មិនមែនឲ្យតែយកប្ដីអ្នកមានគឺស្រួលនោះទេ មើលតារាចិនទាំងនេះគឺដឹងហើយ
- 2017-11-20 06:26:46
- ចំនួនមតិ 0 | ចំនួនចែករំលែក 0
មិនមែនឲ្យតែយកប្ដីអ្នកមានគឺស្រួលនោះទេ មើលតារាចិនទាំងនេះគឺដឹងហើយ
ពេលខ្លះយកប្ដីជាមហាសេដ្ឋីបែរជាក្លាយជាបន្ទុកនៅលើស្មារបស់ខ្លួនទៅវិញ។
មិនមែនទាំងអស់នោះឡើយ តែសិល្បការិនីភាគច្រើនក្រោយពេលមានឈ្មោះល្បីហើយនឹងរៀបការជាមួយនឹងបុរសអ្នកមាន។ ខណៈមួយចំនួនធំទទួលបានសុភមង្គលពីគ្រួសារប្ដីនោះ ក៏មិនតិចដែរដែលត្រូវរងកម្មពៀរទៅវិញ ជាក់ស្ដែងដូចស្រីស្អាតទាំង៣ខាងក្រោម។
សាន់ឆាយត្រូវគ្រួសារខាងប្ដីស្អប់ ប៊ិះស្លាប់ព្រោះកើតកូនក្នុងអាយុ៤០ឆ្នាំ
អ្នកណាក៏ដឹងដែរថាមុនពេលរៀបការចូលគ្រួសារត្រកូល Wang តារាសម្ដែង Barbie Hsu ធ្លាប់មានស្នេហាជាមួយតារាសម្ដែង គួ ចាឡឺយពេលសម្ដែងរឿងជាមួយគ្នា។ តែចុងបញ្ចប់បែរជារៀបការជាមួយអ្នកប្រុសគ្រួសារ Wang ទៅវិញ។ ក្រោយពេលការរួច មានព័ត៌មានលេចឮថាម្ដាយក្មេករបស់នាងមិនចូលចិត្តនាងឡើយ ព្រោះនាងជាអ្នកក្នុងសិល្បៈ។ ក្រោយពេលសម្រាលកូនទី២ដែលជាកូនប្រុសរួចមក ទើបជីវិតនាងរាងធូរបន្តិច តែក៏ដោយសារតែកើតកូនលើកទី២នេះហើយដែលបណ្ដាលឲ្យនាងស្ទើរស្លាប់ព្រោះឆ្លងទន្លេក្នុងវ័យ៤០ឆ្នាំ។ មិនតែប៉ុណ្ណោះ ដោយសារតែគ្រួសារប្ដីរកស៊ីឡុងចុងទើប សាន់ឆាយត្រូវចូលសិល្បៈវិញដើម្បីរកលុយដោះបំណុលជួយប្ដី។
Vivian Hsu ប្ដីក្ស័យធន ធ្វើការចង់ស្លាប់ដើម្បីរកលុយសងបំណុលគេ
គេស្មានថា ក្រោយពេលជួបរាល់ទុក្ខលំបាកកាលពីក្មេងហើយ តារាសម្ដែងស្រីតៃវ៉ាន់ Vivian Hsu នឹងរកបានសុភមង្គលពេលខ្លួនចាស់ទៅ តែព្រហ្មលិខិតហាក់លេងសើចនឹងនាងពេកហើយ។ ក្រោយរៀបការជាមួយប្ដីជាអ្នកមានមិនទាន់បានប៉ុន្មានផង ក្រុមហ៊ុនរបស់ប្ដីនាងប៊ិះក្ស័យធនដោយសារវិនិយោគអចលនទ្រព្យខុស។ មិនទាន់ទាំងសម្រាកពីការឆ្លងទន្លេស្រួលបួលផង ម្ដាយកូន១វ័យ៤២ឆ្នាំត្រូវងើបពីគ្រែមកធ្វើការទាំងសរសៃខ្ចីព្រោះខ្លាចទ្រព្យសម្បត្តិត្រូវគេរឹបអូស។ ក្នុងរយៈពេលតែ៤ខែ នាងត្រូវចុះកិច្ចសន្យាថតរឿងរហូតដល់ទៅ៤រឿង ស្ទើរតែគ្មានពេលសម្រាកសោះ។
Ady An នៅសុខៗត្រូវគេជេរ ព្រោះយកប្ដីក្លាយជាម្ដាយចុងគេ
Ady An គឺជាតារាស្រីដែលកើតក្នុងវង្សត្រកូលខ្ពង់ខ្ពស់ត្បិតមានឪពុកជាមន្ត្រីធំ។ គ្រួសារនាងមានផ្ទះ និងដីឲ្យជួលនៅសព្វទូទាំងកោះតៃវ៉ាន់។ ក្រោយពេលមានស្នេហាជាមួយនឹងអ្នកក្នុងសិល្បៈជាច្រើនដងរួចមក តែមិនបានសម្រេច នាងក៏សម្រេចចិត្តយកប្ដីជាមហាសេដ្ឋីតែម្ដងទៅ។ ស្វាមីរបស់តារាវ័យ៣៧ឆ្នាំ មានទ្រព្យសម្បត្តិជាង១០០០លានដុល្លារ ធ្វើឲ្យអ្នកក៏ច្រណែននឹងនាង។ យ៉ាងណាក៏ដោយ ក្រដាសមិនអាចខ្ចប់ភ្លើងបានឡើយ។ កាលពីពេលថ្មីៗនេះ ប្ដីនាងត្រូវគេទម្លាយថាមិនមែនជាកំលោះនោះទេ ព្រោះធ្លាប់មានប្រពន្ធរួចហើយ ថែមទាំងមានកូនអាយុដល់ទៅ៨ឆ្នាំថែមទៀត។ Ady ត្រូវគេរិះគន់យ៉ាងចាស់ដៃព្រោះដឹងថា ត្រូវធ្វើម្ដាយចុងគេហើយតែនៅតែបោលចូល ដោយសារតែលុយ ទាំងដែលខ្លួនជាអ្នកមានរួចទៅហើយ៕