៤ចំណុចបញ្ជាក់ថាអ្នកមិនបានស្រឡាញ់គេពិតប្រាកដទេ តែព្យាយាមបង្ខំចិត្តខ្លួនឯង
- 2017-12-12 02:07:07
- ចំនួនមតិ 0 | ចំនួនចែករំលែក 0
៤ចំណុចបញ្ជាក់ថាអ្នកមិនបានស្រឡាញ់គេពិតប្រាកដទេ តែព្យាយាមបង្ខំចិត្តខ្លួនឯង
មនុស្សស្រីម្នាក់ៗតែងតែមានបុរសក្នុងក្ដីស្រមៃរបស់ខ្លួន។ ប៉ុន្តែមិនមែនអ្នកគ្រប់គ្នាសុទ្ធតែបានជួប និងសម្រេចក្ដីប្រាថ្នាទាំងអស់នោះទេ។ ពេលខ្លះហត់នឿយនិងរង់ចាំពេក អ្នកអាចបើកបេះដូងទទួលយកមនុស្សល្អម្នាក់ជាគូស្នេហ៍ ទាំងដែលខ្លួនឯងមិនបានស្រឡាញ់គេ។ អ្នកប្រហែលគិតថា នៅជាមួយគ្នាយូរទៅ ក្ដីស្រឡាញ់នឹងកើតមានដោយឯកឯង។ ផ្ទុយស្រឡះ ប្រសិនអ្នកកំពុងជួបចំណុចទាំង៦ខាងក្រោម សូមកុំបន្តទៀតអី ព្រោះថាអ្នកកំពុងព្យាយាមខ្លាំងក្នុងការបង្ខំខ្លួនឯងឲ្យស្រឡាញ់គេ ហើយលទ្ធផលចុងក្រោមបានត្រឹមឈឺចាប់រៀងខ្លួនប៉ុណ្ណោះ៖
**១. លួចគិតថាចង់ឲ្យគាត់សុំអ្នកបែកគ្នា**
អ្នកដឹងថាគាត់មានចំណុចល្អជាច្រើន ដែលគ្រប់គ្រាន់ឲ្យអ្នកទទួលយក ប៉ុន្តែអ្នកនៅតែលួចមានក្ដីសង្ឃឹមថាអ្នកអាចចែកផ្លូវពីគាត់នៅថ្ងៃណាមួយ។ ទោះជាដឹងថាខ្លួនអាចនឹងស្ដាយក្រោយ ព្រោះប្រហែលរកមិនបានមនុស្សល្អដូចជាគាត់នៅថ្ងៃអនាគត ប៉ុន្តែខួរក្បាលអ្នកនៅតែមិនអាចយកហេតុផលទាំងនោះ មកគ្រប់គ្រងបេះដូងខ្លួនឯងបាន។
២. អ្នកឆ្ងល់ថា តើស្នេហ៍ពិតមានទេលើលោកនេះ?
អ្នកផ្សេងអាចគិតថាទំនាក់ទំនងស្នេហាអ្នក ជាគូស្នេហ៍គំរូ ពោរពេញដោយភាពផ្អែមល្ហែម និងសុភមង្គល ហើយពេលខ្លះវាជាការពិតព្រោះគាត់ស្រឡាញ់អ្នកខ្លាំង។ ប៉ុន្តែអ្នកដែលជាសាមីខ្លួនផ្ទាល់ បែរជាមិនមិនទទួលបានអារម្មណ៍បែបនោះទៅវិញ។ អ្នកកាន់តែបង្ខំខ្លួនឯង អ្នករឹតតែពិបាកខ្លាំងឡើងពីមួយថ្ងៃទៅមួយថ្ងៃ។
៣. អារម្មណ៍ប្រែប្រួលខ្លាំង
អារម្មណ៍អ្នកផ្លាស់ប្ដូរខ្លាំង សឹងតែលែងអាចគ្រប់គ្រងបាន។ ភាពធុញទ្រាំ មួម៉ៅ អផ្សុក ធ្វើអ្វីក៏មិនសប្បាយចេញពីចិត្ត កើតទុក្ខឬយំច្រើនខុសពីធម្មតា សុទ្ធតែជាលទ្ធផលនៃការបង្ខំខ្លួនឯងទាំងអស់។ ការពិតអ្នកកំពុងតែធ្វើទារុណកម្មខ្លួនឯង ដោយមិនដឹងខ្លួន។
៤. មិនចង់ធ្វើឲ្យគេឈឺចាប់ តែសុខចិត្តយកខ្លួនមកជំនួស
វាពិបាកណាស់ក្នុងការបដិសេធមនុស្សដែលស្រឡាញ់អ្នកខ្លាំង។ គាត់អាចតាមស្រឡាញ់អ្នកជាយូរ ហើយតែងតែប្រាប់អ្នកថាគាត់មិនអាចរស់នៅដោយគ្មានអ្នកបាន។ ដោយសារតែក្ដីអាណិត និងមិនចង់ឲ្យគាត់ឈឺចាប់ អ្នកទ្រាំគ្រាំគ្រាតែឯង។ ទោះជាយ៉ាងណាអ្នកត្រូវចាំថា ការអូសបន្លាយពេលវេលា រឹតតែធ្វើឲ្យអ្នកទាំងពីរឈឺចាប់លើសដើមប៉ុណ្ណោះ ៕