ធ្លាប់ឆ្ងល់អត់ថា ហេតុអ្វីបានជាអ្នកមើលទៅស្អាត ពេលថតរូប តែធម្មតាអត់ស្អាតផង?
- 2017-12-13 06:30:00
- ចំនួនមតិ 0 | ចំនួនចែករំលែក 0
ធ្លាប់ឆ្ងល់អត់ថា ហេតុអ្វីបានជាអ្នកមើលទៅស្អាត ពេលថតរូប តែធម្មតាអត់ស្អាតផង?
មនុស្សជាច្រើនពិតជាធ្លាប់ជួប ឬខ្លួនឯងផ្ទាល់ជាមនុស្សបែបនេះ ដោយនៅខាងក្រៅមិនស្អាតអ្វីសោះ តែដល់ពេលថតរូបទៅបែរជាប្រែក្លាយជាមនុស្សផ្សេង។ តើមូលហេតុអ្វីដែលបណ្ដាលឲ្យអ្នកមើលទៅស្អាត នៅពេលថតរូប តែធម្មតាអត់ស្អាតទៅវិញ? កញ្ញា នឹងបកស្រាយចម្ងល់នេះ នៅខាងក្រោម៖
១.ផ្លូវចិត្ត
ជាញឹកញាប់យើងមើលកញ្ចក់នៅផ្ទះ ដែលបរិយាកាស និងអារម្មណ៍បែបផ្សេង។ ដូចនេះចំពោះការថតរូបប្រហែលជាស្ថិតនៅក្នុងបរិយាកាសថ្មីមួយ ហើយមិនបានរៀបចំខ្លួនទុកជាមុន តែលទ្ធផលចេញមកបែរជាស្អាតជាងក្នុងកញ្ចក់ ព្រោះភាពធម្មជាតិវាប្រសើរជាងការរៀបចំ ឬសម្ដែង។
នេះអាចជាមូលហេតុដែលជួនកាលនៅពេលមើលកញ្ចក់មុនពេលចូលរួមពិធីជប់លៀងមួយអ្នកតែងឃើញរូបភាពខ្លួនរបស់អ្នក ស្ថិតក្នុងភាពរញ៉េរញ៉ៃ ប៉ុន្តែនៅថ្ងៃបន្ទាប់ពេលមើលរូបថតដែលបានថតនៅឯពិធីជប់លៀងនោះ អ្នកឃើញគឺផ្ទុយគ្នាទាំងស្រុង។
២.ចំណុចអស្ចារ្យនៃមុខ
អ្នកប្រហែលជាមិនដឹងទេថា គម្លាតមុខរបស់យើងនេះ មានមួយផ្នែកណាខុសពីគ្នា ឬអាចហៅថាមិនស្មើគ្នា។ ដូចនេះក៏ជាចំណុចដែលបណ្ដាលឲ្យមើលនៅក្រៅគ្មានអ្វីអស្ចារ្យ។ តែនៅពេលមួយដែលអ្នកចេះតែថតរូប គ្រប់ជ្រុងនៃមុខ ហើយមើលឃើញថាត្រេមុខខាងណាទាក់ទាញ នោះហើយជាភាពអស្ចារ្យនៃរូបថត ដែលខាងក្រៅគ្មាន។
៣.តុល្យភាពពណ៌
ពេលខ្លះនៅខាងក្រៅ គ្មានពន្លឺអ្វីគ្រប់គ្រាន់ ទើបធ្វើឲ្យរូបមិនឃើញស្អាត។ តែពេលចូលក្នុងកាមេរ៉ា វាបែរជាមានប្រភេទនៃពន្លឺទៅតាមដំណាក់កាលផ្សេងៗ ដែលអាចជួយលើកសម្រស់បាន។
នៅពេលដែលអ្នកក្រឡេកមើលកញ្ចក់ ទោះបីជាប្រភពពន្លឺមកជះមកខ្លាំងក៏ដោយ តែអ្នកតែងឃើញរូបអ្នកនៅដដែល។ ទន្ទឹមនឹងនេះដែរនៅពេលមើលរូបថតអ្នកអាចឃើញ ភាពប្លែកគ្នា កាន់តែច្បាស់ ព្រោះក្នុងកាមេរ៉ាមានបរិយាកាសភ្លើងបំភ្លឺខុសៗគ្នា។
៤.ផ្ដោតទៅលើចំណុចជាក់លាក់
ពេលសម្លឹងមើលកញ្ចក់អ្នកនឹងឃើញរាងកាយទាំងមូល ហើយរូបភាពទាំងមូលនៃរាងកាយទេនោះហើយដែលកន្លែងខ្លះមិនល្អ ទើបទាញអ្នកចូលទៅភាពមិនស្អាតទាំងអស់ដែរ។ តែនៅពេលអ្នកថតរូបអ្នកនឹងឃើញរូបភាពផ្ទាល់ខ្លួនរបស់អ្នកកាន់តែច្បាស់ ហើយកន្លែងផ្សេងទៀតដែលមើលឃើញចំណុចអាក្រក់ដូចជា ជំហរឈរមិនមានលក្ខណៈស្តង់ដារឥរិយាបថ ទីតាំង ថតជាដើម អ្នកអាចកាត់ចោល៕
ចុចអាន៖៤០សន្លឹកជាមួយរូបចម្លាក់ ទាំងឡូយ ទាំងកំប្លែង នេះបានគេហៅថាអ្នកដឹងរបៀបថត!