ស្រីៗអាចសម្គាល់បុរសល្អបាន តាមរយៈការសង្កេតរឿង ៦ យ៉ាង

2017-12-13 04:06:29
ចំនួនមតិ 0 | ចំនួនចែករំលែក 0

យើងមិនអាចនិយាយចំពោះបុរសទាំងអស់បានទេថា ពួកគេជាបុរសល្អ ឬពួកគេជាបុរសមិនល្អ ដោយគ្រាន់ទេសង្កេតមើលតាមសកម្មភាពនោះទេ។ យ៉ាងណាមិញយើងក៏អាចដឹងថាគេជាមនុស្សបែបណាតាម រឿង ៦យ៉ាងនេះដែរ ៖

១. និយាយត្រង់ៗ ឬមិនចូលចិត្តនិយាយច្រើន

ភាគច្រើនគាត់ចូលចិត្តនិយាយត្រង់ៗ មិនចូលចិត្តបញ្ឆិតបញ្ឆៀងនោះទេ។ ម្យ៉ាងទៀតគាត់មានភាពស្ងៀមស្ងាត់ច្រើន ហើយក៏មិនចូលចិត្តនិយាយច្រើន ប៉ប៉ាច់ប៉ប៉ោចដែរ។

២. សម្ដីមិនសូវផ្អែម ប៉ុន្តែយកចិត្តទុកដាក់ច្រើន

ប្រហែលជាគាត់មិនសូវចេះនិយាយផ្អែមល្ហែមដូចបុរសដទៃ ប៉ុន្តែគាត់តែងតែខ្វល់ខ្វាយច្រើន ហើយមិនរឿងអីគឺគាត់ចេញមុខការពារអ្នកហើយ។ សម្ដីគាត់អាចនឹងគំរោះគំរើយបន្តិច តែចិត្តគាត់គឺល្អបំផុត។

៣. មិនសូវចេះលួងលោម ឬ Surprise អីប៉ុន្មានទេ

គាត់អាចហ្នឹងមិនចេះចេះនូវរឿងទាំងអស់ហ្នឹង ប៉ុន្តែគាត់មិនដែលភ្លេចអ្នក ឬទុកអ្នកចោលដោយគ្មានអើពើឡើយ។ ប្រហែលមកពីគាត់គ្មានបទពិសោធន៍បែបហ្នឹងកន្លងមក ទើបពេលខ្លះអ្នកតែងនិយាយថាគាត់សោះកក្រោះ មិនសូវចេះផ្អែមល្ហែមដូចគេ។

៤. ពេលខ្លះគាត់មិនសូវមានពេលថែខ្លួនប៉ុន្មានទេ

ប្រហែលពេលខ្លះគាត់មិនសូវរៀបចំខ្លួនបានស្អាតប៉ុន្មានទេពេលមកជួបអ្នក ព្រោះគាត់រវល់ច្រើន ឬគ្មានពេលទៅគិតរឿងសម្រស់នោះទេ។ ម្យ៉ាងទៀតគាត់គិតថាមនុស្សមិនសំខាន់លើសម្រស់ដូចមនុស្សស្រីនោះទេ សំខាន់បំផុតត្រូវធ្វើជាជំហរមួយដែលមនុស្សស្រីអាចពឹងពាក់បាន។

៥. គាត់សុខចិត្តលំបាកខ្លួនឯងក៏មិនចង់ឲ្យអ្នកលំបាកដែរ

រឿងខ្លះគាត់អាចធ្វើជំនួសអ្នកបាន គាត់នឹងធ្វើព្រោះតែមិនចង់ឲ្យអ្នកលំបាកឡើយ។ ឧទាហរណ៍ រឿងតូចៗ ដូចជា ទៅណាមកណាគាត់មិនចង់បណ្ដោយឲ្យអ្នកទៅម្នាក់ឯងឡើយ ឬមានរឿងអីត្រូវដោះស្រាយគាត់តែងតែតាមជួយអ្នកគ្រប់ពេល។

៦. គាត់ម៉ឺងម៉ាត់ តែចិត្តល្អ

នៅខាងក្រៅអ្នកអាចគិតថាគាត់ម៉ឺងម៉ាត់ តឹងរឹង តែខាងក្នុងរបស់គាត់វិញគឺចិត្តល្អណាស់។ ពេលខ្លះគាត់មិនចង់បង្ហាញឲ្យអ្នកឃើញទេ តែគាត់លួចធ្វើដើម្បីអ្នកជានិច្ច។ ជាក់ស្ដែងដូចជា ពេលដែលគាត់ឃើញថាកាតាបស្ពាយអ្នកដាច់ ឬចាស់ គាត់មិនមាត់ ឬប្រាប់អ្នកថាគាត់នឹងទិញឲ្យទេ តែគាត់នឹងទិញឲ្យអ្នកជាដើម។