ស្រីៗរកលុយមិនបាន កុំសង្ឃឹមមានសិទ្ធិស្មើជាមួយមនុស្សប្រុសក្នុងគ្រួសារឲ្យសោះ

2019-03-04 03:30:00
ចំនួនមតិ 0 | ចំនួនចែករំលែក 0

កើតមកជាមនុស្សស្រី បើរកលុយខ្លួនឯងមិនបានទេ មានន័យថាខ្លួនកំពុងបាត់សិទ្ធិមួយចំណែកទៅលើដៃគេបាត់ទៅហើយ។ ទោះតិចច្រើនក្ដី មនុស្សស្រីឆ្លាតត្រូវតែមានការងារមួយសម្រាប់ខ្លួនឯង ហើយរកលុយឲ្យបានខ្លួនឯង កុំឲ្យគេមើលងាយ។

រូបតំណាង

រៀបការ កើតកូន ហើយសម្រាក ៦ ខែមើលកូនគ្មានពេលសម្រាកទើបធ្វើឲ្យស្ត្រីភ្លឺភ្នែកថា ពេលរកលុយចូលមិនបាន ហើយត្រូវរ៉ាប់រងការងារផ្ទះទាំងអស់ថាវាពិបាកយ៉ាងណា។ បើកូនសុខភាពមិនល្អ ឧស្សាហ៍ឈឺទៀតនោះ សូម្បីតែគេង ក៏គ្មានពេលដែរ។

ដូចនេះ កុំឲ្យគិតថា នៅផ្ទះឲ្យប្ដីចិញ្ចឹមគឺស្រួលនោះ។ ពេលគេអារម្មណ៍ល្អ ហើយឃើញថាផ្ទះសម្បែងរៀបចំស្អាត បាយម្ហូបហើយអស់ នោះគេនឹងសរសើរយើងថាជាប្រពន្ធល្អ។ ផ្ទុយមកវិញ ថ្ងៃណាមួម៉ៅពីក្រៅមក ហើយគ្រាន់តែផ្ទះមិនបានដូចចិត្តបន្តិចនោះ នឹងជះកំហឹងលើក្បាលយើងភ្លាមៗថា គ្រាន់តែនៅផ្ទះមើលផ្ទះសោះ ក៏ធ្វើមិនបានល្អដែរ។ ពេលនេះ ប្រសិនជាយើងរកលុយមិនបានទេ ហើយចាំតែគេផ្គត់ផ្គង់នោះ យើងនឹងហារមាត់និយាយអ្វីមិនចេញឡើយ ហើយអារម្មណ៍នេះវាឈឺចាប់ជាទីបំផុត។

ពេលគ្មានការងារ រកលុយមិនបាន មនុស្សស្រីសូម្បីតែសេរីភាពក៏មិនមានផង។ ចង់ប្ដីធ្វើអាក្រក់ គាបសង្កត់យ៉ាងណាក៏យើងមិនអាចបញ្ចេញសំឡេង មានតែលេបទឹកភ្នែកចូលក្នុងពោះ ហើយរកអ្នកចែករំលែកក៏គ្មាន។ បើរំពឹងសាច់ថ្លៃខ្លះ មានតែជាន់ពន្លិចថែមទៀត។

រូបតំណាង

ដូច្នេះហើយ មនុស្សស្រីត្រូវចាំថា ក្រោយរៀបការ មានកូន ក៏ត្រូវតែមានការងារធ្វើ។ អាចឲ្យឪពុកម្ដាយទាំងសងខាងជួយមើលកូនឲ្យ ឬជួលម៉ែដោះមើលកូនក៏បាន ទោះបីជាថ្លៃជួលនោះ ជិតស្មើនឹងចំណូលពីការងាររបស់អ្នកក៏ដោយ។ ព្រោះយ៉ាងហោចណាស់ ការធ្វើបែបនេះ នឹងរក្សាសិទ្ធិរបស់អ្នកនៅក្នុងគ្រួសារ។

ពេលយើងរកលុយបាន ខាងសាច់ថ្លៃ អ្នកជិតខាងក៏គ្មានអ្នកណាហ៊ានក្អកជាមួយយើងដែរ។ លើសពីនេះ គឺយើងមានសេរីភាព សម្ដីយើងមានទម្ងន់ពេលបញ្ចេញមតិជាមួយប្ដី៕

ចុចអាន៖ជីវិតគ្មានថ្ងៃរីកចម្រើនទៅមុខទេ បើអ្នកនៅប្រកាន់ទម្លាប់៥នេះទៀត

ប្រភព៖ Guu អត្ថបទ៖Caramel