2019-05-21 08:30:00
  • ចំនួនមតិ 0 | ចំនួនចែករំលែក 0

បន្ត​ស្រលាញ់​ម​នុស្ស​ដែល​គេ​មិន​​បាន​ស្រលាញ់​យើង​ ​ប្រៀប​ដូច​កំ​ពុង​​លិ​ច​លង់​ក្នុង​ភក់​ជ្រៅ​យ៉ាង​សន្សឹម​ៗ និង​​ឈឺ​ចាប់​ខ្លាំង​បំ​ផុត​។

មាន​ពេល​ខ្លះ ហេតុ​អ្វី​យើង​សុខ​ចិត្ត​ក្លាយ​ជា​មនុស្ស​ល្ងង់ ​ទាំង​ដឹង​ថា​គេ​លែង​ស្រលាញ់​យើង​ទៀត​ហើយ ​តែ​យើង​នៅ​​ប្រាប់​ខ្លួន​ឯង​ថា ​ខំ​ប្រឹង​ធ្វើ​ល្អ​ដាក់​គេ​បន្ត​ទៀត​ទៅ ​ថ្ងៃ​ក្រោយ​​គេ​នឹង​​រំ​ជួល​ចិត្ត ហើយ​គេ​នឹង​ងាក​មក​ស្រលាញ់​យើង​វិញ ដូច​ដើម​មិន​ខាន។ ​គិត​ទៅ ​យើង​បាន​ក្លាយ​ជា​មនុស្ស​ងងឹត​ភ្នែក​​ដោយ​អូ​តូ​ម៉ា​ទិច ក្លាយ​ជា​មនុស្ស​មាន​ការ​ចង​ចាំ​​ល្អ​បំផុតតែ​រឿង​អតីត​កាល​ ហើយ​លែង​ទទួល​ស្គាល់​ការពិត​អ្វី​ទាំង​អស់ នូវ​រឿង​រ៉ាវ​បច្ចុប្បន្ន ថា​គេ​បាន​ផ្លាស់​ប្ដូរ។

​ការ​ឈឺ​ចាប់​នេះ ​មើល​ទៅ​ស្ងៀម​ស្ងាត់​ណាស់ ​តែ​វា​សម្លាប់​បេះ​ដូង​មនុស្ស​ស្រី​ដែល​មាន​ចិត្ត​ស្មោះ​សន្សឹម​ៗ ​យ៉ាង​ព្រៃ​ផ្សៃ​បំ​ផុត។ ​អ្នក​បារម្ភ​ពី​គេ​គ្រប់​នាទី ​នឹក​គេ​​ដូច​មនុស្ស​ឆ្កួត ​ហើយ​ព្យាយាម​តាម​ចិត្ត​គេ​គ្រប់​យ៉ាង ​ទាំង​ដែល​គេ​វិញ​បាន​ត្រឹម​ទុក​អ្នក​ចោល ​មិន​រវល់។ ​អ្នក​ឃើញ​ច្បាស់​ថា ​គេ​លែង​​​ខ្វាយ​ខ្វល់​​​អ្នក​ដូច​មុន​ហើយ ​តែ​ហេតុ​អ្វី​មិន​ព្រម​ចាក​ចេញ​ពី​គេ​ ​ឲ្យ​គេ​មាន​សេរីភាព​ទៅ ហេតុ​អ្វី​នៅ​ឱប​ក្រសោប​គេ​ទាំង​ដឹ​ង​ថា ​គេ​គ្មាន​កូន​ចិត្ត​ស្រលាញ់​យើង​ទៀត។ ​ហេតុ​តែ​ចង់​បាន​​ការ​ចាប់​​អារម្មណ៍​ពី​គេ​ខ្លាំង​ពេក ​ជួន​កាល​សុខ​ចិត្ត​ធ្វើ​រឿង​ឆ្កួត​ៗ រឿង​ដែល​ខ្លួន​​ឯង​មិន​គួរ​ធ្វើ រឿង​ដែល​ខ្លួន​ឯង​ធ្វើ​ទៅ ដឹង​ថា​លទ្ធ​ផល​បាន​ត្រឹម​​បោក​បញ្ឆោត​អារម្មណ៍​មួយ​ឆាវ បាន​ត្រឹម​តែ​ទឹក​ភ្នែក​ម្នាក់​​ឯង។

​​​​បើ​ចិត្ត​យើង​ឲ្យ​មនុស្ស​ដែល​គេ​លែង​ស្រលាញ់​ចាក​ចេញ​ទៅ ​មិន​ដឹង​ថា​បាន​ធូរ​ស្រាល​កម្រិត​ណា​ទេ ការ​ស្តី​បន្ទោស​ខ្លួន​ឯង​ក៏​លែង​មាន ​ការ​ឈឺ​ចាប់​ក៏​លែង​កើត​មាន ការ​ស្តាយ​ក្រោយ​ក៏​នឹង​បញ្ចប់​ដែរ។

មនុស្ស​ស្រី ​បើ​ដឹង​ថា​គេ​​ឈប់​ស្រលាញ់​អ្នក​ទៀត​ហើយ ​គួរ​តែ​ដោះ​លែង​គេ​ទៅ ព្រោះ​បើ​នៅ​តែ​ឱបគេ​មិន​លែង​បែប​នេះ អ្នក​ប្រៀប​ដូច​កំពុង​ឱប​ដើម​​ដំបង​យក្ស​ពេញ​ដោយ​បន្លា​មុត​ស្រួច​យ៉ាង​ធំ ​កាន់​តែ​ឱប​​ខ្លាំង ក៏​កាន់​​តែ​ឈឺ​ខ្លាំង​ដូច​គ្នា។ កុំ​ព្យាយាម​យក​ចិត្ត​មនុស្ស​ដែល​គេ​គ្មាន​ចិត្ត​ឲ្យ​អ្នក​វិញ ​ព្រោះ​មិន​ត្រឹម​បន្ទាប​តម្លៃ​ខ្លួន​ចំពោះ​មនុស្ស​គ្មាន​បេះ​ដូង​ទេ តែ​ក៏​ដូច​ជា​បំផ្លាញ​អនាគត​ខ្លួន​ឯង យ៉ាង​ឈាម​ត្រជាក់​បំ​ផុត៕

ចុចអាន៖ ​នាងចាកចេញមិនមែនដោយសារចិត្តដាច់ តែមកពីទង្វើឆោតល្ងង់ ១០ យ៉ាងរបស់អ្នកហ្នឹងហើយ

អត្ថបទ៖ លឹម សុនា

អត្ថបទពេញនិយម