គិតត្រឹមចុងឆ្នាំនេះ តើតារាស្រីកូរ៉េរូបណាជារាជិនី Instagram?
- 2017-11-24 02:13:55
- ចំនួនមតិ 0 | ចំនួនចែករំលែក 0
គិតត្រឹមចុងឆ្នាំនេះ តើតារាស្រីកូរ៉េរូបណាជារាជិនី Instagram?
បណ្ដាញសង្គម Instagram គឺជាបណ្ដាញសង្គមមានប្រជាប្រិយភាពទី២នៅកូរ៉េ ឈរក្រោយតែបណ្ដាញសង្គម Kakao Talk តែប៉ុណ្ណោះ។ ហើយសិល្បករក៏ប្រើបណ្ដាញនេះដើម្បីទំនាក់ទំនងជាមួយអ្នកគាំទ្ររបស់ខ្លួនដែរ។ ខាងក្រោមនេះគឺជាតារាស្រី១០រូបដែលមានចំនួនអ្នកគាំទ្រច្រើនបំផុតលើបណ្ដាញសង្គម Instagram។
១. ក្ដាប់តំណែងរាជិនី Instagram នៅកូរ៉េគឺតារាចម្រៀងស្រីលំដាប់ A Taeyeon មេក្រុមចម្រៀងល្បីឈ្មោះ Girls' Generation។ ម្ចាស់បទ "I” មានអ្នកគាំទ្រចំនួន១០,៦ លាននាក់។
២. ដណ្ដើមបានជយលាភីលេខ២គឺតារាសម្ដែងជើងថ្មី Lee Sung Kyung។ ស្រីស្អាតមកពីផលិតកម្ម YG មានអ្នកគាំទ្រដល់ទៅ៧,៦៧លាននាក់ បើទោះបីជាឆ្នាំមុននាងគ្មានមុខក្នុង top ១០ ក៏ដោយ។
៣. ជាមួយចំនួនអ្នកគាំទ្រ ៧,៤៦លាននាក់ តារាសម្ដែងល្បីឈ្មោះ Park Shin Hye ជាប់លេខ៣។ នាងគឺជាមួយក្នុងចំណោមតារាសម្ដែងតិចតួចដែលមានឈ្មោះនៅទីនេះ។
៤. មិនត្រឹមតែមានអ្នកគាំទ្រច្រើនលើ Instagram នោះទេ តារាចម្រៀង និងសម្ដែង Yoona ក៏មានអ្នកគាំទ្រច្រើននៅលើ Weibo ផងដែរ។ ស្រីស្អាតវ័យ២៧ឆ្នាំ មានអ្នកគាំទ្រចំនួន ៧,៣៦លាននាក់។
៥. លេខរៀងបន្ទាប់គឺស្រីស្អាតប្រចាំផលិតកម្ម JYP តារាចម្រៀង និងសម្ដែង Suzy។ អតីតមិត្តស្រី Lee Minho មានអ្នកគាំទ្រ ៧,២៦លាននាក់។
៦. ក្រោយពេលរឿងភាគ "Descendants of The Sun” ចាក់ផ្សាយរួច ប្រជាប្រិយភាពរបស់កំពូលតារាសម្ដែង Song Hye Kyo ឡើងស្រឺតៗតែម្ដង។ ប្រពន្ធរបស់ Song Joong Ki មានអ្នកគាំទ្រចំនួន ៧,០៥លាននាក់។
៧. ទោះបីជាមិនសូវមានសកម្មភាពច្រើនក្នុងសិល្បៈក្ដី តែ Jessica អតីតសមាជិកក្រុម Girls' Generation នៅតែមានអ្នកគាំទ្រច្រើនដដែល។ ម្ចាស់បទ "Fly” មានអ្នកគាំទ្រ ៦,៧៩លាននាក់ តែនាងបានធ្លាក់៤លេខបើប្រៀបនឹងឆ្នាំមុន។
៨. Black Pink គឺជាក្រុមចម្រៀងតែមួយគត់ដែលមានឈ្មោះនៅក្នុងតារាងនេះ។ ក្រុមចម្រៀងស្រីតែមួយគត់របស់ YG មានអ្នកគាំទ្រ ៦,៤១លាននាក់។
៩. ជាប់លេខ៩គឺតារាចម្រៀងរ៉េបស្រីកាលីប CL ជាមួយអ្នកគាំទ្រ ៦,៣៩លាននាក់។
១០. បិទតារាងនេះគឺប្អូនស្រីពៅក្រុមចម្រៀង F(x) Krystal។ ប្អូនស្រីរបស់ Jessica មានអ្នកគាំទ្រ ៦,៣លាននាក់៕