ជិតដល់ថ្ងៃពិសេសផង បើស្រាប់តែឡើងគ្រាប់បែកពេញមុខអ៊ីចឹងគួរធ្វើម៉េចទៅ?
- 2017-11-27 08:10:39
- ចំនួនមតិ 0 | ចំនួនចែករំលែក 0
ជិតដល់ថ្ងៃពិសេសផង បើស្រាប់តែឡើងគ្រាប់បែកពេញមុខអ៊ីចឹងគួរធ្វើម៉េចទៅ?
ជាឧបសគ្គមួយដ៏ធំសម្រាប់មនុស្សស្រីគ្រប់រូប ដែលត្រៀមបង្ហាញភាពស្រស់ស្អាតរបស់ខ្លួនក្នុងថ្ងៃពិសេសណាមួយ ប៉ុន្តែបែរជាធ្លាក់សម្រស់ដោយសារគ្រាប់បែករាតត្បាតនៅលើផ្ទៃមុខទៅវិញ។ កុំបារម្ភ កញ្ញា សូមណែនាំនូវវិធីកម្ចាត់មុនទាំង ៣ យ៉ាងដែលជួយអ្នកឱ្យស្រស់ស្អាតឡើងវិញក្នុងរយៈពេលដ៏ខ្លី៖
១. ទឹកក្តៅ៖ យកកន្សែងពោះគោជ្រលក់ក្នុងទឹកក្តៅ ហើយយកមកស្អំត្រង់កន្លែងដែលឡើងមុន ៣០ នាទី។ វាជួយឱ្យរន្ធញើសរបស់អ្នកបើក ហើយធ្វើឱ្យមុនឆាប់ចេញគ្រាប់និងខ្ទុះ។ ក្រោយស្អំជាមួយទឹកក្តៅហើយ ត្រូវយកក្រដាសសើម ឬកំណាត់ទន់ៗជូតត្រង់កន្លែងក្បាលមុននោះចេញ។
**២. ដុំទឹកកក៖** យកដុំទឹកកកតូចមួយមកឈ្លីកន្លែងដែលកើតមុនពី ៥ ទៅ ១០ នាទី។ អ្នកគួរអនុវត្តវិធីនេះមុនពេលចូលគេង ព្រោះវាជួយកាត់បន្ថយការស្នាមក្រហម និងការរីកធំឡើងនៃគ្រាប់មុន ហើយអ្នកនឹងសង្កេតឃើញភាពខុសគ្នាក្រោយពេលភ្ញាក់ពីគេង។
៣. ថ្នាំដុសធ្មេញ៖ ច្របាច់ថ្នាំដុសធ្មេញលើកន្លែងដែលកើតមុន ហើយឈ្លីរហូតដល់វាស្ងួតប្រហែលជា ១៥ នាទី បន្ទាប់មកលាងមុខចេញជាមួយទឹកត្រជាក់។
បញ្ជាក់៖ វិធីទាំង ៣ យ៉ាងខាងលើនេះមានប្រសិទ្ធភាពចំពោះតែប្រភេទមុនធំៗប៉ុណ្ណោះ៕
ចុចអាន៖កំហុសឆ្គងទាំងឡាយ ដែលធ្វើឲ្យអ្នកកើតមុន ព្យាបាលមិនជា