សេរ៉ូមបំបាត់ជាំមុខ អាចម៍រុយ អាចផ្សំដោយខ្លួនឯង ចំណាយលុយអស់តិច តែប្រសិទ្ធភាពខ្ពស់
- 2019-01-20 05:42:35
- ចំនួនមតិ 0 | ចំនួនចែករំលែក 0
សេរ៉ូមបំបាត់ជាំមុខ អាចម៍រុយ អាចផ្សំដោយខ្លួនឯង ចំណាយលុយអស់តិច តែប្រសិទ្ធភាពខ្ពស់
អ្នកមានបញ្ហាមុខជាំ ឬអាចម៍រុយលើមុខអាចសាកល្បងធ្វើសេរ៉ូមនេះបានដោយខ្លួនឯងហើយប្រើរយៈពេល ៣ ថ្ងៃនឹងអាចដឹងពីការល្អប្រសើរឡើងវិញនៃផ្ទៃមុខ។ សេរ៉ូមបំបាត់ជាំមុខនេះ ចំណាយប្រាក់ធ្វើអស់តិចមែនទែន ហើយគ្រឿងផ្សំអាចរកបាននៅផ្សាទំនើប៖
គ្រឿងផ្សំ៖
១. ប្រទាលកន្ទុយក្រពើ ២. គ្រាប់វីតាមីន E ៣. ប្រេងអូលីវ
វិធីធ្វើ៖
១. លាយជេលប្រទាលកន្ទុយក្រពើ ១ ស្លាបព្រាបាយទៅក្នុងចានលាយ
២. ច្របាច់ទឹកវីតាមីន E ៣ ទៅ ៤ គ្រាប់ចូល
៣. លាយប្រេងអូលីវ ១ ស្លាបព្រាបាយចូលលាយឲ្យសព្វ
៤. លាបលើមុខ តែលាបឲ្យច្រើនបន្តិចត្រង់កន្លែងជាំមុខ
៥. ទុក ១ ម៉ោងកន្លះសឹមលាងចេញ
វីតាមីន E មានតួនាទីសំខាន់ក្នុងល្បាយនេះ ព្រោះវាជួយការពារស្បែកពីការជ្រាបចូលកាំរស្មី UV ពីព្រះអាទិត្យ ដែលធ្វើឲ្យជាំ និងឡើងអាចម៍រុយលើមុខ។ ចំណែកប្រទាលកន្ទុយក្រពើជួយព្យាបាល និងបណ្ដុះកោសិកាពីខាងក្នុង ហើយប្រេងអូលីវជួយឲ្យស្បែកមុខទន់រលោងមានជាតិសំណើមផងដែរ៕
ចុចអាន៖ចង់ឲ្យមុខគ្មានមុន ហើយសដូចបណ្ដូលចេក សាកល្បងម៉ាស់មុខផ្សំពីម្សៅរមៀតនេះ