អ្នកដែលគ្មានស្នេហា ឬមាននៅអាយុជ្រេបណ្ដាលមកពីហេតុផល ៦ យ៉ាងនេះ

2017-12-14 10:00:00
ចំនួនមតិ 0 | ចំនួនចែករំលែក 0

មានមនុស្សជាច្រើនដែលកំពុងគ្មានស្នេហា ឬអ្នកខ្លះទម្រាំតែមានគឺមានវ័យជ្រេបន្តិចហើយ។ មានកត្តាជាច្រើនដែលនាំឲ្យពួកគេទៅជាបែបនេះ ហើយ ៦ យ៉ាងខាងក្រោមគឺកើតឡើងលើមនុស្សមួយចំនួនធំ៖

១.មានទំនុកចិត្តលើខ្លួនឯងខ្លាំងពេក

អ្នកដែលមានទំនុកចិត្តលើខ្លួនឯងតែងនិយាយថា «ស្នេហាគេចង់បានពេលណាក៏បានដែរ គ្រាន់តែពេលនេះមិនចង់បានប៉ុណ្ណោះ» ព្រោះតែមានអំនួតលើខ្លួនឯងពេកបែបនេះ ទើបគេមិនមានគូ។ ព្រោះការមានស្នេហាមិនមែនប្រើពេលមើលចិត្តគ្នា ១ ថ្ងៃ ឬ ១ សប្ដាហ៍ឡើយ។

២.ត្រចៀកស្រាលពេក

មនុស្សបែបនេះ គ្រាន់តែគេនិយាយថាមានស្នេហាអាក្រក់ ឬឈឺចាប់ណាស់ ធ្វើឲ្យពួកគេក៏លែងចង់បានដែរ ដោយមិនបានពិចារណាវែងឆ្ងាយឡើយ។

៣.ជាមនុស្សគ្មានហេតុផល

ជាទូទៅគ្មានមនុស្សណាចង់ចូលខ្លួនទៅស្រលាញ់អ្នកមានចរិតបែបនេះឡើយ។ ព្រោះក្ដីស្នេហានឹងមិនឋិតថេរយូរអង្វែងដូចអ្នកដទៃ ឬអាចហៅបានម្យ៉ាងទៀតថាជាមនុស្សអាត្មានិយម មិនចេះយកចិត្តអ្នកដទៃមកដាក់ក្នុងចិត្តឯង។

៤.ជឿតែពាក្យកុហក

អ្នកដែលចូលមកក្នុងជីវិតបែបលេងសើច បែរជាជឿថាជាការពាក្យ ហើយអ្នកដែលចូលមកក្នុងជីវិតពិតប្រាកដបែរជាថាមិនពិត។ មនុស្សបែបនេះក៏មិនងាយមានស្នេហាដែរ។

៥.មិនមានចរិតជាមនុស្សធំ

តែកាលណាអ្នកចូលចិត្តធ្វើចរិតកូនក្មេង មិនព្រមធំសោះ ក៏គ្មានមនុស្សហ៊ានស្រលាញ់ដែរ ព្រោះគេនឹងឆាប់នឿយហត់តាមចិត្តអ្នកគ្រប់ពេល។

៦.គ្មានភាពពិតប្រាកដ

បើអ្នកដើរទាក់ទងមនុស្សពីរ-បី នាក់ក្នុងពេលតែមួយ។ នោះបញ្ជាក់បានថាអ្នកជាមនុស្សសាវា ដូចនេះគ្មាននរណាម្នាក់ចង់បានដៃគូមានចិត្តរាយមាយឡើយ៕

ចុចអាន៖សញ្ញា ៥ យ៉ាង ជួបស្នេហ៍ផ្លេកបន្ទោរ “ឃើញភ្លាមស្រឡាញ់ភ្លែត” ដោយផ្អែកតាមវិទ្យាសាស្ត្រ

ប្រភព៖ Spiceee ប្រែសម្រួល៖ ទ្រី រ៉ាវី