ទម្លាប់គេងទាំង ១២ ដែលគ្រោះថ្នាក់ដល់ជីវិត អ្នកគួរតែជៀសវាងឲ្យបាន
- 2017-12-04 06:00:00
- ចំនួនមតិ 0 | ចំនួនចែករំលែក 0
ទម្លាប់គេងទាំង ១២ ដែលគ្រោះថ្នាក់ដល់ជីវិត អ្នកគួរតែជៀសវាងឲ្យបាន
បើពិនិត្យឲ្យដិតដល់ទៅ ទើបដឹងថាទម្លាប់គេងមួយចំនួនរបស់មនុស្សខ្លះ អាចបង្កគ្រោះថ្នាក់ដល់អាយុជីវិត។ ដូចនេះ កញ្ញា នឹងបង្ហាញពីរបៀបគេងទាំង ១២ ដែលមានគ្រោះថ្នាក់ ហើយអ្នកទាំងអស់គ្នាគួរតែជៀសវាងឲ្យបាន៖
១.កុំចូលគេងទាំងបាតជើងត្រជាក់ស្រេប ព្រោះរាងកាយអ្នកនឹងខ្វះកម្ដៅ។ គួរតែផ្ដល់ភាពកក់ក្ដៅដល់ជើងមុនពេលចូលគេង ឬពាក់ស្រោមជើងចូលគេងតែម្ដង។
២.គ្មានទម្លាប់រៀបចំកន្លែងគេងជាមុន។ បែបនេះអាចធ្វើឲ្យការគេងមិនបានស្កប់ស្កល់ ឬពេលខ្លះអាចមានសត្វល្អិតសម្ងំក្នុងភួយខ្នើយក៏មាន។
៣.ជៀសវាងផឹកកាហ្វេ ៤ ម៉ោងមុនពេលចូលគេង ព្រោះជាតិកាហ្វេអ៊ីនគឺអាក្រក់ខ្លាំងណាស់ ហើយធ្វើឲ្យអ្នកមិនងងុយគេង ឬគេងភ្ញាក់ៗ។
៤.គួរគេងផ្អៀងទៅខាងឆ្វេង ជៀសវាងការដេកទៅផ្នែកខាងស្ដាំ ហើយអ្នកជំនាញក៏ណែនាំឲ្យដេកបែរទៅខាងឆ្វេងដែរ ព្រោះជាទីតាំងប្រសើរសម្រាប់រាងកាយសម្រាក។
៥.កុំទុកឧបករណ៍អេឡិចត្រូនិកជិតគ្រែ ព្រោះពេលរបស់របរទាំងនោះនៅឆ្ងាយពីគ្រែអាចជួយឲ្យអ្នកគេងលង់លក់បានស្រួល។ តែពេលវានៅជិតអាចមានឥទ្ធិពលអវិជ្ជមានខ្លាំង ពីព្រោះពន្លឺចេញពីអេក្រង់ធ្វើឲ្យខួរក្បាលមិនអាចដេកលក់។
៦.អានសៀវភៅ ជាវិធីដ៏ល្អ ដើម្បីឲ្យឆាប់ងងុយគេង។
៧.ជៀសវាងនាឡិការោទ៍ ព្រោះពន្លឺឬអ្វីដែលស្រដៀងនឹងនេះអាចទាញកន្ត្រាក់អ្នកពីដំណេក ហើយរំខានការគេងរបស់អ្នក និងក្រោកឡើងដោយគ្មានកម្លាំង។
៨.កុំផឹកទឹកមួយម៉ោងមុនពេលចូលគេង ព្រោះទឹកនឹងធ្វើឲ្យអ្នកងាកក្រាកទៅបន្ទប់ទឹកញឹកញាប់ ហើយវានឹងរំខានការគេងរបស់អ្នក។
៩.ចៀសវាងការគេងថ្ងៃ ព្រោះវានឹងធ្វើឲ្យអ្នកពិបាកក្នុងការចូលគេងពេលយប់។
១០.កុំដេកនៅលើពូកដែលមានគុណភាពទាប តែគួរជ្រើសរើសពូកមានគុណភាពល្អ ដែលធ្វើឲ្យការគេងក៏លក់បានល្អ។ ជាពិសេសពេលក្រាកឡើង ពោរពេញដោយថាមពល។
១១.កុំបរិភោគ ២ ម៉ោងមុនពេលចូលគេង។ នៅពេលដែលអ្នកគេងជាមួយក្រពះពេញដោយអាហារនឹងមិនដេកលក់ឆាប់រហ័សទេ ព្រោះដំណើរការរំលាយអាហារធ្វើឲ្យរាងកាយភ្ញាក់ពីដំណេក។
១២.ជៀសវាងការហាត់ប្រាណ ៣ ម៉ោងមុនពេលចូលគេង៕
ចុចអាន៖បន្ថយអាការឈឺធ្មេញដោយគ្រឿងផ្សំងាយៗអាចរកនៅផ្ទះបាន