មនុស្សអត់ប្រយោជន៍ ៥ប្រភេទដែលអ្នកគួរកុំយកភ្នែកមើល

2017-12-08 05:36:00
ចំនួនមតិ 0 | ចំនួនចែករំលែក 0

មនុស្សមួយចំនួនគឺកើតមកនាំតែចង្អៀតផែនដីតែម្ដង ពួកគេគ្មានចេះអីក្រៅតែអង្គុយចាំចាប់កំហុស ចាំតែនិយាយមិនល្អពីអ្នកដទៃជាដើម។ បើសិនជាអ្នកបានជួបមនុស្សប៉ុន្មានប្រភេទខាងក្រោមនេះ គួរតែកុំយកភ្នែកមើលអីល្អជា ព្រោះវាគ្មានបានផ្ដល់ផលល្អអីដល់អ្នកនោះទេ ៖

១. អ្នកដែលពូកែនិយាយដើមគេ

មនុស្សប្រភេទនេះគ្មានបានសាច់ការអីទេ ក្រៅតែពីចាំនិយាយមិនល្អពីគេ ហើយធ្វើខ្លួនដូចខ្លួនឯងហ្នឹងល្អណាស់អីចឹង។ ត្រូវចាំថាមនុស្សបែបនេះគឺនិយាយដើមគ្នាវិលជុំ ហើយបើអាចកុំជ្រលក់មាត់ជាមួយគេកាន់តែល្អ ព្រោះគេគ្មានបានជួយចម្រើនអ្នកឡើយ។

២. មនុស្សចូលចិត្តតែបញ្ជាគេ

ជាមនុស្សចង់បានចង់ល្អ តែមិនចង់ធ្វើខ្លួនឯង ឲ្យតែគេធ្វើឲ្យ។ បញ្ជានេះ បញ្ជានោះទាំងគ្មានគិតពីអារម្មណ៏មនុស្សជុំវិញខ្លួន។ បើអ្នកជួបមនុស្សប្រភេទនេះគួរតែដើរចេញឲ្យឆ្ងាយទៅ ព្រោះបើគេមើលឃើញថាអ្នកអាចឲ្យគេប្រើអីបាន គេនឹងប្រើអ្នក បញ្ជាអ្នក មិនមែនជួយអ្នកនោះទេ។

៣. មនុស្សដែលចូលចិត្តវាយតម្លៃអ្នកផ្សេង

ពួកគេជាមនុស្សដែលចូលចិត្តវាយតម្លៃអ្នកដទៃខ្លាំងណាស់។ ពួកគេចាំតែវាយតម្លៃអ្នកផ្សេងទាំងមិនបានមើលពីខ្លួនឯង ពេលខ្លះមិនទាន់ស្គាល់ មិនទាន់ដឹងរឿងហ្នឹងច្បាស់ទេ តែពួកគេបានគិតរួចទៅហើយថារឿងហ្នឹងបែបនេះ ម្នាក់ហ្នឹងបែបនោះ ទាំងគ្មានការពិចារណា។

៤. មនុស្សចូលចិត្តនិយាយពន្លើស

រឿងប៉ុនកូនដៃទេ តែមនុស្សប្រភេទនេះអាចបំប៉ោងទៅដល់ប៉ុនកដៃ។ មនុស្សប្រភេទនេះឲ្យតែដឹងរឿងតិចតួចគេធ្វើឲ្យគេចេះខ្លាំងណាស់អីចឹង និយាយហូរហែវែងជាងផ្លូវទៅទៀត។

៥. មនុស្សដែលពូកែសម្ដែង

គេពូកែសម្ដែងណាស់ តួកំសត់ក៏ចេះ តួឈ្នានីសក៏ចេះ តួចិត្តល្អក៏គេចេះនិយាយអាចធ្វើតារាសម្ដែងបាន។ មនុស្សប្រភេទនេះគឺលាក់ពុតត្បុត និងល្បិចកលច្រើនណាស់។ គេអាចធ្វើជាតួកំសត់ឲ្យអ្នកទន់ចិត្តអាណិតគេ ហើយបន្ទាប់មកទៀតគេក៏អាចចាក់រុកអ្នកពីក្រោយខ្នងក៏ថាបាន។