ព្យាបាលដៃប្រេះក្រហែងដោយសាកល្បងវិធីងាយៗនេះ

2017-12-04 09:05:19
ចំនួនមតិ 0 | ចំនួនចែករំលែក 0

វាជារឿងធម្មតាទេដែលស្បែកត្រង់ដៃប្រេះបែកក្រហែង គឺវាបណ្ដាលមកពីការធ្វេសប្រហែសរបស់អ្នកក្នុងការធ្វើកិច្ចការក្នុងផ្ទះ ដូចជាអត់ពាក់ស្រោមដៃ ធ្វើឲ្យស្បែកប៉ះផ្ទាល់នឹងសាប៊ូជាដើម។ ម្យ៉ាងវិញទៀត ក្នុងខែត្រជាក់ធ្លាក់ខ្យល់ដូចនេះ ឆាប់ធ្វើឲ្យស្បែកក្រៀមរបកណាស់ ដូច្នេះអ្នកគួរថែរក្សា និងព្យាបាលអាការទាំងនេះដូចខាងក្រោម៖

១. ក្រែមរក្សាសំណើម

ប្រើក្រែមរក្សាសំណើមនៅស្បែកដៃ ២-៣ ដងក្នុងមួយថ្ងៃ ដើម្បីឲ្យស្បែកមានសំណើម ហើយឈប់ប្រេះ។ អាចប្រើក្រែមរក្សាសំណើមជាប្រភេទ សម្រាប់លាបដៃតែម្ដងដើម្បីបានប្រសិទ្ធភាពខ្ពស់។

២. ចាំបាច់ត្រូវពាក់ស្រោមដៃរាល់ពេលប៉ះនឹងសាប៊ូ

អ្នកគួរប្រើស្រោមដៃពេល បោកខោអាវ ឬលាងចានជាដើម។ ធ្វើបែបនេះទើបដៃចៀសផុតពីការត្រូវសាប៊ូដែលធ្វើឲ្យស្បែកស្ងួតប្រេះបែក។

៣.អប់ដៃឲ្យទន់ពេលគេង

ពេលយប់ឡើងមុនចូលគេងអ្នកគួរតែលាបក្រែមរក្សាសំណើមស្បែកដៃ រួចពាក់ស្រោមដៃឬរុំក្រណាត់ទន់ៗធ្វើយ៉ាងណាឲ្យហប់រួចទុកមួយយប់ ពេលព្រឹកឡើងសឹមដោះចេញ អ្នកនឹងមានអារម្មណ៍ថា ស្នាមប្រេះលើដៃបានកាត់បន្ថយ ហើយស្បែកទន់ជាងមុន។

៤. ករណីស្ងួតខ្លាំងប្រេះចេញឈាម

ក្នុងករណីស្បែកស្ងួតខ្លាំង ធ្វើឲ្យប្រេះមានចេញឈាមផងនោះវាប្រហែលអាចជាអាការប្រតិកម្ម អ្នកគួរសាកល្បងប្រើក្រែមឬឡេលាបខ្លួន ដែលមានផ្ទុកសារជាតិ hydrocortisone វានឹងជួយធ្វើឲ្យអ្នកឆាប់ជាសះស្បើយ។

៥. ពិគ្រោះជាមួយពេទ្យសើស្បែក

បើវិធីទាំង៤ខាងលើមិនផលសោះ ដូច្នេះវាជាពេលដែលអ្នកគួរទៅជួបគ្រូពេទ្យផ្នែកសើស្បែក ព្រោះជួនកាលអាការអ្នកត្រូវការការថែទាំលើសពីនេះ ៕

ប្រភព៖ healthline ប្រែសម្រួល៖ Pencharm