អ្នកឧស្សាហ៍ខ្វះឈាមគួរញ៉ាំអាហារទាំងនេះ

2017-12-08 08:21:20
ចំនួនមតិ 0 | ចំនួនចែករំលែក 0

អ្នកខ្វះឈាមតែងមានអាការ នឿយហត់អស់កម្លាំង, វិលមុខ, ស្បែកមានសភាពស្លេកស្លាំង, បេះដូងលោតញាប់ខុសចង្វាក់, ដង្ហក់, ឈឺទ្រូង និងត្រជាក់ចុងដៃចុងជើងអីជាដើម។ ជំងឺខ្វះឈាមបណ្ដាលមកពីកត្តាផ្សេងៗដូចជា ការហូរឈាមច្រើន, ការបាត់បង់ឬខ្វះកោសិកាឈាមក្រហម, ការតមអាហារ, ផ្លាស់ប្ដូរអ័រម៉ូន, ការកំពុងតែព្យាបាលជំងឺផ្សេងៗ ឬ កំពុងតែមានផ្ទៃពោះអីជាដើម។

ចំណែកឯការព្យាបាលវិញគឺត្រូវធ្វើយ៉ាងណាជួយទំនុកបម្រុង កោសិកាឲ្យផលិតឈាមមកបំពេញឲ្យបានគ្រប់គ្រាន់វិញ។ ការញ៉ាំអាហារ បន្លែសាច់ទាំងប៉ុន្មានមុខខាងក្រោមនេះអាចជំរុញដល់ការផលិតគ្រាប់ឈាមក្រហមឡើងវិញបាន៖

១. អាហារមានជាតិដែកខ្ពស់ដូចជា៖ សាច់គោ, ថ្លើមសត្វ, ល្ពៅ, គ្រាប់ធញ្ញជាតិ, បន្លែបៃតងរួមមានស្ពៃ, ផ្ទី និងដើមខាត់ណា, ត្រកួន, ស៊ុតក្រហម និងសូកូឡា។

២. ញ៉ាំងគ្រឿងផ្អាប់ ឬ ជ្រក់ ដូចជាជ្រក់បន្លែគ្រប់មុខ ជ្រក់ត្រសក់ ជ្រក់ឆៃថាវ ឬគីមឈីជាដើម។ ព្រោះពពួកគ្រឿងផ្អាប់ប្រភេទនេះសំបូរទៅដោយវីតាមីន បេ១២ និងជាតិដែក ហើយក៏ជួយពង្រឹងប្រព័ន្ធ ការពារនិងបង្កើនឈាមក្រហម។