គូស្នេហ៍តារាល្បី ៥គូ រៀបការយូរ មានទ្រព្យច្រើន តែបែរអភ័ព្វរឿងមួយ
- 2017-12-15 08:38:58
- ចំនួនមតិ 0 | ចំនួនចែករំលែក 0
គូស្នេហ៍តារាល្បី ៥គូ រៀបការយូរ មានទ្រព្យច្រើន តែបែរអភ័ព្វរឿងមួយ
ជឿថាក្ដីប្រាថ្នារបស់គូស្នេហ៍ភាគច្រើនគឺប្រាកដជាចង់មានបុត្រធីតាស្នងត្រកូល និងមានគ្រួសារពេញលេញ ប៉ុន្តែគូស្នេហ៍ខ្លះដោយសារភាពមមាញឹកក្នុងការកសាងសេដ្ឋកិច្ចគ្រួសារ មិនទាន់ដល់ពេលវេលាសមរម្យនឹងបន្ថែមសមាជិក ហើយគូខ្លះទៀតមានគ្រប់យ៉ាងហើយប៉ុន្តែបែរជាមានបញ្ហាសុខភាព ធ្វើឲ្យពួកគេមិនអាចមានកូនបាន។ តួយ៉ាង ប្ដីប្រពន្ធតារាថៃចំនួន ៥គូខាងក្រោមនេះ សុទ្ធតែត្រូវបានគេមើលឃើញថាជាគូស្នេហ៍ដែលមានភាពល្អូកល្អិន និងស្មោះស្ម័គ្រជាមួយគ្នាច្រើនឆ្នាំមកហើយ ប៉ុន្តែនៅតែមិនទាន់មានកូនម្នាក់នៅឡើយ៖
១. Nune Woranuch និង Todd Pithi
តារាជួរមុខថៃ Nune Woranuch និងស្វាមីជាមហាសេដ្ឋីលំដាប់កំពូលមួយដែរក្នុងប្រទេសថៃ បានរៀបការជាមួយគ្នាចំនួន ៧ឆ្នាំមកហើយ ប៉ុន្តែមិនទាន់មានកូននឹងគេម្នាក់សោះ។ ពាក់ព័ន្ធបញ្ហានេះ Nune ធ្លាប់ផ្ដល់បទសម្ភាសន៍ថាបច្ចុប្បន្នពួកគេមានសុភមង្គលស្រាប់ទៅហើយ ហើយម្យ៉ាងនាងក៏មានរឿងភាគត្រូវថតជាបន្តបន្ទាប់ ហើយស្វាមីក៏មានគម្រោងរកស៊ីជោគជ័យជាច្រើនមិនអាចដកដៃបានដែរ។
២. Pock Piyathida និង Tuck Napassakorn
គឺជាគូស្នេហ៍តារាសម្ដែងដែលបានសម្រេចចិត្តរៀបការជាមួយគ្នាចំនួន ១១ឆ្នាំហើយ ហើយបើគិតទាំងពេលដែលពួកគេចាប់ផ្ដើមស្រឡាញ់គ្នាទៀតគឺរយៈពេល ១៨ឆ្នាំ។ យ៉ាងណាក្ដី រឿងបុត្រស្នងត្រកូលហាក់គ្មានសញ្ញាទាល់តែសោះ រហូតដល់ពេលនេះអ្នកទាំងពីរក៏បានផ្ដល់សម្ភាសន៍ថាសម្រេចចិត្តមិនយកកូនឡើយ ដោយមូលហេតុអាយុកាន់តែច្រើន ខ្លាចមិនអាចមើលថែកូនបានល្អ។ យ៉ាងណាមិញ បច្ចុប្បន្នពួកគេក៏បានចិញ្ចឹមក្មួយទុកដូចជាកូនដែរ។
៣. Cee Siwat និង Amy Klinprathum
ប្ដីប្រពន្ធតារាសម្ដែងដ៏ផ្អែមល្ហែមមួយគូនេះបានរៀបការជាមួយគ្នាជាង ៣ឆ្នាំហើយ ហើយក៏មិនទាន់មានដំណឹងថាមានបុត្រទាល់តែសោះ ដោយអ្នកទាំងពីរបានឆ្លើយតបពាក់ព័ន្ធបញ្ហានេះថា មិនទាន់ត្រៀមខ្លួនរួចរាល់ សុំពេលសម្រុកការងារសិន ទាំងការងារសម្ដែង និងមុខជំនួញផ្សេងៗ។
៤. Yong Armchair និង Koi Saturday
រៀបការ ៥ឆ្នាំទៅហើយ ប៉ុន្តែតារាចម្រៀងរូបសង្ហា Yong Armchair និងភរិយាដ៏ស្រស់ស្អាត ក៏មិនទាន់មានសញ្ញាថាមានបុត្រនៅឡើយ ដោយនៅក្នុងឱកាសខួបអាពាហ៍ពិពាហ៍គម្រប់ ៥ឆ្នាំកន្លងទៅនេះ Yong បានបង្ហោះសារជ្រាលជ្រៅមួយជូនភរិយា និងបានបញ្ចប់ដោយឃ្លាមួយថា “ឆ្នាំនេះមិនទាន់មានកូនទេណា”។ ទោះយ៉ាងណា អ្នកទាំងពីរក៏មើលទៅផ្អែមល្ហែមនឹងគ្នាមែនទែន។
៥. Aum Atichart និង Nat Myria
រៀបការជាង ៣ឆ្នាំមកហើយ ប៉ុន្តែក៏មិនទាន់មានបុត្រ តារាសម្ដែងមាឌមាំ Aum Atichart និងភរិយា Nat Myria បានបង្ហើបថាចង់បានកូនខ្លាំងមែនទែន ដោយហេតុអ្នកទាំងពីរសុទ្ធតែអាយុច្រើនទៅហើយ ប៉ុន្តែដោយសារបញ្ហាសុខភាពរបស់ Nat ក៏ធ្វើឲ្យអ្នកទាំងពីរមិនទាន់អាចមានកូនបាន ខណៈបច្ចុប្បន្នអ្នកទាំងពីរកំពុងព្យាយាមគ្រប់វិធី ទាំងផ្នែកវេជ្ជសាស្ត្រ រហូតដល់ការបន់ស្រន់ផ្សេងៗ ៕