៦ យ៉ាងធ្វើឲ្យមនុស្សស្រីរឹងមាំជោគជ័យការងារ តែច្រើនបរាជ័យរឿងស្នេហាទៅវិញ
- 2017-12-01 08:30:00
- ចំនួនមតិ 0 | ចំនួនចែករំលែក 0
៦ យ៉ាងធ្វើឲ្យមនុស្សស្រីរឹងមាំជោគជ័យការងារ តែច្រើនបរាជ័យរឿងស្នេហាទៅវិញ
មនុស្សស្រីដែលមានភាពរឹងមាំ ភាគច្រើនគេអាចសម្រេចការងារបានជោគជ័យ។ តែសម្រាប់រឿងស្នេហាវិញ ស្ត្រីបែបនេះច្រើនទទួលរងភាពបរាជ័យយ៉ាងអាម៉ាស់ទៅវិញ។ កញ្ញា នឹងបង្ហាញពីហេតុផល ៥ យ៉ាងខាងក្រោមដែលនាំឲ្យអ្នករឹងមាំជោគជ័យរឿងការងារ តែច្រើនបរាជ័យរឿងស្នេហា៖
១.ដឹងពីខ្លួនឯងច្បាស់៖ ស្ត្រីរឹងមាំម្នាក់គឺជាមនុស្សម្នាក់ដែលយល់ពីតម្លៃខ្លួនឯង ដឹងពីភាពកោតសរសើរ ស្គាល់ពីសមត្ថភាពរបស់នាងខ្លួនឯងហើយ។ ព្រោះតែបែបនេះហើយទើបបុរសមិនចូលចិត្តតួនាទីរបស់នាង ដូចនេះហើយធ្វើឲ្យនាងមិនខ្ចីទៅទ្រ ឬតាមយល់ចិត្តបុរស។
២.បុរសមានអារម្មណ៍ថាត្រូវបានគេគ្របដណ្ដប់៖ ព្រោះពិតណាស់នាងរឹងមាំ ហើយក៏រឹងរូសថែមទៀតផង។ ជាពិសេសមនុស្សស្រីបែបនេះមិនព្រមបង្ហាញអារម្មណ៍ទន់ខ្សោយឲ្យបុរសឃើញ ដើម្បីហុចដៃទៅជួយឡើយ ព្រោះស្ត្រីប្រភេទនេះគិតថាការពឹងផ្អែកលើបុរសគឺជារឿងគួរឲ្យអាម៉ាស់។ ផ្ទុយទៅវិញនាងនឹងដឹងពីរបៀបទ្រទ្រង់ខ្លួនឯង ដោយមិនចង់ពឹងផ្អែកលើជំនួយរបស់បុរសឡើយ។ នោះហើយជាមូលហេតុដែលបុរសតែងមានអារម្មណ៍មិនសូវល្អ នៅពេលពួកគេស្រលាញ់ស្រីខ្លាំង។
៣.មិនត្រូវការបុរស៖ មិនដូចស្ត្រីដទៃទៀតឡើយ ស្ត្រីខ្លាំងមិនងាយជឿទុកចិត្តលើបុរសទេ ហើយក៏មិនអនុញ្ញាតឲ្យពួកគេពឹងផ្អែកលើបុរសនោះទេ។ ដោយសារនាងតែងតែប្រុងប្រយ័ត្នមិនបានដាក់ការរំពឹងទុកខ្ពស់ពេក ហើយក៏មិនបន្ទាបការប្រុងប្រយ័ត្នរបស់ខ្លួន ទើបមនុស្សប្រុសមិនហ៊ានចូលមកក្បែរ។
៤.តែងតែរៀបចំជីវិត ដោយមិនសួរនាំអ្នកដទៃ៖ នេះជារឿងដែលបុរសទទួលយកមិនបានឡើយ ព្រោះការសម្រេចចិត្តតែឯង ប្រៀបដូចជាទុកដៃគូជាមនុស្សមិនដឹងអី។ ទង្វើបែបនេះហើយបានជារឿយៗធ្វើឲ្យមនុស្សប្រុសអស់ចិត្ត។
៥.ពុះពារតែឯង៖ ជីវិតគូ គឺតែងធ្វើអ្វីជាមួយគ្នា តែបើអ្នកចចេសរឹងរូសធ្វើអ្វីមួយដោយខ្លួនឯង ដោយមិនឲ្យគេចូលរួមដែរនោះ ច្បាស់ណាស់ថានឹងគ្មានសុភមង្គល។
៦.មិនចេះខ្លាចចិត្តអ្នកដទៃ៖ នៅពេលមិនពេញចិត្តអ្វីមួយហើយនោះ «No» ជាឃ្លាដាច់អហង្ការប្រហារចិត្តបុរសឲ្យក្រៀមស្រពោន។ ការនិយាយមិនចេះខ្លាចចិត្តអ្នកដទៃបែបនេះហើយ ទើបមនុស្សប្រុសមិនអាចចុះសម្រុងបាន៕
ចុចអាន៖ប្ដូរខ្លួនឯងឲ្យរឹងមាំដូចមនុស្សប្រុស តាមវិធីទាំង ៤ នេះ