តារាស្រីថៃ ៥រូបដែលល្បីផ្ទុះដោយការដើរតួជានារីរកស៊ីផ្លូវភេទ
- 2017-11-22 10:47:08
- ចំនួនមតិ 0 | ចំនួនចែករំលែក 0
តារាស្រីថៃ ៥រូបដែលល្បីផ្ទុះដោយការដើរតួជានារីរកស៊ីផ្លូវភេទ
ក្នុងនាមជាតារាសម្ដែង ការសម្ដែងឲ្យចូលអារម្មណ៍ដូចតួអង្គពិតៗគឺជាចំណុចសំខាន់ក្នុងការទាក់ទាញចំណាប់អារម្មណ៍អ្នកគាំទ្រ ជាពិសេសបើបានសម្ដែងតួអង្គពិបាកៗ ឆ្នាសឆ្នើមទៀត គឺកាន់តែទទួលបានការចាប់អារម្មណ៍ខ្លាំងថែមទៀត។ តួយ៉ាងតារាស្រីជួរមុខមួយចំនួនបានសុខចិត្តសម្ដែងជាតួនារីលក់ខ្លួនដែលទាមទារនូវទេពកោសល្យសម្ដែងខ្ពស់ និងការលះបង់ខ្លាំង ប៉ុន្តែលទ្ធផលដែលទទួលបានក៏ជាទីគាប់ចិត្ត និងថែមទាំងទទួលបានការសរសើរថាសម្ដែងដូចពិតៗថែមទៀត។
១. Baifern Pimchanok
ផ្លាស់ប្ដូរពីការសម្ដែងជាតួអង្គបែប Cute ទន់ភ្លន់ធម្មតា តារាសម្ដែងវ័យក្មេង Baifern បានបង្ហាញទេពកោសល្យសម្ដែងដ៏ខ្លាំងក្លារបស់ខ្លួនលើកដំបូងនៅពេលមកសម្ដែងរឿង "Long Fai" ឬរឿង “វង្វេងភ្លើង” ដែលដើរតួជាតួឯកស្រីមានមុខរបរជានារីលក់ខ្លួនលំដាប់ VIP ប៉ុន្តែក៏ត្រូវជីវិតក៏ត្រូវដុនដាបទៅៗដោយសារភាពលោភលន់របស់ខ្លួន។
២. Nune Wooranut
តារាស្រីជួរមុខប្រចាំប្រទេសថៃរូបនេះក៏ធ្លាប់សម្ដែងជាតួនារីពេស្យា និងនារីម៉ាស្សា នៅក្នុងភាពយន្តរឿង “Midnight My Love” ជាមួយតារាកំប្លែងល្បីឈ្មោះ Mum Jukmuk ដែលចេញកាលពីឆ្នាំ២០០៥។
៣. Saiparn Apinya
តារាស្រីតូចច្រឡឹងរូបនេះចាប់ផ្ដើមទទួលបានកេរ្តិ៍ឈ្មោះល្បីល្បាញបំផុតក្រោយពីសម្ដែងរឿង “Same Same But Different” ដែលក្នុងនោះនាងសម្ដែងជាតួនារីពេស្យាកម្ពុជា ដែលជួបស្នេហ៍ជាមួយបរទេស និងត្រូវឆ្លងមេរោគអេដស៍។ ចេញនៅឆ្នាំ២០០៩ រឿងនេះបានទទួលការគាំទ្រខ្លាំង និងត្រូវបានយកទៅបញ្ចាំងនៅជាច្រើនប្រទេស។
៤. Mo Amena
តារាសម្ដែងសិចស៊ី Mo Amena បានទទួលការចាប់អារម្មណ៍ខ្លាំងក្នុងការសម្ដែងរឿងភាគល្បី “Louk Long” ដែលក្នុងនោះនាងដើរតួជានារីពេស្យា មាត់ឆៅ ដៃរហ័ស ប៉ុន្តែមានចិត្តល្អ។
៥. Bella Ranee
បើទោះបីមិនទាន់ចេញថត ប៉ុន្តែតារាសម្ដែង Bella Ranee បានធ្វើឲ្យអ្នកគាំទ្រភ្ញាក់ផ្អើល និងចាប់អារម្មណ៍ខ្លាំងក្រោយទទួលព័ត៌មានថារឿងភាគបន្ទាប់ Bella នឹងដើរតួជានារីលក់ខ្លួន ដែលជួបស្នេហ៍ជាមួយកូនសេដ្ឋី ក្នុងរឿង “Krong Kam” ៕