ការសិក្សា៖ យកប្តីកម្ពស់ទាបជាងខ្លួន មនុស្សស្រីនឹងមានសុភមង្គល ទ្រព្យសម្បត្តិច្រើន
- 2019-04-12 08:30:00
- ចំនួនមតិ 0 | ចំនួនចែករំលែក 0
ការសិក្សា៖ យកប្តីកម្ពស់ទាបជាងខ្លួន មនុស្សស្រីនឹងមានសុភមង្គល ទ្រព្យសម្បត្តិច្រើន
យោងតាមការពិសោធមួយកាលពីពេលថ្មីៗនេះ បុរសដែលមានកម្ពស់មិនលេចធ្លោ មានទំនោររក្សាមង្គលការបានយូរអង្វែងជាង។ ពួកគេតែងប៉ះប៉ូវឲ្យដៃគូរបស់ខ្លួនវិញ ដោយការរកលុយឲ្យបានច្រើន។
វិទ្យាសាស្រ្តបានបញ្ជាក់យ៉ាងច្បាស់ថា មនុស្សប្រុសខ្ពស់ មានអត្រាឆាប់រៀបការច្រើន តែមង្គលការរបស់ពួកគេមានរយៈពេលខ្លីជាងបុរសដែលមានកម្ពស់ទាប។ បន្ថែមពីនេះដែរ លទ្ធផលនេះបានបង្ហាញថា បុរសតឿតែងរៀបការជាមួយដៃគូដែលមានអាយុក្មេងជាង និងមានលទ្ធភាពរកលុយបានច្រើនជាងប្រពន្ធ។
នៅក្នុងការពិសោធដដែល គេបានសង្កេតឃើញថា បុរសខ្ពស់តែងយកចំណុចខ្លាំងរបស់ខ្លួនគឺរូបសម្បត្តិដើម្បីទាក់ទាញគូភាគី។ ដោយឡែក បុរសទាបតែងមានទំនោរមានការសិក្សាអប់រំបានខ្ពស់ជាងដៃគូ និងប៉ះប៉ូវឲ្យដៃគូរបស់ខ្លួនវិញដោយផ្គត់ផ្គង់នាងបានល្អជាងអ្នកខ្ពស់។ សាស្ត្រាចារ្យ២រូបនៃសកលវិទ្យាល័យ New York គឺលោក Abigail Weitzman និង Dalton Conley បានឲ្យដឹងថា ប្រការនេះបង្ហាញឲ្យឃើញថា ការរកចំណូលគឺមានការផ្សារភ្ជាប់ជាមួយនឹងកម្ពស់។ តាមនោះដែរ បុរសខ្ពស់តែងយករូបរាងរបស់ខ្លួនដើម្បីទាក់ទាញដៃគូដែលមានលុយច្រើនជាងខ្លួន។
មិនត្រឹមតែប៉ុណ្ណោះ ភាពទាក់ទាញពីកម្ពស់ខ្ពស់ តែងធ្វើឲ្យគេឆាប់ស្រលាញ់គ្នាជាង តែកត្តាហិរញ្ញវត្ថុទើបជាចំណុចដែលរក្សាមនោសញ្ចេតនាបានយូរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
