ឲ្យខ្ញុំបន្តស្រលាញ់អ្នកយ៉ាងម៉េច បើរវាងយើងពេលនេះសុទ្ធតែអាថ៍កំបាំងនោះ

2017-12-16 08:20:38
ចំនួនមតិ 0 | ចំនួនចែករំលែក 0

ជីវិតគឺខ្លី តែឧបសគ្គមានច្រើនពេក។ ថ្ងៃនេះនៅនៅក្បែរគ្នា មិនប្រាកដថាស្អែកមិនបែកគ្នានោះទេ។ ស្រលាញ់គ្នាធម្មតាគឺពិបាកយ៉ាងនេះទៅហើយ ទម្រាំមានអាថ៍កំបាំងលាក់គ្នាទៀត វេទនាយ៉ាងណាទៅ?

កណ្ដាលហ្វូងមនុស្សទៅមករាប់មិនអស់ យើងជួបគ្នាដោយចៃដន្យ ហើយក៏ចំណាយយុវភាពនៅក្បែរគ្នា កាន់ដៃគ្នាឆ្លងកាត់ព្យុះភ្លៀងរាប់មិនអស់។ ពេលវេលាកន្លងផុតទៅ មនោសញ្ចេតនានេះនៅតែរក្សាបាន តែខ្ញុំមានអារម្មណ៍ថានៅក្នុងកែវភ្នែកអ្នកពោរពេញទៅដោយអាថ៍កំបាំង។ តើមកពីស្នេហាយើងមិនទាន់ជឿជាក់គ្រប់គ្រាន់ ឬក៏អស់ជំនឿលើគ្នាទៅហើយ?

រូបតំណាង

គ្រាដំបូងស្រលាញ់គ្នា ខ្ញុំមានអារម្មណ៍ថាដូចខ្លួនជាមនុស្សដែលមានសុភមង្គលបំផុតលើលោកនេះ ដែលមានសង្សារដូចរូបអ្នក។ តែកាន់តែយូរៗទៅ ខ្ញុំហាក់ដូចមិនទទួលបានការទុកចិត្តរបស់អ្នក។ រវាងយើងទាំង២នាក់ហាក់ដូចមានគម្លាតអរូបិយមួយចឹង។

ប្រហែលជាអ្នកគិតថាវាអាចក្លាយជាអម្រែកលើស្មាខ្ញុំ តែអ្នកដឹងទេថាក្នុងរឿងស្នេហា បើមិនចែករំលែកនឹងគ្នា នោះមិនអាចដើរឆ្ងាយជាមួយគ្នាបានឡើយ។ ពេលខ្លះចង់ស្រែកសួរអ្នកត្រង់ៗថា តើខ្ញុំជាសង្សារអ្នក ឬគ្រាន់តែជាមិត្តភ័ក្ដិសាមញ្ញាម្នាក់ទេ?

សូម្បីតែម្ដងក៏ខ្ញុំមិនដែលមើលយល់ពីជម្រៅចិត្តអ្នកដែរ ព្រោះអ្នកមិនដែលបើកចិត្តនឹងខ្ញុំទាល់តែសោះ។ ខ្ញុំនៅតែរង់ចាំ ចាំថ្ងៃណាមួយអ្នកនឹងបើកចិត្តជាមួយខ្ញុំ តែខ្ញុំមិនដឹងថាថ្ងៃនោះនឹងកើតឡើងឬអត់ទេ...៕

ចុចអាន៖អ្នកនឹងមានអារម្មណ៍ថានឹកខ្ញុំ នៅពេលដែលខ្ញុំចាកចេញ

ប្រភព៖ Guu ប្រែសម្រួល៖ Caramel