ស្រីៗច្រឡំថា បុរសចង់ញ៉ែពេលឃើញឫកពាទាំង ៥ នេះ តែការពិតគ្រាន់តែជាការចៃដន្យប៉ុណ្ណោះ
- 2018-05-29 02:30:00
- ចំនួនមតិ 0 | ចំនួនចែករំលែក 0
ស្រីៗច្រឡំថា បុរសចង់ញ៉ែពេលឃើញឫកពាទាំង ៥ នេះ តែការពិតគ្រាន់តែជាការចៃដន្យប៉ុណ្ណោះ
ស្រីៗកុំចេះតែច្រឡំឲ្យសោះថា រឿងទាំង ៥ ដែលបុរសបានធ្វើនេះ គឺជាចេតនាញ៉ែអ្នក តែវាត្រឹមជារឿងចៃដន្យប៉ុណ្ណោះ។ កញ្ញា សូមបង្ហាញនូវរឿងដែលស្រីច្រលំថាបុរសតាមញ៉ែដូចខាងក្រោមនេះ៖
១.គាត់ប៉ះអ្នក
ការប៉ះគ្នាទៅវិញទៅមក ខណៈពេលដែលអ្នកទាំងពីរបានចូលរួមកម្មវិធី ឬនៅក្បែរគ្នា ជារឿងធម្មតាប៉ុណ្ណោះ ព្រោះមនុស្សច្រើនងាយនឹងជួបបញ្ហានេះ។ គ្រាន់តែប៉ះ មិនមែនចាត់ទុកថា ជាការចែចង់ទេ។
២.កែវភ្នែកសម្លឹងមកអ្នក
នេះក៏ជារឿងដ៏អស់សំណើចដែរ ដោយអ្នកខ្លះគ្រាន់តែឃើញបុរសណាម្នាក់ ហើយអ្នកងាកចំខ្សែភ្នែកសម្លឹង ក៏គិតថាប្រុសៗចង់ញ៉ែបាត់ទៅហើយ។ ពេលខ្លះ អ្នកអាចស្លៀកពាក់ ឬតុបតែងខ្លួនស្អាតបាត ធ្វើឲ្យអ្នកដទៃចង់មើល។ នោះក៏ព្រោះតែបុរសណាក៏ចូលចិត្តមើលស្រីស្អាតដែរ តែមិនមែនជាចេតនាញ៉ែងញ៉ងអីទេ។
៣.ញញឹមដាក់
នៅគ្រប់ពេលដែលអ្នកទាំងពីរ ជួបគ្នាគាត់តែងញញឹមញញែមបែបផ្អែមល្ហែមដាក់អ្នក។ តែកុំគិតណាថា គ្រាន់តែញញឹមសោះ គេចង់ចែចង់ដែរនោះ ព្រោះជួនកាលគាត់ជាមនុស្សប្រុសទន់ភ្លន់ រោះរាយរាក់ទាក់ ឃើញនរណាក៏សើចដាក់បែបនោះដែរទៅ។
៤.ជួយមើលការខុសត្រូវលើអ្នក
គាត់ជាមនុស្សម៉ត់ចត់ម្នាក់ ទើបពេលឃើញអ្នកមានកំហុសឆ្គងតិចតួចចេះតែណែនាំ និងប្រាប់ពីវិធីកែកុន។ តែបែរជាយល់ថា គាត់ព្យាយាមនៅក្បែរ និងតាមស្រលាញ់អ្នកទៅវិញ។
៥.សួរយោបល់អ្នក
មិនប្រាកដថា ការសួរនាំយោបល់ពីអ្នក ជាការរកឱកាសបាននៅក្បែរទេ។ ព្រោះមនុស្សប្រុសខ្លះ ធ្វើបែបនេះ គឺដើម្បីឲ្យត្រូវចិត្តអ្នកទាំងឡើយរួមមានអ្នកដែរ៕
ចុចអាន៖ចង់ដឹងថាសង្សារនឹក ឬអត់ សាក ៤ វិធីនេះទៅ មានប្រសិទ្ធភាពភ្លាមៗហ្មង!