សកម្មភាពសាមញ្ញៗ ដែលមនុស្សស្រីដ៏ល្អ និងរឹងមាំម្នាក់ធ្វើជាប្រចាំ

2017-11-26 04:39:55
ចំនួនមតិ 0 | ចំនួនចែករំលែក 0

ពេលខ្លះសកម្មភាពសាមញ្ញៗមួយចំនួនក៏អាចឲ្យយើងក្លាយទៅជាមនុស្សស្រីដែលល្អម្នាក់ដែរ មិនចាំបាច់ទាល់តែត្រូវធ្វើរឿងដែលអស្ចារ្យនោះទេ។ ទាំងនេះជារឿងដែលមនុស្សស្រីដ៏ខ្លាំង និងរឹងមាំម្នាក់ធ្វើជាប្រចាំសម្រាប់ជីវិតរបស់ពួកគេ៖

១. ចម្អិនអាហារ និងញ៉ាំអាហារពេលព្រឹក

គាត់តែងតែគិតពីសុខភាពខ្លួនឯង ដូច្នេះគាត់មិនដែលរំលងការចម្អិនអាហារខ្លួនឯងសម្រាប់ពេលព្រឹកនោះទេ ព្រោះវាជាអាហារដែលសំខាន់សម្រាប់ទ្រទ្រង់រាងកាយ។

រូបតំណាង

**២. ទទួលយកចំណុចដែលមិនល្អ**

មនុស្សស្រីដែលខ្លាំងម្នាក់មិនដែលមើលរំលងពីកំហុសខ្លួននោះទេ គាត់តែងតែទទួលយករួចហើយកែតម្រូវវាឡើងវិញ។

៣. តែងតែញញឹម

ជាមនុស្សស្រីម្នាក់ដែលអស្ចារ្យគឺគាត់មិនដែលបំភ្លេចនូវស្នាមញញឹមរបស់ខ្លួននោះទេ ទោះបីពេលខ្លះមានបញ្ហាក៏ដោយក៏គាត់នៅតែព្យាយាមផ្ដល់ស្នាមញញឹមសម្រាប់មនុស្សជុំវិញខ្លួនគាត់។

រូបតំណាង

៤. ធ្វើលំហាត់ប្រាណ

គាត់តែងតែស្រឡាញ់ខ្លួនឯងជានិច្ច ដូច្នេះការហាត់ប្រាណគឺជារឿងសំខាន់មួយដែលគាត់ត្រូវតែធ្វើ ដូចជា រាំ, ហាត់yoga, gym ជាដើម ដើម្បីថែរក្សារូបរាងគាត់ឲ្យនៅតែស្រស់ស្អាត។

៥. ស្វែងរកភាពរីករាយជាមួយនឹងរឿងដែលតូចតាច

គាត់មិនប្រកាន់ថារឿងនោះធំ ឬ ក៏តូចនោះទេ សំខាន់បំផុត ឲ្យតែគាត់គិតថាពេលដែលធ្វើវាហើយ គាត់អាចទទួលបានភាពរីករាយដោយមិនប៉ះពាល់ដល់អ្នកដទៃ។

៦. ជួយអ្នកដែលត្រូវការជំនួយពីគាត់

គាត់តែងតែរីករាយក្នុងការជួយអ្នកដទៃដែលត្រូវការគាត់ ហើយគាត់អាចជួយបាន ទៅតាមអ្វីដែលគាត់មាន ដោយមិនប្រកាន់គំនិតចង្អៀតចង្អុល។

៧. ស្វែងរកចំណេះដឹងថ្មីៗ

គាត់តែងតែចង់ចេះពីនេះពីនោះមិនឈប់ ដោយមិនចង់ទុកឲ្យខ្លួនឯងទំនេរឥតប្រយោជន៍ ដូច្នេះគាត់តែងតែរៀនបន្ថែមពីអ្វីដែលគាត់មិនទាន់ចេះ។