ទោះស្រលាញ់ប្ដីយ៉ាងណាក៏ដោយ មនុស្សស្រីកុំធ្វើបាបខ្លួនឯងទ្រាំនឹងរឿង៣នេះ

2018-10-28 07:43:55
ចំនួនមតិ 0 | ចំនួនចែករំលែក 0

ក្នុងនាមជានារីម្នាក់ ទោះបីជាស្រឡាញ់ប្តីយ៉ាងណាក៏ដោយ ក៏មិនគួរទ្រាំនឹងទង្វើទាំង៣ខាងក្រោមនេះឱ្យសោះ។ តើមានអ្វីខ្លះទៅ?

១- ពេលគេលួចមានស្រី

អ្នកមិនគួរចិត្តទន់ ហើយអធ្យាស្រ័យឲ្យគេទេ ព្រោះគេអាចក្បាត់នឹងអ្នកម្តងទៀតក្នុងថ្ងៃណាមួយមិនខាន។ គេនឹងគិតថា ទោះបីជាគេមានស្រីច្រើនប៉ុណ្ណាក៏ដោយ ឲ្យតែគេទទួលស្គាល់កំហុសនៅចំពោះមុខអ្នក អ្នកនឹងអធ្យាស្រ័យ ហើយមិនចេញពីគេនោះទេ។ ដូចនេះ គេនៅតែបន្ត មិនកែចរិតនេះចោលឡើយ។

ចុចអាន៖ មនុស្សស្រីដូចបានឡើងឋានសួគ៌បើបានស្វាមីចេះគិតគូរដូចលោកប៉ាម្នាក់នេះ

២- អ្នកមិនគួរអត់ទ្រាំឲ្យគេវាយទេ

ព្រោះអំពើហិង្សានេះអាចកើតឡើងម្តងហើយម្តងទៀត នៅពេលដែលអ្នកមិនបញ្ចេញប្រតិកម្មតប ហើយនៅស្ងៀមឲ្យគេធ្វើបាប។ គេនឹងរឹតតែបានដៃ ព្រោះគេគិតថា អ្នកជាមនុស្សដែលងាយធ្វើបាប ឲ្យគេវាយតាមចិត្តចង់។ ដូចនេះ គេនឹងតែងតែយកអ្នកមកបញ្ចេញកំហឹង នៅពេលគេមិនសប្បាយចិត្តមិនខាន។ គួរអនុវត្តតាមច្បាប់ ដោយឲ្យសមត្ថកិច្ចដោះស្រាយ ហើយមិនត្រូវទៅដោះ ឬរំសាយពាក្យបណ្ដឹងដោយមិនទាន់បានដោះស្រាយឡើយ មិនដូច្នោះទេ គេនៅតែបានចិត្តប្រព្រឹត្តដដែលៗ។

ចុចអាន៖ ១ ចំណុច បញ្ជាក់ពីភាពខុសគ្នា រវាងបុរសតាមញ៉ែមួយគ្រា និងបុរសចង់រៀបការជាមួយ

៣- អ្នកមិនគួរអត់ទ្រាំនឹងភាពមិនទុកចិត្តរបស់គេចំពោះអ្នកឡើយ

ការមិនទុកចិត្តនេះ មិនអាចរក្សាមនោសញ្ចេតនារបស់អ្នកបានយូរនោះទេ។ អ្នកទាំងពីរនឹងអាចដើរដល់ផ្លូវបំបែក បើគ្មានជំនឿចិត្តចំពោះគ្នា។ ជនទី៣នឹងអាចបំបែកអ្នកបានយ៉ាងងាយ បើអ្នកសង្ស័យគ្នាច្រើន។

ដូចនេះ បើមានចំណុច៣ខាងលើនេះកើតឡើងក្នុងជីវិតអាពាហ៍ពិពាហ៍របស់អ្នក អ្នកគួរតែរកមធ្យោបាយដើម្បីដោះស្រាយ ដោយមិនគួរទុកយូរនោះទេ ព្រោះអ្នកដែលរងគ្រោះគឺមានតែអ្នក និងកូនៗប៉ុណ្ណោះ៕