បើអ្នកស្រលាញ់សង្សាររបៀបនេះ គេអាចនឹងធុញទ្រាន់ទៅវិញ

2018-06-21 05:00:00
ចំនួនមតិ 0 | ចំនួនចែករំលែក 0

ពេលស្រលាញ់គ្នា មនុស្សស្រីខិតខំធ្វើគ្រប់បែបយ៉ាង ដើម្បីឲ្យស្នេហាគង់វង្សយូរអង្វែង។ ប៉ុន្តែពេលខ្លះអ្នកអាចនឹងធ្វើហួសហេតុពេក រហូតជាមូលហេតុធ្វើឲ្យបុរសៗមានការធុញទ្រាន់ ចង់ចប់ទៅវិញ។ ៦ របៀបនេះស្រីៗតែងប្រើ តែជារឿងខុសឆ្គង៖

១.អ្នករង់ចាំឲ្យគេផ្លាស់ប្ដូរ

គេនឹងមិនផ្លាស់ប្ដូរសម្រាប់អ្នកទេ តែគេអាចកែប្រែខ្លួនឯងសម្រាប់ខ្លួនឯងតែប៉ុណ្ណោះ។ ការរង់ចាំឲ្យនរណាម្នាក់ផ្លាស់ប្ដូរ ដើម្បីផ្គាប់ចិត្តខ្លួនឯងជាការខ្ជះខ្ជាយពេលវេលាឥតប្រយោជន៍។

២.អ្នកគិតថាគ្មាននរណាម្នាក់នៅទីនេះ ប្រសើរជាងអ្នកឡើយ

បើអ្នកគិតថា គ្មាននរណាផ្សេងដែលល្អ និងអាចធ្វើឲ្យដៃគូសប្បាយរីករាយជាងអ្នកនោះ គឺជារឿងយល់ច្រឡំធំហើយ។ រឿងបែបនេះទុកឲ្យខាងប្រុសគេជាអ្នកនិយាយវិញទៅចុះ ព្រោះពេលខ្លះអ្នកអាចមិនផ្ដល់ភាពកក់ក្ដៅឲ្យដៃគូបានគ្រប់គ្រាន់ តែអ្នកមិនដឹងប៉ុណ្ណោះ។

៣.អ្នកលែងចង់ទៅណាឆ្ងាយពីគាត់

ពិភពលោកគឺធំធេងណាស់ ប៉ុន្តែអ្នកបែរជាដាក់កម្រិតខ្លួនឯងដោយនៅមួយកន្លែង មិនព្រមទៅណាឆ្ងាយពីគាត់សោះ។ អ្នកប្រើវិធីនេះ ដើម្បីចង់ឲ្យសង្សារដឹងចិត្តថា អ្នកពិតជាស្រលាញ់មិនអាចខ្វះគាត់បានមែននោះ គឺជាការបំបិទខ្លួនឯងពីការស្វែងយល់អ្វីថ្មីទៅវិញ ហើយបុរសក៏គេមិនចង់បានបែបនេះដែរ បើស្អិតដូចតុកកែម្ល៉ឹងៗ។

រូបតំណាង

**៤.ព្យាយាមចង់ឲ្យដៃគូផ្ដល់ក្ដីស្រលាញ់ដូចក្នុងកុន**

ស្នេហាដ៏សែនរ៉ូមែនទិក មានតែនៅក្នុងកុនប៉ុណ្ណោះ ជីវិតពិតគ្មាននរណាដែលថាអាចធ្វើបានល្អឥតខ្ចោះឡើយ។ អ្នកតែងតែចង់ឲ្យគូស្នេហ៍ទិញរបស់របរខ្លួនស្រលាញ់ ចង់បានផ្កាកូឡាបមួយបាច់ធំ ចង់ឲ្យគាត់ Surprise... ដោយយកលំនាំតាមរឿងភាគ ប្រុសៗគ្រាន់តែឮក៏ហត់បាត់ទៅហើយ។

៥.ចង់បំបិទសិទ្ធដៃគូ

របៀបស្រលាញ់បែបនេះ ពិតជាខុសធ្ងន់ បើទោះជាអ្នកស្រលាញ់គាត់ប៉ុណ្ណាក៏ដោយ។ មនុស្សប្រុសមិនចង់រស់នៅក្នុងគំនាប ឬការឃាត់ឃាំងឡើយ។ ដូចនេះប្រសិនបើអ្នកព្យាយាមបិទសិទ្ធសេរីភាពម្ខាងទៀត ភាពរកាំរកូសនឹងកើតឡើងក្នុងទំនាក់ទំនងស្នេហា។

៦.កុហកខ្លួនឯង

ស្នេហាមួយឆាវអាចធ្វើឲ្យអ្នកបាត់បង់ការគិតវែងឆ្ងាយបាន នៅពេលអ្នកប្រាប់ខ្លួនឯងថា អ្នកមិនចង់បានអ្វីបន្ថែមទៀតទេ ព្រោះត្រឹមមានគេអ្នកអាចស្កប់ស្កល់ណាស់ទៅហើយ។ នោះជាការកុហកខ្លួនឯងយ៉ាងច្បាស់ក្រឡែត មនុស្សម្នាក់ៗតែងតែមានក្ដីស្រមៃធ្វើអ្វីដែលមានប្រយោជន៍ និងថ្មី ដើម្បីជួយឲ្យជីវិតកាន់តែមានន័យ៕