តារាសម្ដែងកូនកាត់ខ្មែរ-រុស្សី ចង់ប៉ះគ្នាជាមួយ សុខ សោម៉ាវត្តី
- 2017-12-25 06:22:47
- ចំនួនមតិ 0 | ចំនួនចែករំលែក 0
តារាសម្ដែងកូនកាត់ខ្មែរ-រុស្សី ចង់ប៉ះគ្នាជាមួយ សុខ សោម៉ាវត្តី
តារាសម្ដែងរូបសង្ហាកូនកាត់រុស្សី មានឈ្មោះពេញថា សួន រ៉ានី រ៉ាសីនី កំពុងមានប្រជាប្រិយភាពមិនធម្មតា ក្រោយថតរឿងថ្មី។ តារាកូនកាត់រូបនេះបានថតរឿងល្បីៗ ប្រចាំផលិតកម្មក្នុងស្រុកដូចជារឿង «ផ្ទះសសរកណ្ដាល» រឿងកំពុងថត «ណូលីណូឡា» ហើយគ្រឿងដែលគ្រោងថតថ្មីនោះគឺរឿង «អន្ទងវិញ្ញាណ»។ មិនតែប៉ុណ្ណោះ លោកក៏ធ្លាប់ថតស្តតពាណិជ្ជកម្ម ដូចជាស្តតទឹកពិសាបរិសុទ្ធ ហ្វូមលាងមុខ និងវីដេអូបទចម្រៀងជាច្រើនផងដែរ។
ដោយសារតែទេពកោសល្យសិល្បៈ និងរូបសម្បត្តិស្រស់សង្ហារផងនោះ ទើបធ្វើឲ្យលោកបានគ្រងដំណែងជាតួឯកក្នុងរឿង ដែលបានថត និងគ្រោងនឹងថតទាំង ៣។ នៅក្នុងកិច្ចសម្ភាសន៍ សីនី និយាយថាលោកមានបំណង ចង់ជួបជាមួយនឹង សុខ សុម៉ាវត្តី នៅក្នុងរឿងក្រោយ ព្រោះនាងជាតារាស្រីក្នុងដួងចិត្តដែលលោកតែងតែគោរពនិងកោតសរសើរជានិច្ច។ កំលោះសង្ហា សីនី បន្ថែមថា អ្នកនាងសុខ សុម៉ាវត្តី មានទេពកោសល្យក្នុងការសម្ដែងខ្ពស់ ដោយនាងអាចសម្ដែងបានគ្រប់ចរិតតួដូចជា ស្លូតបូត កាចឆ្នាស ឬក្រមិចក្រមើម បានយ៉ាងល្អ និងប៉ិនប្រសព្វ ដែលនេះជាហេតុផលធ្វើឲ្យលោកស្ងើចសរសើរនាង៕
ចុចអាន៖ណាសាឌី បង្ហើបពីបុរសក្នុងសុបិន តែខុសទាស់ត្រង់មិនមែនជាបុរសវ័យក្មេង
facebook Prince Syny