ល្បែងចិត្តសាស្ត្រ៖ ឃើញថាជាសត្វអ្វីមុន អាចប្រាប់អំពីអត្តចរិតរបស់អ្នកបាន!

2018-02-03 01:10:00
ចំនួនមតិ 0 | ចំនួនចែករំលែក 0

ការធ្វើតេស្ដអំពីអត្តចរិត ដោយប្រើរូបភាពបំភ័ន្តភ្នែកកំពុងតែពេញនិយមយ៉ាងខ្លាំងនាពេលបច្ចុប្បន្ន។ ដូច្នេះហើយថ្ងៃនេះ កញ្ញា នឹងបង្ហាញនូវរូបភាព៣សន្លឹកដើម្បីឲ្យប្រិយមិត្តទាំងអស់គ្នារៀនស្គាល់អំពីបុគ្គលិកលក្ខណៈខ្លួនឯងឲ្យរឹតតែច្បាស់។ សាកល្បងមើលរូបទាំង៣ ហើយគិតទុកថាអ្នកឃើញថាជារូបអ្វីមុន៖

១. តោ ឬ បក្សី

២. ទា ឬ ទន្សាយ

៣. ក្រពើ ឬ បក្សី

ឥលូវនេះសូមមើលលទ្ធផល

១. រូបទី១

តោ៖ អ្នកជាមនុស្សដែលតែងតែស្វែងរកឲ្យដល់ឫសគល់នៃបញ្ហាពិតប្រាកដ។ អ្នកហ៊ានប្រឈមមុខជាមួយភាពភ័យខ្លាចគ្រប់បែបយ៉ាង ព្រោះអ្នកគឺជាមនុស្សដែលក្លាហានបំផុត។

បក្សី៖ ត្បិតតែពេលខ្លះអ្នកប្រហែលជាមនុស្សមិនសូវនឹងធឹង ព្រមទាំងគ្មានទំនួលខុសត្រូវបន្តិច ប៉ុន្តែអ្នកពិតជាសំបូរទៅដោយគំនិតច្នៃប្រឌិតខ្ពស់ ព្រមជាមួយឆន្ទៈដែលតែងតែចង់ផ្លាស់ប្ដូរពិភពលោកឲ្យកាន់តែប្រសើរ។

២. រូបទី២

**ទា៖ ** អ្នកឆាប់ទទួលអារម្មណ៍ អំពីព្រឹត្តិការណ៍ ឬរឿងហេតុដែលកើតឡើងជុំវិញខ្លួនណាស់។ អារម្មណ៍របស់អ្នក តែងតែប្រែប្រួលញឹកញាប់ ហើយអ្នកចូលចិត្តការសម្រេចចិត្តដែលរហ័ស លឿនទាន់ស្ថានការណ៍។

ទន្សាយ៖ អ្នកតែងតែពិចារណាអំពីលទ្ធផលនៃសកម្មភាពនីមួយៗយ៉ាងល្អិតល្អន់។ ទោះជាអ្នកឲ្យតម្លៃខ្ពស់លើហេតុផល ប៉ុន្តែមិនមែនមានន័យថាអ្នកជាមនុស្សដែលសោះកក្រោះ មិនចេះខ្វល់ពីអារម្មណ៍អ្នកដទៃឡើយ។

៣. រូបទី៣

ក្រពើ៖ អ្នកតែងតែចង់ឲ្យអ្វីៗនៅក្រោមការគ្រប់គ្រងរបស់អ្នក ព្រមទាំងចង់ទទួលបន្ទុកលើរឿងគ្រប់យ៉ាង។ ទោះជាយ៉ាងណា អ្នកមិនមែនជាមេដឹកនាំ ដែលឃោរឃៅឡើយ ប៉ុន្តែជាមេដឹកនាំដែលយកចិត្តទុកដាក់ និងមានចិត្តសប្បុរសបំផុតចំពោះកូនចៅ។

បក្សី៖ អ្នកពេញចិត្តក្នុងការដែលគេជួយដឹកនាំ ឬជ្រោមជ្រែងជីវិតអ្នកឲ្យបានប្រសើរ។ នេះមិនមែនមានន័យថា អ្នកគ្មានគំនិត ឬគោលជំហរផ្ទាល់ខ្លួនឡើយ ប៉ុន្តែអ្នកជាមនុស្សដែលឆាប់យល់ចិត្តអ្នកដទៃ ពូកែសម្របសម្រួល ស្មោះស្ម័គ្រ និងចូលសង្គមបានយ៉ាងល្អ ៕

ប្រភព៖ Brightside ប្រែសម្រួល៖ អូន បញ្ញា