កុំឆោតទៀតអី! មនុស្សស្រីកាន់តែលះបង់ម្នាក់ឯង នឹងកាន់តែត្រូវគេបន្ទាបតម្លៃ

2018-12-17 02:28:55
ចំនួនមតិ 0 | ចំនួនចែករំលែក 0

ចំណុចមួយដែលធ្វើឲ្យមនុស្សស្រីចាញ់ប្រៀបមនុស្សប្រុសក្នុងរឿងមនោសញ្ចេតនានោះគឺ ពួកគេតែងលះបង់ច្រើនជាងភាគីខាងប្រុសជានិច្ច។ តែកុំភ្លេចថា ការលះបង់របស់យើងបើធ្វើត្រូវពេលវេលា នឹងត្រូវគេតបស្នង តែបើនៅបន្តលះបង់រហូត គេនឹងគិតថាយើងរស់ខ្វះគេមិនបាន ចាប់ផ្ដើមបែកចិត្ត។

រូបតំណាង

សួរថាហេតុអ្វីនៅរាល់ចំណងមនោសញ្ចេតនាពេលដំបូង មនុស្សប្រុសតែងតែថ្នមតាមចិត្តមនុស្សស្រីគ្រប់បែបយ៉ាង? ព្រោះនៅពេលនោះ នាងនៅមិនទាន់ដាក់ចិត្តដាក់កាយស្រលាញ់បុរសរូបនោះទាំងស្រុង ហើយក៏មិនទាន់លះបង់អ្វីលើគេទាំងអស់ ធ្វើឲ្យបុរសនោះមានះចង់បានយើងជារបស់ខ្លួនជាខ្លាំង។ យ៉ាងណាក្ដី ដូចគេនិយាយមិនខុស ប្រុសស្រលាញ់ស្រីពី១០០ ទៅ០ ហើយមនុស្សស្រីស្រលាញ់ពី០ទៅ ១០០គឺគ្មានខុសបន្តិចសោះ។

នៅពេលដែលគេមិនទាន់បានយើងពេញសិទ្ធិ គេនឹងព្យាយាមគ្រប់បែបយ៉ាងដើម្បីយកយើងឲ្យបាន។ តែពេលបានហើយ ហើយដឹងថាយើងស្រលាញ់គេវិញហើយ គេនឹងចាប់ផ្ដើមដកចិត្តពីអ្នកខ្លះ។ ឯមនុស្សស្រីវិញ ពេលស្រលាញ់អ្នកណាម្នាក់ហើយ គឺមានតែលង់ជ្រៅទៅៗ។ ខណៈពេលនេះដែរ នៅពេលដឹងថា គេឡើងដាក់ចិត្តលើខ្លួនទាំងស្រុង មនុស្សស្រីក៏ចាប់ផ្ដើមប្រើដល់វិធីសាស្ត្រដែលខាតសម្រាប់ខ្លួនឯង នោះគឺលះបង់។ លះបង់នៅទីនេះ មានន័យដល់ទាំងផ្លូវអារម្មណ៍ ទាំងផ្លូវកាយ។ តែកុំគិតថា ការលះបង់របស់យើងត្រូវបានគេចងចាំឲ្យសោះ គេគ្រាន់តែកាន់តែបានចិត្តជាងមុនប៉ុណ្ណោះ។ គេគិតថាវាជាធម្មតាដែលមនុស្សស្រីបន្ទាបខ្លួនចំពោះមនុស្សប្រុស។ នៅទីបញ្ចប់ អ្នកដែលខាតខ្លាំងជាងគេ គឺជាមនុស្សស្រីដដែល។ នៅពេលដែលសូម្បីតែការលះបង់ក៏ជួយសង្គ្រោះមនោសញ្ចេតនាលែងបានទៀតនោះ មនុស្សប្រុសនឹងចាប់ផ្ដើមប្រើជាលេសម្ដែង។ នោះក៏ជាដំណាក់កាលចុងក្រោយនៃស្នេហាមួយដូចគ្នា។ ដើម្បីរក្សាបានតម្លៃរបស់ខ្លួនដូចកាលស្រលាញ់គ្នាដំបូង មនុស្សស្រីត្រូវចេះលះបង់មានកម្រិត មានទៅមានមក។ បើយើងទៅតែម្ខាងរហូត មុនក្រោយ អ្នកនឹងអស់ចិត្ត ឯគេកាន់តែបានចិត្ត រឿងបែកគ្នាគ្រាន់តែយូរហើយ និងឆាប់ប៉ុណ្ណោះ៕

ប្រភព៖ Guu ប្រែសម្រួល៖ Caramel