សំលៀកបំពាក់ ៥ ប្រភេទ ដែលនារីជាអ្នកជំនួញសម័យថ្មី ត្រូវការបំផុត
- 2017-12-14 06:30:00
- ចំនួនមតិ 0 | ចំនួនចែករំលែក 0
សំលៀកបំពាក់ ៥ ប្រភេទ ដែលនារីជាអ្នកជំនួញសម័យថ្មី ត្រូវការបំផុត
អ្នកជំនួញស្រីសម័យនេះ មិនមែនពឹងផ្អែកលើចំណេះ និងបញ្ញាមួយមុខទេ តែពួកគេក៏ត្រូវការលេងខ្លួនឲ្យបានស៊ីវិល័យ ទើបមើលទៅមានឥទ្ធិពល។ ដើម្បីជាចំណេះដឹងបន្តិចបន្តួច កញ្ញា សូមណែនាំដល់មិត្តៗស្ត្រីដែលមានជំនួញផ្ទាល់ខ្លួន គឺជ្រើសសំលៀកបំពាក់ ៥ ប្រភេទនេះ ព្រោះវាមើលទៅថ្លៃថ្នូរ និងមានសមជាស្ត្រីអ្នកជំនួញឆ្នើម៖
១.រ៉ូបខ្មៅខ្លីក្រោម ឬលើជង្គង់៖ សំលៀកបំពាក់ប្រភេទនេះល្អឥតខ្ចោះសម្រាប់អ្នកនៅការិយាល័យដែលត្រូវការភ្ជាប់ជាមួយអាវធំពីក្រៅ។ ជាពិសេសពេលចេញទៅជួបភ្ញៀវ និងអតិថិជនខាងក្រៅ មើលទៅពិតជាមានភាពម៉ឺងម៉ាត់។
**២.អាវក្រៅខ្មៅ**៖ អាវប្រភេទនេះធ្វើឲ្យអ្នកមើលទៅមានភាពចាស់ទុំ ទំនើប និងមានឥទ្ធិពល។ អាវធំខាងក្រៅនេះអ្នកអាចពាក់ជាមួយមួយរ៉ូប អាវយឺត និងអាវបើកក ដោយមិនប្រកាន់ពីពណ៌ឡើយ។
៣.ស្បែកជើងកែវពណ៌ខ្មៅ៖ ជាស្ត្រីមានជំនួញក្នុងដៃ ត្រូវធ្វើអ្វីដោយភាពជឿជាក់ ហើយស្បែកជើងប្រភេទនេះនឹងជួយអ្នកបាន។ ព្រោះវានឹងជួយលើកកម្ពស់ និងរាងរៅ ជាពិសេសធ្វើឲ្យអ្នកស្វាហាប់។
៤.អាវបើកកពណ៌ស៖ អាវប្រភេទនេះ ជួយឲ្យមនុស្សស្រីមើលទៅទាន់សម័យគ្រប់កាលៈទេសៈ។ អ្នកនឹងកាន់តែឡូយឆាយនៅពេលពាក់អាវប្រភេទនេះជាមួយខោសាច់ក្រណាត់ខ្មៅ ខោខោវប៊យខ្មៅ ឬខៀវ និងពណ៌ទឹកប៊ិច។
៥.ខោខោវប៊យពណ៌ទឹកប៊ិច៖ នៅពេលពាក់អាវបើកកស តឺនុយជាមួយខោបែបនេះ ហើយកុំភ្លេចពាក់ស្បែកជើងពណ៌ខ្មៅ ព្រោះវាធ្វើឲ្យអ្នកកាន់តែអស្ចារ្យ៕
ចុចអាន៖តិកនិក ៥យ៉ាងជួយឱ្យមនុស្សស្រីកាន់តែមានភាពជឿជាក់ និងទាក់ទាញ