ផ្ទុះព័ត៌មាន Min Pechaya និងគូស្នេហ៍ដឹកដៃគ្នាទៅថត Pre Wedding ស្ងាត់ៗនៅប៉ារីស

2017-11-19 04:06:51
ចំនួនមតិ 0 | ចំនួនចែករំលែក 0

បន្ទាប់ពីបង្ហាញភាពផ្អែមល្ហែមដោយការបង្ហោះរូបស្ទីលដូចៗគ្នាលើ Instagram តារាសម្ដែងថៃ Min Pechaya បានធ្វើឲ្យបណ្ដាអ្នកគាំទ្រជាច្រើនរបស់ខ្លួនសង្ស័យថាថត Pre Wedding នៅទីក្រុងប៉ារីស ក្រោយបង្ហោះរូបថតក្នុងឈុតកូនក្រមុំ។

ថ្មីៗនេះ តារាសម្ដែង Min Pechaya និងមិត្តប្រុសដែលជាអ្នកជំនួញ បាននាំគ្នាធ្វើដំណើរកម្សាន្តនៅទីកន្លែងល្បីៗមួយចំនួននៅអឺរ៉ុប។ បើទោះមិនបានបញ្ចេញរូបថតពីរៗនាក់ ប៉ុន្តែតាមរយៈរូបថតដែលបង្ហោះលើ Instagram អ្នកទាំងពីរបានបង្ហាញថា ពួកគេបានបណ្ដើរគ្នាទៅប្រទេសជាច្រើន ដូចជាបារាំង និងអង់គ្លេស ដោយស្លៀកសំលៀកបំពាក់បែបគូស្នេហ៍ និងថតរូបស្ទីលដូចៗគ្នាទៀត។

ប៉ុន្តែកាលពីថ្ងៃសៅរ៍ ម្សិលមិញនេះ Min Pechaya បានធ្វើឲ្យអ្នកគាំទ្រកាន់តែសង្ស័យទៀតថាអ្នកទាំងពីរនាំគ្នាទៅថតរូបសម្រាប់ថ្ងៃរៀបការ នៅពេលតួឯកស្រីប្រចាំប៉ុស្តិ៍លេខ៧ រូបនេះបង្ហោះរូបស្លៀករ៉ូបកូនក្រមុំ ថតនៅប៉ម Tour Eiffel ទីក្រុងប៉ារីស។ ទោះយ៉ាងណា ប្រភពមួយចំនួននិយាយថានេះគ្រាន់តែជាការថតម៉ូដធម្មតាៗប៉ុណ្ណោះ។