រឿងខ្មាសអៀនដែលកើតតែចំពោះស្រីៗប៉ុណ្ណោះ ហើយប្រុសៗគ្មានថ្ងៃយល់ឡើយ
- 2017-12-07 03:25:20
- ចំនួនមតិ 0 | ចំនួនចែករំលែក 0
រឿងខ្មាសអៀនដែលកើតតែចំពោះស្រីៗប៉ុណ្ណោះ ហើយប្រុសៗគ្មានថ្ងៃយល់ឡើយ
កើតមកជាមនុស្សស្រីទោះស្ថិតក្នុងស្ថានភាពណាក៏ដោយក៏នៅតែពិបាកជាងមនុស្សប្រុសដែរ តួយ៉ាងដូចជាដេកដើរអង្គុយ ឬញ៉ាំអាហារជាដើម គឺថាត្រូវប្រយ័ត្នប្រយែងរៀបឫកពា ដើម្បីកុំឲ្យអ្នកផងមើលមកមិនសមរម្យ។ ទាំងនេះគឺជាបញ្ហាដែលមានតែស្រីៗទេដែលយល់អារម្មណ៍ហ្នឹង៖
១. ដែលទេពេលខាំនំស្រួយៗ ហើយធ្លាក់កម្ទេច ចូលក្នុងអាវ (អាវក្នុង) តែមិនហ៊ានលូកដៃយកចេញទេព្រោះនៅពីមុខហ្នឹងមនុស្សអ៊ូអរពេក។
២. មករដូវចំតែពេលជាប់រវល់ ដូចជាទៅញ៉ាំការ ឬពេលមានដំណើរកម្សាន្តឆ្ងាយជារបៀបក្រុមហ៊ុន ឬវិស្សមកាលជុំមិត្តភក្តិអីជាដើម។
៣. ពេលទៅសមុទ្រ មិត្តភ័ក្ដិប្រុសៗ ហៅហែលទឹក បានត្រឹមបដិសេធ តែប្រាប់ហេតុផលមិនបាន ព្រោះវាកំពុងតែមានសង្គ្រាមបង្ហូរឈាម នៅបរិវេណខាងក្រោម។
៤. ពេលមិត្តភ័ក្ដិប្រុសៗសួរថា ហេមប៊ឺហ្គើសំដៅលើអ្វី។
៥. ពេលទៅផ្សារចង់ទិញអាវទ្រនាប់ តែគ្មានកន្លែងល ហើយមិនហ៊ានសូម្បីលដាក់ពីលើអាវ។
៦. ពេលចង់ទិញសំឡីអនាម័យតែ អ្នកលក់ជាមនុស្សប្រុស។
៧. ពេលឈឺពោះមករដូវ តែប្រាប់បងប្អូនប្រុសមិនបាន បានត្រឹមឲ្យជួយទៅទិញថ្នាំបំបាត់ភាពឈឺចាប់ពីឱសថស្ថានយកមកឲ្យ។
៨. ពេលរត់ឬដើរលឿនៗ គឺថាភ្នំទាំងទ្វេ ប្រលែងគ្នាលោតចុះលោតឡើងតាមសង្វាក់នៃដំណើរជើង។
៩. មួម៉ៅ មិនខ្លាចអ្នកណាទាំងអស់ពេលជិតដល់ថ្ងៃ ម្ដាយមីងមកលេង។
១០. អារម្មណ៍ ពេលមកដល់ផ្ទះហើយដោះអាវទ្រនាប់ចេញ គឺថា មានសេរីភាពវិញហើយ!!!
១១. ខំលាបក្រែមក្រហម តែប្រឡាក់ជាប់ធ្មេញ ធ្វើការញញឹមដាក់គេពេញមួយថ្ងៃ ដល់ពេលមកដល់ផ្ទះទើបឃើញ។
១២. ពេលធ្វើដំណើរឆ្ងាយ ហើយត្រូវឈឺបត់ជើងតូចកណ្ដាលផ្លូវ ហើយគ្មានបន្ទប់ទឹក គឺថាត្រូវដើរចូលព្រៃឲ្យត្រែងចាក់គូទ។
១៣. ទៅដើរលេងតែមួយយប់ទេ តែដាក់ខោអាវទៅដូចរត់ចេញពីផ្ទះ។
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
