ប្ដីប្រពន្ធល្អ មិនគួរបង្ហោះរូបទាំងនេះ ទៅក្នុង FB ឬ IG ដាច់ខាត

2017-12-15 08:30:00
ចំនួនមតិ 0 | ចំនួនចែករំលែក 0

ប្ដីប្រពន្ធជាច្រើននាសម័យនេះ គ្មានគូណាដែលមិនប្រើបណ្ដាញសង្គមដូចជា FB IG ឡើយ។ តែរឿងមួយចំនួនដែលទាក់ទងនឹងជីវិតគូនេះ មិនគួរបង្ហោះឲ្យអ្នកដទៃដឹងច្រើនពេកទេ ព្រោះគេអាចវាយតម្លៃមកគ្រួសារអ្នកបាន។ ដូចនេះ កញ្ញា សូមប្រាប់ដល់គូស្វាមីភរិយាមួយចំនួន មិនគួរបង្ហោះរឿងទាំង ១១ នេះលើ Facebook ដាច់ខាត៖

១.រូបភាពគេងនៅលើគ្រែ៖ ជាធម្មតាវាមិនចាំបាច់ផ្ដល់ព័ត៌មានលំអិតអំពីអ្វីដែលកើតឡើងនៅក្នុងបន្ទប់ដេក ទៅឲ្យអ្នកដទៃឃើញឡើយ។ ការបង្ហោះព័ត៌មានទាំងនេះនៅលើបណ្ដាញសង្គម បង្ហាញថាអ្នកមិនទាន់ពេញវ័យទេ។ មួយវិញទៀតរូបភាពបែបនេះ គេអាចយកទៅកែច្នៃ ក្នុងផ្លូវមិនល្អ ដែលអាចប៉ះពាល់ដល់ការជឿទុកចិត្តគ្នាក្នុងទំនាក់ទំនងរបស់អ្នក។

២.ព័ត៌មានផ្ទាល់ខ្លួន៖ រាល់ព័ត៌មានសំខាន់ៗដូចជាអាសយដ្ឋាន លេខកុងធនាគារ ឬលេខលិខិតឆ្លងដែនជាដើម។ ព្រោះកត្តាទាំងអស់នេះជាព័ត៌មាន មិនសមនឹងចែករំលែក។

៤.រូបភាពមិនត្រូវបានអនុញ្ញាតពីដៃគូរបស់អ្នក៖ សូមស្រមៃថាថតរូបរបស់ដៃគូរបស់អ្នកកំពុងដេកចំហ ឬហៀរទឹកមាត់ ដែលមើលទៅមិនសមរម្យ ហើយគេមិនចង់ឲ្យអ្នកដទៃឃើញ តែអ្នកបែរជាបង្ហោះឲ្យគេឃើញ។ នោះប្រាកដណាស់ថាដៃគូពិតជាមានអារម្មណ៍មិនល្អ។

៥.ការឈ្លោះគ្នាជាមួយគូស្នេហ៍៖ ការបង្ហោះពាក្យពេចន៍ ឬសកម្មភាពឈ្លោះគ្នាទៅបណ្ដាញសង្គមពិតជាមិនល្អទេ។ ព្រោះក្រោយពេលឈ្លោះគ្នាអ្នកនឹងបង្ហាញភាពផ្អែមល្ហែមវិញ ធ្វើឲ្យគេអាចពេបជ្រាយបាន។

៦.ការថើបគ្នាស្រើបស្រាល ហើយថត selfie៖គ្មាននរណាម្នាក់ចង់មើលការថតរូបselfie ។ ហើយមានលក្ខណៈស្រើបស្រាល។

៧.អំណោយដ៏អស្ចារ្យ៖ គូស្វាមីភរិយាជាច្រើនបានបង្ហោះរូបភាពជាអំណោយថ្លៃៗ ដែលពួកគេបានទទួល។ ទោះជាយ៉ាងណាក៏ដោយ នេះគឺជាសកម្មភាពមួយទៀតដែលខ្វះការគិតល្អិតល្អន់ ព្រោះ មានទាំងមនុស្សល្អ និងអាក្រក់ប្រើប្រាស់បណ្ដាញសង្គម ហើយអ្នកមានគំនិតមិនល្អអាចឆ្លៀតឱកាសនោះ កេងប្រវ័ញ្ចអ្នកបាន។

៨.កំណត់ហេតុផ្សេងៗ៖ មនុស្សដែលសរសេរកំណត់ហេតុ និងការពិគ្រោះយោបល់លក្ខណ៖ជាដៃគូ។ ព្រោះដៃគូប្រកួតប្រជែងអាចនឹងឃើញ ហើយគេយកចំណេញពីលើអ្នកយ៉ាងងាយស្រួល ដោយសារការឃើញចំណុចសំខាន់។

៩.បង្ហាញពីការទាមទារ Like share៖ ចំនួននៃការ Like និង share មិនមែនជារង្វាស់នៃទំនាក់ទំនងដែលទទួលបានជោគជ័យរបស់អ្នកឡើយ។

១០.ភាពអវិជ្ជមានអំពីសាច់ថ្លៃ៖ រឿងបញ្ហាសាច់ថ្លៃ គឺតែងជួបជានិច្ច តែក៏មិនគួរបង្ហោះឲ្យគេឃើញដែរ ព្រោះខាងណោះឃើញហើយអាចមិនពេញចិត្ត និងធ្វើឲ្យប៉ះពាល់ដល់សម្ពន្ធភាពប្ដីប្រពន្ធ។

១១.ព័ត៌មានលម្អិតអំពីការបែកបាក់របស់អ្នក៖ ប្រសិនបើអ្នកចង់បញ្ចេញកំហឹងពីការបែកបាក់គ្នាកុំភ្លេចជាមួយមិត្តភ័ក្ដិជិតបំផុត។ មិនមែននៅលើប្រព័ន្ធផ្សព្វផ្សាយសង្គម។

ចុចអាន៖៤យ៉ាងដែលគូស្នេហ៍ក្រោយរៀបការប្រាថ្នាចង់បាន លើសពីរបស់ក្រៅខ្លួន

អត្ថបទ៖ ទ្រី រ៉ាវី