ចង់ឲ្យឪពុកម្ដាយគ្រប់គ្នាចំណាយពេលអានត្រឹម ២នាទីដើម្បី “កូន”

2017-12-01 07:33:03
ចំនួនមតិ 0 | ចំនួនចែករំលែក 0

កុំ “ព្យាយាម” កែច្នៃកូនខ្លួនឯងឲ្យដូចកូនអ្នកដទៃ

កុំ “គូសគំនូស” ឲ្យកូនដើរតាមកូនអ្នកដទៃ

កុំ “តាំងគោលដៅ” ឲ្យកូនអាជីពដូចអ្នកដទៃ

កុំ “បង្ខំ” ឲ្យកូនខ្លួនឯងធ្វើជាអ្នកដទៃ

ក្មេងគ្រប់គ្នាមាន “ចំណុចពិសេស” ឬ "ទេពកោសល្យពិសេស" ជាប់តាមខ្លួនទាំងអស់ ហើយ “ចំណុចពិសេស” ទាំងនោះក៏មិនមែនដូចគ្នាទាំងអស់ដែរ។ យើងជាឪពុកម្ដាយមានតួនាទីត្រឹមតែចាំមើល និងជួយស្វែងរក “ចំណុចពិសេស” ក្នុងខ្លួនរបស់កូនឲ្យឃើញ រួចហើយជ្រោមជ្រែងឲ្យគេអភិវឌ្ឍ “ចំណុចពិសេស” នោះ។

កុំព្យាយាមដាក់សម្ពាធឲ្យកូនធ្វើឲ្យដូចគ្នាជាមួយអ្នកដទៃ ឃើញកូនគេរៀនអ្វី ក៏ព្យាយាមរុញកូនឲ្យរៀនដែរ ឃើញកូនគេធ្វើបែបនេះល្អ ក៏ជំរុញឲ្យកូនធ្វើដូចគេដែរ។ ទាំងអស់នេះមិនមែនជាការស្វែងរក “ចំណុចពិសេស” ក្នុងខ្លួនកូននោះទេ ប៉ុន្តែប្រៀបដូចជាយើងកំពុង “លុបបំបាត់ចំណុចពិសេស” និងទាញអ្វីផ្សេងដែលដូចចិត្តយើងមកជំនួសវិញ។

រូបតំណាង

កូនយើង មិនចាំបាច់ឲ្យដូចកូនអ្នកណាក៏បាន

កូនយើង មិនបាច់ពូកែស្មើកូនអ្នកណាក៏បាន

កូនយើង មិនបាច់គិតដូចកូនអ្នកណាក៏បាន

កូនយើង មិនបាច់មានគោលដៅដូចគ្នានឹងកូនរបស់អ្នកណាក៏បាន

ឬមិនចាំបាច់ដូចសូម្បីយើងជាឪពុកម្ដាយក៏បាន

សូមឲ្យតែគេបានក្លាយជាអ្វីដែលគេចង់ តាមចិត្តថ្លើមរបស់គេ និងស្ថិតក្នុងព្រំដែនត្រឹមត្រូវក្នុងសង្គមគ្រប់គ្រាន់ហើយ។

ព្រោះយើងគឺជាអ្នកផ្ដល់ជីវិតឲ្យកូន ប៉ុន្តែមិនមែនជាម្ចាស់គ្រប់គ្រងជីវិតរបស់កូនទេ។ យើងមានតួនាទីទំនុកបម្រុង មិនមែនយកខ្សែមកចងកូនហើយចាប់ទាញឲ្យកូនដើរឡើយ។ សូមប្រាប់ផ្លូវឲ្យគេដើរ ប៉ុន្តែកុំ “បញ្ជាឲ្យគេដើរ”។

ចាប់ផ្ដើមរកមើល “ចំណុចពិសេស” ក្នុងខ្លួនរបស់កូនល្អជាង។ ឈប់រកមើល “ចំណុចពិសេស” ក្នុងខ្លួនកូនរបស់អ្នកដទៃ ហើយព្យាយាមនាំអ្វីទាំងអស់នោះមកដាក់បញ្ចូលក្នុងខ្លួនកូនគ្រប់យ៉ាងដើម្បីឲ្យកូនដូចកូនអ្នកដទៃ។

ជីវិតក្មេងនឹងស្រស់បំព្រងជានិច្ច... បើគេបានញញឹមដោយមានក្ដីសុខ ៕

ចុចអាន៖

ប្រភព៖ chonburipost ប្រែសម្រួល៖ ស្វាយ វ៉ាន់ថន