ស្ងៀមស្ងាត់ មិនមែនល្ងង់ កុំច្រឡំឲ្យសោះ (អានទៅអ្នកនឹងដឹង)
- 2017-11-21 09:58:00
- ចំនួនមតិ 0 | ចំនួនចែករំលែក 0
ស្ងៀមស្ងាត់ មិនមែនល្ងង់ កុំច្រឡំឲ្យសោះ (អានទៅអ្នកនឹងដឹង)
កុំមើលឃើញទង្វើល្អរបស់អ្នកដទៃថាជាភាពទន់ខ្សោយ
កុំមើលឃើញចិត្តល្អរបស់អ្នកដទៃដើម្បីជាឈ្នាន់ទាញយកផលប្រយោជន៍
កុំមើលឃើញចិត្តទូលាយរបស់អ្នកដទៃថាជាភាពកំសាក
អ្នកដែលមានចរិតល្អ មិនបណ្ដោយឲ្យទោសៈកើតឡើងងាយៗឡើយ ប្រៀបដូចជាឧសសើមដែលមិនងាយនឹងឆេះ ប៉ុន្តែវាក៏មិនមែនមានន័យថាដុតយ៉ាងណាក៏មិនឆេះដែរ។
ដូច្នេះ ចាំទុក “ស្ងៀមស្ងាត់ មិនមែនមានន័យថាល្ងង់ទេ”។
~~~
ជីវិត
ប្រៀបដូចរសជាតិរបស់កាហ្វេ
តិចក៏ដោយ ច្រើនក៏ដោយ គឺតែងតែមានជាតិល្វីង
ផ្អែមក៏ដោយ សាបក៏ដោយ គឺសុទ្ធតែមានរសជាតិ
ក្ដៅក៏ដោយ ត្រជាក់ក៏ដោយ គឺសុទ្ធតែមានអ្នកចូលចិត្ត
ដូច្នេះ អ្វីដែលយើងគិត មិនប្រាកដថាជាអ្វីដែលគេគិត សូមកុំវាយតម្លៃថាគេល្អ ឬអាក្រក់ដោយសារតែគេគិតដូច ឬមិនដូចយើង។
~~~
ជីវិត
ព្រោះគិតច្រើនពេកទើបក្លាយជាទុក្ខ
ព្រោះសង្ស័យច្រើនពេកទើបលំបាកវេទនា
ព្រោះយល់ច្បាស់ទើបបានសុខ ព្រោះចេះទម្លាក់ទុក្ខចោលខ្លះទើបមានសេរីភាព
ជីវិតមនុស្សក្នុងលោកនេះគឺដូចជាអ្នកទេសចរ មានរឿងច្រើនដែលយើងត្រូវជួប តែយើងអាចសម្រេចបានថារឿងណាត្រូវខ្វល់ រឿងណាមិនត្រូវខ្វល់។
~~~
រឿងដែលធំបំផុតនៅថ្ងៃនេះ នៅថ្ងៃស្អែកវានឹងក្លាយជារឿងតូច
រឿងដែលធំបំផុតក្នុងឆ្នាំនេះ នៅឆ្នាំក្រោយវាក៏ក្លាយជារឿងចាស់
រឿងដែលធំបំផុតក្នុងជីវិតនេះ ពេលស្លាប់ទៅក៏ក្លាយជារឿងតំណាល
យើងគ្រប់គ្នាក៏បានត្រឹមតែជាមនុស្សម្នាក់ក្នុងអតីតកាល
ដូច្នេះបើជីវិតដើរដល់ផ្លូវទាល់ ចូរប្រាប់ខ្លួនឯងថា “ថ្ងៃនេះអស់ផ្លូវ ថ្ងៃស្អែកនឹងមានផ្លូវ ហើយខានស្អែកនឹងល្អជាងនេះ”។
មានតែប៉ុណ្ណឹងទេថ្ងៃនេះ ចាំជួបគ្នាម្ដងទៀតនៅអត្ថបទក្រោយ...
ចុចអាន៖
បញ្ហាជីវិត ៧យ៉ាងដែលអ្នកនឹងយល់បានជ្រាលជ្រៅពេលឈានចូលវ័យ ២៥ឆ្នាំ
មនុស្សគំនិតអាក្រក់មកលើអ្នក១០ប្រភេទ ដែលអ្នកគួរងើយមុខអរគុណត្រលប់ទៅវិញ