ប្រុសៗត្រៀមខ្លួនលួងគេឲ្យហើយទៅ ពេលឮសម្ដីខុសពីចិត្ត ៥ ឃ្លានេះពីស្រីៗ

2017-11-17 01:00:00
ចំនួនមតិ 0 | ចំនួនចែករំលែក 0

ស្រីៗប្រែប្រួលអារម្មណ៍ទៅតាមស្ថានភាព និងសុខភាព ហើយថែមទាំងកត្តាក្រៅខ្លួនផ្សេងៗទៀត ដែលគ្មានសណ្ឋានច្បាស់លាស់ទេ។ ម៉្យាងវិញទៀតធម្មជាតិជាស្ត្រី គឺត្រូវតែមានបែបបទស្មុគស្មាញជាងបុរស មិនថារូបកាយ ឬផ្លូវចិត្តនោះទេ។ ដូច្នេះនាងងាយផ្លាស់ប្ដូរអារម្មណ៍ណាស់ ម្ដងសើច ម្ដង មួម៉ៅ និងនិយាយអ្វីក្បត់និងចិត្តខ្លួនឯង។ ទាំងនេះជាពាក្យដែលនាងឧស្សាហ៍ប្រើនៅពេលខឹងឬអន់ចិត្តម្ដងៗ៖

១.«អូខេ»

ចំណាំមើលទៅ បើនាងមិនសូវសប្បាយចិត្តនាងនឹងមិនប្រកែក បានត្រឹមនិយាយថា អូខេមួយម៉ាត់។ ពាក្យអូខេនេះមានន័យថា នាងបានខឹង៥០% រួចទៅហើយ។ បើនាងនិយាយ ត្រឹម ខេ មួយម៉ាត់យ៉ាងកំបុតនេះមានន័យថានាងខឹងខ្លាំង ១០០%។

រូបតំណាង

**២.«អត់អីទេចឹង»**

តើអ្នកធ្លាប់ទេ ពេលអ្នកភ្លេចលើកទូរស័ព្ទមួយដងទេ តែក្រោយមកអ្នកអត់បានខលទៅវិញ។ ដល់ពេលនាងខលមកលើកទី២ អ្នកលើកនិយាយហើយបានប្រាប់ថា អត់បានលើកព្រោះរវល់។ នាងនឹងនិយាយភ្លាមថា "អត់អីទេចឹង"។ វាមិនអត់អីដូចមាត់នាងថាទេ ហើយនេះច្បាស់ ណាស់ថានាងកំពុងអន់ចិត្តហើយ។ ដូចនេះបើលួងមិនទាន់ ដឹងតែផ្ទុះហើយ។

៣.«អត់មានអីទេ»

បើពេលឃើញនាង ធ្វើមុខស្អុយ តែពេលសួរទៅនាងតបថា អត់មានអីទេ។ កុំជឿនាង បើអាចទិញនំចំណីដែលនាងចូលចិត្តយកទៅលួងនាងឲ្យហើយទៅ។

៤.«សុំប្រាំនាទី»

រៀនធ្វើចិត្តឲ្យហើយទៅណា ព្រោះថាវាមិនអាច៥នាទីនោះទេ គឺមានតែលើសហ្នឹង។ ពាក្យនេះនាងនឹងប្រើនៅពេលផាត់មុខ ធ្វើសក់ ឬទិញទំនិញជាដើម។

៥.«អគុណហើយ»

ពាក្យនេះក៏មិនអាចទុកចិត្តបានដែរ អ្នកអាចដឹងបានថានាងខឹងឬមិនខឹង តាមរយៈការលើកដាក់សំឡេង ដោយនិយាយពាក្យនេះ។ ម៉្យាងវិញទៀតអ្នកក៏អាចដឹងបានដោយសារពីដើមមកនាងមិននិយាយអគុណនេះញឹកញាប់ទេ៕