ប្ដូរខ្លួនឯងឲ្យរឹងមាំដូចមនុស្សប្រុស តាមវិធីទាំង ៤ នេះ

2017-11-29 04:56:22
ចំនួនមតិ 0 | ចំនួនចែករំលែក 0

មិនថាកម្លាំងកាយចិត្តទេ ស្រីៗគឺមិនសូវមានខ្លាំងក្លាដូចបុរស តែស្រីៗក៏មិនគួរធ្វើខ្លួនឲ្យទន់ជ្រាយដែរ។ ដូចនេះបើចង់ក្លាយជាមនុស្សស្រីដែលមានភាពរឹងមាំដូច បុរសគួរធ្វើតាមវិធីទាំងនេះតាម កញ្ញា ៖

១.ព្យាយាមធ្វើអ្វីដោយខ្លួនឯង៖ ត្រូវចាំថាការងារជារបស់យើង ដូចនេះមិនគួរពឹងពាក់លើការជួយរបស់គេគ្រប់ពេលទេ។ ព្រោះការដែលទទួលជំនួយច្រើនពេក ក្នុងភ្នែកអ្នកដទៃយើងត្រឹមជាមនុស្សម្នាក់គ្មានសមត្ថភាពគ្រប់គ្រាន់ មិនអាចកាន់កាប់ការងារធំដុំបានឡើយ។

២.កុំរអ៊ូ៖ ទោះជាការងារនោះលំបាកយ៉ាងណាក៏ដោយ ក៏គួរធ្វើវាដោយភាពស្ងៀមស្ងាត់។ ព្រោះភាពស្ងប់ស្ងាត់ធ្វើឲ្យអ្នកមានអាទិភាពខ្ពស់ជាងអ្នកដទៃ ហើយគេក៏មិនហ៊ាននិយាយមើលងាយពីលទ្ធផលដែលទទួលបានដែរ ទោះមិនសូវជាល្អ។

រូបតំណាង

**៣.តស៊ូ**៖ ការងារដែលធ្វើតែឯង ដោយគ្មានជំនួយពីអ្នកដទៃពិតជាពិបាកណាស់។ តែយ៉ាងណាអ្នកត្រូវតែតស៊ូទៅមុខកុំចុះចាញ់ឲ្យសោះ នោះពេលធ្វើរួចអ្នកនឹងក្លាយជាមនុស្សដ៏រឹងមាំម្នាក់ ព្រោះបានឆ្លងកាត់ការលំបាកជាច្រើនតែឯង។

៤.កុំយំ៖ មនុស្សស្រីឲ្យតែជួបការលំបាកតែងតែយំ ដើម្បីបន្ធូរអារម្មណ៍តានតឹងក្នុងខ្លួនចេញមក។ តែអ្នកត្រូវចាំទុកថាគ្មានរឿងអ្វីដែលស្រួលសម្រាប់មនុស្សទៅធ្វើទេ មិនថាប្រុស ឬស្រីតែងជួបការលំបាកផ្សេងគ្នា ដូចនេះបើយំអ្នកនឹងនៅតែជាមនុស្សទន់ជ្រាយ មិនងាយធំដដែល៕

ចុចអាន៖រឿង ៤យ៉ាង ដែលមនុស្សចង់ផ្លាស់ប្តូរក្នុងជីវិតប៉ុន្តែមិនអាចទៅរួច

អត្ថបទ៖ ទ្រី រ៉ាវី