១០មូលហេតុ ដែលស្រីៗខ្លះសុខចិត្តអត់យកសង្សារ ឲ្យតែបានដើរជាមួយមិត្តភ័ក្តិ

2019-01-09 08:30:00
ចំនួនមតិ 0 | ចំនួនចែករំលែក 0

ងាកឆ្វេងងាកស្តាំឃើញអ្នកនៅជុំវិញមានសង្សារអស់ហើយ តិចយល់ច្រឡំថាឲ្យតែស្រីៗអត់គូ ដឹងតែលួចច្រណែនអ្នកមានគូ។ គិតបែបនេះខុសហើយ ព្រោះមានមនុស្សស្រីមួយចំនួន ទោះឃើញគេមានស្នេហាផ្អែមល្ហែមយ៉ាងណា ក៏គ្មានអ្វីអស្ចារ្យសម្រាប់នាងដែរ។ ដោយសារតែនាងចូលចិត្តដើរលេងសប្បាយជាមួយស្រីៗគ្នាឯង សឹងតែពេលខ្លះ គេមើលមកដូចជាស្រីស្រលាញ់ស្រីអីចឹង។ តាមការពិតទៅ មានហេតុផលច្រើនយ៉ាងទៀត ដែលធ្វើឲ្យស្រីៗខ្លះសុខចិត្តអត់យកសង្សារ ឲ្យតែបានដើរជាមួយមិត្តភ័ក្តិ។

១. មិនចាំបាច់ទូរសព្ទរកគ្នា ឬត្រូវជួបមុខគ្នារាល់ថ្ងៃក៏គ្មានបញ្ហាអីដែរ ព្រោះគ្មាននរណាសង្ស័យលើនរណាឡើយ។

២. មិនចាំបាច់ព្រួយបារម្ភថាម៉ាក់ប៉ាមិនពេញចិត្តប្រឆាំងជំទាស់អីជាដើម បើជាមិត្តជិតស្និទ្ធនឹងគ្នាទៀត មានតែពួកគាត់ស្រលាញ់ដូចកូនបង្កើតអីចឹងដែរ។

៣. មិនបារម្ភខ្លាចថាខ្លួនឯងធាត់ មុខអាក្រក់ មិនសូវមាន...ក៏មិត្តភ័ក្តិនៅតែស្រលាញ់រាប់អានដូចដើម។

៤. ស្នេហាអាចបែកបាក់ពេលណាទាយមិនត្រូវ តែមិត្តភាពយូរឆ្នាំមិនងាយបំបែកបានឡើយ។

៥. ទោះខានជួបគ្នាយូរក៏មិនប្រកាន់ខឹង យូរៗឆ្លៀតពេលបានជួបម្តងចាំនិយាយសរុប។

៦. ពេលចេញទៅណាមកណា មិនចាំបាច់ត្រូវស្លៀកពាក់តុបតែងខ្លួនយូរ ល្មមៗហើយស្រេច។

៧. មានសង្សារម្នាក់ហើយ យកមួយទៀតមិនបានទេ តែបើមិត្តភ័ក្តិវិញ ចង់រាប់អានថែមប៉ុន្មាននាក់ទៀតក៏បាន។

៨. ពេលនៅជាមួយគ្នា មិនបាច់រៀបចរិតរៀបឫកអីទេ គឺលេងម៉ាអស់ដៃតែម្តង។

៩. ចង់ពិភាក្សារឿងគ្រប់យ៉ាងបានទាំងអស់ មិនបាច់លាក់ មិនខ្លាចចិត្ត ជាពិសេសបើបានញ៉ាំត្រាវទៀត កាន់តែស្លុងអារម្មណ៍។

១០. ជួនកាលសង្សារប្រៀបបានដូចអំពិលអំពែក មិនដឹងមួយណាច្បាស់លាស់ជាមួយអ្នក ថែមទាំងអាចធ្វើឲ្យអ្នកឈឺចាប់ មានរបួសពិបាកព្យាបាល ប៉ុន្តែមិត្តល្អស្មោះត្រង់បើរាប់អានគ្នា គឺរាប់អានអស់មួយជីវិត។