៧ វិធីក្នុងការបែកគ្នាដោយមានភាពចាស់ទុំ និងថ្លៃថ្នូរ

2017-11-17 04:56:00
ចំនួនមតិ 0 | ចំនួនចែករំលែក 0

រឿងស្នេហាគ្មានអ្នកណាទទួលយកដើម្បីតែបែកគ្នានោះទេ តែពេលខ្លះរឿងមិនអាចចៀសរួច មិនអាចផ្សះផ្សាបាន ដូច្នេះវិធីដ៏ល្អមានតែបែកគ្នា។ បើសិនជាអ្នកសម្រេចចិត្តដើរដល់ផ្លូវបំបែកហើយ អ្នកគួរតែបែកគ្នាក្នុងភាពចាស់ទុំ និងថ្លៃថ្នូរ តាមវិធីខាងក្រោមនេះ ៖

១. កុំពន្យារពេល

អ្នកប្រហែលជាព្យាយាមពន្យារពេលដើម្បីបែកពីគាត់ ដោយការអាណិត ឬគិតថាចាំឱកាសល្អដើម្បីកុំឲ្យគាត់គិតច្រើន។ អ្នកដឹងទេថាការពន្យារពេលនេះរឹតតែធ្វើឲ្យគាត់ពិបាកចិត្ត និងធ្វើឲ្យគាត់កាន់តែមិនដាច់ចិត្តពីអ្នក ដូច្នេះអ្នកមិនគួរនៅត្រាំត្រែងជាមួយគាត់បន្តទៀតទេបើសិនជាគិតថាមិនបន្តទៅមុខហើយនោះ។

រូបតំណាង

**២. ប្រាប់ផ្ទាល់**

បើអ្នកចង់បែកមែនអ្នកគួរតែប្រាប់គាត់ផ្ទាល់មាត់ និងជួបនិយាយគ្នាផ្ទាល់ មិនគួរបែកដោយមិនលា ឬផ្ញើសារ ក៏ Chat មកទេ។ ការបែកគ្នាដោយប្រយោលបែបនេះ គឺបង្ហាញពីភាពកំសាក និង មិនទទួលខុសត្រូវរបស់អ្នក។

៣. ប្រើភាសាចាស់ទុំក្នុងការបែកគ្នា

ភាសាចាស់ទុំនៅត្រង់នេះគឺឲ្យអ្នកចេះនិយាយឲ្យស្រួលស្ដាប់ មិនមែនស្រែកឬក៏ប្រើពាក្យអាក្រក់ប៉ះទង្គិចផ្លូវចិត្តម្ខាងទៀតឡើយ។ អ្នកគួរតែបែកគ្នាដោយសម្រួល និយាយដោយម៉ឺងម៉ាត់ មិនមែនលេងៗយកជាការមិនបានឡើយ។

៤. ប្រាកដថាគាត់ជាមនុស្សទី១ដែលដឹងរឿងនេះ

អ្នកមិនគួរដើរប្រាប់អ្នកដទៃថាអ្នកបែកគ្នាហើយទាំងមិនទាន់បាននិយាយជាមួយគាត់សិននោះទេ ត្រូវប្រាកដថាគាត់ជាអ្នកទទួលរឿងនេះមុនគេ។ ទោះបែកគ្នាក៏ដោយក៏អ្នកគួរតែរក្សាតម្លៃ និងភាពថ្លៃថ្នូរសម្រាប់គាត់ និងខ្លួនឯងដែរមិនមែនដើរតែហែកកេរ្តិ៍គ្នានោះទេ។

រូបតំណាង

៥. ប្រាប់ពីហេតុផលពិតប្រាកដមួយ

កុំព្យាយាមរកលេសមកកុហកគាត់ និងយកខ្លួនឯងល្អ។ អ្នកត្រូវផ្ដល់ហេតុផលពិតមួយដល់គាត់ បើអ្នកមានថ្មី ប្រាប់គាត់ថាមានថ្មីទៅ បើអ្នកអស់ចិត្ត អ្នកប្រាប់គាត់ថាអស់ចិត្តទៅ ដាច់ខាតកុំយកហេតុផលកូនក្មេងមកប្រើអី។

៦. កុំបង្ហាញរឿងបែកបាក់នេះទៅសាធារណៈ ជាពិសេសបណ្ដាញសង្គម

បែកហើយក៏បែកទៅ មិនចាំបាច់រៀបរាប់ឲ្យគេដឹងតាមបណ្ដាញសង្គម ដូចជា Facebook ឬinstagram អីនោះទេ ព្រោះវាមិនល្អ។ ការដែលអ្នកធ្វើបែបនេះកឺដូចបំបាក់មុខគាត់ និងខ្លួនអ្នកដូចគ្នា ដូច្នេះគួរតែទៅតាមធម្មជាតិទៅ។

៧. កុំទម្លាក់កំហុសឲ្យគាត់

ទោះបីគាត់ខុស ឬមិនមែនក៏ដោយក៏អ្នកមិនគួរទម្លាក់ឲ្យគាត់ទាំងអស់ដែរ គួរតែព្យាយាមនិយាយគ្នាឲ្យស្រួលតាមតែអាចធ្វើបាន។ ការដាក់កំហុសឲ្យអ្នកដទៃ គឺបង្ហាញថាអ្នកជាមនុស្សដែលចង់ល្អតែខ្លួនឯង។