ទង្វើគ្មានភាពជឿជាក់ ៣ យ៉ាងរបស់មនុស្សប្រុស ធ្វើឲ្យស្រីៗរត់ចោលដោយគ្មានអាល័យ
- 2017-12-10 08:00:00
- ចំនួនមតិ 0 | ចំនួនចែករំលែក 0
ទង្វើគ្មានភាពជឿជាក់ ៣ យ៉ាងរបស់មនុស្សប្រុស ធ្វើឲ្យស្រីៗរត់ចោលដោយគ្មានអាល័យ
មនុស្សស្រីគ្រប់រូបពិតជាចង់បានមិត្តប្រុស ឬស្វាមីដែលជាបុរសដើមទ្រូងប្រាំហត្ថ រឹងមាំ ម្ចាស់ការ និងមានទំនុកចិត្តលើខ្លួនឯងគ្រប់ស្ថានការណ៍។ ពួកគេគិតថាមានតែបុរសបែបនេះទេ ទើបអាចបំពេញកង្វះខាត និងធ្វើឲ្យខ្លួនមានអារម្មណ៍ថាមានលំនឹង និងសុវត្ថិភាពពេលនៅក្បែរ។ ហេតុដូច្នេះហើយខាងក្រោមនេះជាទង្វើគ្មានភាពជឿជាក់៣យ៉ាងរបស់ប្រុសៗ ដែលធ្វើឲ្យស្រីៗភាគច្រើនពិបាកទទួលយក និងគ្មានភាពស្ទាក់ស្ទើរនឹងរត់ចោល៖
១. ហួងហែង ឬការពារជ្រុល
វាជាការពិតដែលមនុស្សស្រីតែងតែចង់ឲ្យគូស្នេហ៍ការពារ ហួងហែង ឬប្រច័ណ្ឌខ្លួន។ នេះជាទង្វើដែលស្តែងចេញពីការស្រឡាញ់ យកចិត្តទុកដាក់និងព្រួយបារម្ភខ្លាំងចំពោះគ្នា។ ប៉ុន្តែបើសូម្បីអ្នកសុំទៅជួបមិត្តភក្ដិម្នាក់ឯងក៏គាត់មិនឲ្យទៅ ឬប្រច័ណ្ឌអ្នកខ្លាំងដោយគ្មានហេតុផលសមរម្យ វាបង្ហាញថាគាត់ពិតជាខ្វះភាពជឿជាក់លើខ្លួនឯង ព្រមទាំងអ្នកខ្លាំងណាស់។
**២. គាត់ចង់ផ្លាស់ប្ដូរគ្រប់យ៉ាងរបស់អ្នក**
គ្រាន់តែក្លាយជាសង្សារនិងគ្នាភ្លាម គាត់ចង់ឲ្យអ្នកផ្លាស់ប្ដូរជាច្រើនរឿង ដូចជាមិនចង់ឲ្យផាត់មុខ ឬស្លៀកសម្លៀកបំពាក់ស្អាតៗដូចពីមុន។ គាត់អាចយកលេសនេះឬនោះមកពន្យល់អ្នក ប៉ុន្តែធាតុពិតគាត់មិនចង់ឲ្យបុរសផ្សេងមើលឃើញអ្នកល្អ ឬស្អាតទៀតឡើយ ព្រោះតែខ្លាចគេដណ្ដើមអ្នកពីគាត់។
៣. មិនសូវចូលសង្គម
គាត់មិនសូវមានមិត្តភក្ដិ ឬឧស្សាហ៍ចូលរួមកម្មវិធីជប់លៀងនានាទេ។ កន្លែងដែលគាត់ចូលចិត្តបំផុតគឺនៅផ្ទះ។ នៅពេលដែលមនុស្សម្នាក់មិនសូវមានទំនាក់ទំនងក្នុងសង្គម នោះគាត់ក៏ជាមនុស្សដែលគ្មានភាពជឿជាក់លើជីវិតខ្លួនឯងផងដែរ៕
ចុចអាន៖ហេតុផល ៥យ៉ាងដែលធ្វើឲ្យនារីពិបាកនឹងរកបុរសល្អបានក្នុងសម័យនេះ