Jun Jihyun ទៅដើរលេងជាមួយប្ដីនៅហុងកុងមុនថ្ងៃឆ្លងទន្លេ
- 2017-12-05 03:54:07
- ចំនួនមតិ 0 | ចំនួនចែករំលែក 0
Jun Jihyun ទៅដើរលេងជាមួយប្ដីនៅហុងកុងមុនថ្ងៃឆ្លងទន្លេ
មុនថ្ងៃសម្រាលកូនទី២ តារាសម្ដែងស្រីល្បីឈ្មោះកូរ៉េ Jun Jihyun ត្រូវបានស្វាមីនាំដើរលេងនៅទីក្រុងហុងកុង។
កាលពីថ្ងៃទី៣ខែធ្នូកន្លងទៅនេះ រូបភាពថ្មីបំផុតរបស់តារាសម្ដែងជួរមុខ Jun Jihyun ត្រូវបានគេបង្ហោះលើបណ្ដាញសង្គមយ៉ាងព្រោងព្រាត។ នៅក្នុងរូបទាំងនោះ គេសង្កេតឃើញតួរឿង "The Legend of the Blue Sea” ដឹកដៃជាមួយស្វាមី នៅក្នុងផ្សារទំនើប Landmark នៅទីក្រុងហុងកុង។
ដោយសារតែកំពុងពពោះក្នុងខែចុងក្រោយ ស្រីស្អាតវ័យ៣៦ឆ្នាំមើលទៅមាឌធំជាងមុនច្រើន និងដំណើរមើលទៅរាងធ្ងន់បន្តិច។ ដោយហេតុផលថានឹងត្រូវឆ្លងទន្លេក្នុងខែមករាខាងមុខហើយ ទើបប្ដីរបស់តារាលំដាប់ A រូបនេះឆ្លៀតនាំនាងដើរលេងសិន៕