រ៉ូបតែមួយ តែវាសនាពីរ Mai Davika ស្លៀកខុសពី Kim Kardashian ដាច់

2017-11-23 02:37:14
ចំនួនមតិ 0 | ចំនួនចែករំលែក 0

ទោះបីជារ៉ូបតែមួយក៏ពិតមែន តែដោយសារតែមានម្ចាស់ផ្សេងគ្នា ដូចនេះហើយរ៉ូបទាំង២នេះក៏មានវាសនាផ្សេងគ្នាដូចគ្នា។

ក្រៅពីកំពូលតារាម៉ូដែលជាច្រើនដែលបង្ហាញមុខនៅក្នុងកម្មវិធីបង្ហាញម៉ូដ Victoria's Secret នោះ ភ្ញៀវកិត្តិយសដែលបានចូលរួមក្នុងកម្មវិធីនេះក៏ទទួលបានចំណាប់អារម្មណ៍មិនតិចដែរ។ មួយក្នុងចំណោមនោះគឺតារាសម្ដែងស្រីល្បីឈ្មោះថៃ Mai Davika ដែលបានបង្ហាញខ្លួនយ៉ាងស្រស់ស្អាតនៅលើកម្រាលព្រំក្រហម។

បង្ហាញវត្តមាននៅទីនេះ តួរឿង "Pee Mak” បានស្លៀករ៉ូបកៅស៊ូយ៉ាងរឹបរាងបង្ហាញរាងស្វែលស្អាតដូចម៉ាន់នឺកាំង។ ដោយសារតែមានរាងស្ដើង ស្រីស្អាតវ័យ២៥ឆ្នាំកាន់តែលេចធ្លោក្នុងរ៉ូបនេះ។

Mai Davika

យ៉ាងណាក៏ដោយ មុន Davikah ក៏មានតារាស្រីម្នាក់ទៀតដែលស្លៀករ៉ូបនេះដែរ នោះគឺតារាសម្បូរដោយរឿងអាស្រូវ Kim Kardashian។ យ៉ាងណាក្ដី ដោយសារតែមានរាងក្រាស់ Kim ស្លៀករ៉ូបនេះមិនសូវសមនោះឡើយ ពោលគឺរ៉ូបនេះតឹងខ្លាំងពេលអ្នកម្ដាយកូន២នេះស្លៀក។ តាមនោះដែរ រ៉ូបកៅស៊ូបែបនេះ ត្រូវតែជាមួយអ្នកដែលមានរាងស្ដើងនោះទេ ព្រោះវានឹងឲ្យអ្នកដែលមានសាច់កាន់តែធាត់ជាងមុន ពេលស្លៀក៕