តិកនិក ៥យ៉ាងជួយឱ្យមនុស្សស្រីកាន់តែមានភាពជឿជាក់ និងទាក់ទាញ

2017-12-13 09:50:24
ចំនួនមតិ 0 | ចំនួនចែករំលែក 0

ភាពស្រស់ស្អាតគឺជាកត្តាមួយដ៏សំខាន់សម្រាប់មនុស្សស្រី ហើយដើម្បីទទួលបានភាពទាក់ទាញថែមមួយកម្រិតទៀតនោះ គឺត្រូវផ្តោតទៅលើការតុបតែងខ្លួនតែម្តង។ ខាងក្រោមនេះជាតិចនិក ១១ យ៉ាងដែលជួយឱ្យមិត្តនារីកាន់តែមានភាពជឿជាក់ និងទាក់ទាញ៖

១. ការហាត់ប្រាណ៖ ក្រៅពីធ្វើឱ្យមានសុខភាពល្អហើយ វាក៏ជួយឱ្យអ្នកមានដងខ្លួនស្រឡូនស្អាតផងដែរ។ នៅពេលដែលមានដងខ្លួនស្រឡូនស្អាត មិត្តនារីច្បាស់ជាមិនខ្លាចនឹងស្លៀកពាក់បញ្ចេញសាច់ទៀតទេ។

រូបតំណាង

**២. ផ្តល់ភាពស្រស់ស្រាយឱ្យខ្លួនឯង៖** ត្រូវជ្រើសរើសសាប៊ូដុសខ្លួនណាដែលមានក្លិនក្រអូបនៅពេលងូតទឹក ចំណែកឯឡេលាបខ្លួនក៏ត្រូវមានក្លិនក្រអូបប្រហើរដូចគ្នាដែរ។ អ្នកនឹងមានភាពស្រស់ស្រាយជាមួយក្លិនដែលអ្នកពេញចិត្តទាំងនោះ។

៣. បញ្ហាមាត់ធ្មេញ៖ មិនប្រាកដថាទាល់តែតែងខ្លួនស្អាតគឺចប់រឿងនោះទេ អនាម័យមាត់ធ្មេញក៏ចាំបាច់ដែរជាពិសេសនៅពេលដែលអ្នកនិយាយស្តីជាមួយអ្នកដទៃ។ បើធ្មេញមិនស្អាត ខ្យល់ដង្ហើមមិនស្រស់ថ្លាធ្វើម្តេចនឹងអាចទាក់ទាញគេបានទៅ?

រូបតំណាង

៤. ធ្វើសមាធិ៖ មនុស្សស្រីខ្លះមិនមែនមកពីគាត់មិនស្អាតទើបគ្មានជឿជាក់ទេ ប៉ុន្តែដោយសារគាត់មានអារម្មណ៍មិនស្រណុកពីខាងក្នុងមកតែម្តង។ ទម្លាប់នៃការសមាធិជួយឱ្យអ្នកមានអារម្មណ៍ស្រស់ថ្លា និងបំបាត់រាល់គំនិតអវិជ្ជមានទាំងឡាយចោលទាំងអស់។

៥. ការផាត់មុខ៖ អ្នកគិតថាទាល់តែផាត់មុខបែបសិចស៊ីទើបទាក់ទាញមែនទេ? នោះជាការយល់ខុសហើយ ត្រឹមការផាត់មុខបែបធម្មជាតិប្រើក្រែមពណ៌ស្រាលៗគឺអ្នកអាចចេញទៅខាងក្រៅប្រកបដោយភាពជឿជាក់បានហើយ៕

ប្រភព៖ fustany ប្រែសម្រួល៖ អ៊ុង រ័ត្នបញ្ញា